ស្តាយខ្លាំងណាស់ ! មិនគួរបាត់បង់ជីវិតសត្វដ៏កម្រនេះសោះ
ខេត្តក្រចេះ ៖ ប្រជាពលរដ្ឋស្ទើរទូទាំងប្រទេស ពិសេសប្រជាសហគមអន្លង់ផ្សោតកាំពីនៅខេត្តក្រចេះពិតជាមានការសោកស្តាយខ្លាំងណាស់ ខណៈប្រជានេសាទបានប្រទះឃើញ
ខេត្តក្រចេះ ៖ ប្រជាពលរដ្ឋស្ទើរទូទាំងប្រទេស ពិសេសប្រជាសហគមអន្លង់ផ្សោតកាំពីនៅខេត្តក្រចេះពិតជាមានការសោកស្តាយខ្លាំងណាស់ ខណៈប្រជានេសាទបានប្រទះឃើញ
ខេត្តក្រចេះ ៖ ប្រជាពលរដ្ឋស្ទើរទូទាំងប្រទេស ពិសេសប្រជាសហគមអន្លង់ផ្សោតកាំពីនៅខេត្តក្រចេះពិតជាមានការសោកស្តាយខ្លាំងណាស់ ខណៈប្រជានេសាទបានប្រទះឃើញសពត្រីផ្សោតមេកូន២ក្បាលងាប់ហើមស្អុយរលួយអណ្តែតមកទើរនៅច្រាំងទន្លេមេគង្គនៅភូមិបុសលាវ ឃុំបុសលាវ ស្រុកចិត្របុរី និងបង្កឲ្យភ្ញាក់ផ្អើលនៅព្រឹកថ្ងៃទី៣០ ខែកក្កដា ឆ្នាំ២០១៦ ។
សាកសពត្រីផ្សោតញីនិងមានកូនតូចមួយក្បាលទៀតផងនោះមិនត្រូវបានគេដឹងថាបានងាប់ពីពេលណាមកនោះទេ តែសាកសពមានសភាពស្អុយហើមរលួយអណ្តែតមកទើរជាមួយគ្នា ដែលគេន្និដ្ឋានថា ផ្សោតញីផើមមួយក្បាលនេះបានងាប់ជាច្រើនថ្ងៃមកហើយ និងបានហើមរហូតធ្លាយកូនចេញពីពោះ ។
ការងាប់សត្វត្រីផ្សោតញីសារជាថ្មីនេះ ធ្វើឲ្យពលរដ្ឋមានការសោកស្តាយយ៉ាងពន់ពេកចំពោះការបាត់បង់អាយុជីវិតពពួកត្រីផ្សោតដ៏កម្រនេះ និងថែមទាំងមានកួនក្នុងផ្ទៃទៀតផងនោះ ដែលតាមប៉ានប្រមាណថា មេមានទម្ងន់ជាង១០០គីឡូក្រាម ឯកូនមានទម្ងន់ជាង១គីឡូក្រាម ។
មានការកត់សម្គាល់ឃើញថា នៅក្នុងឆ្នាំ២០១៦មានត្រីផ្សោតតូច ធំ ញី ឈ្មោល ចំនួន៥ក្បាលហើយដែល បានងាប់ជាបន្តបន្ទាប់រាប់ទាំងការប្រទះឃើញត្រីផ្សោតញីដែលមានទាំងកូននៅក្នុងផ្ទៃលើកនេះ ។ ជាមួយនិងការងាប់ជាបន្តបន្ទាប់របស់ត្រីផ្សោតដ៏កម្រនេះ បានធ្វើឲ្យប្រជាពលរដ្ឋស្ទើរតែទូទាំងប្រទេស ពិសេសប្រចជាពលរដ្ឋនៅខេត្តក្រចេះ ប្រជាសហគមន៍អន្លង់ផ្សោតកាំពីដែលបានរបរប្រចាំថ្ងៃពីភ្ញៀវបរទេស បានទទូចស្នើឲ្យអាជ្ញាធរ ក៏ដូចជាអង្គភាពពាក់ព័ន្ធ មានវិធានការរឹតបន្តឹងឲ្យខ្លាំងលើការអភិរក្ស ពិសេសការទប់ស្កាត់បទល្មើសនេសាទដែលកំពុងតែមានសកម្មភាពលួចធ្វើនេសាទនៅក្នុងតំបន់ហាមឃាត់ និងតំបន់អភិរក្សមួយចំនួន នៅប៉ែកខាងលើដងទន្លមេគង្គខេត្តក្រចេះ ៕
ចែករំលែកព័តមាននេះ