ទោះបីជួបបញ្ហាអាកាសធាតុ តែការបង្កបង្កើនផលស្រូវរដូវវស្សានៅកំពង់ស្ពឺ សម្រេចបានជិត ២០% នៃផ្ទៃដីសរុប
- កំពង់ស្ពឺ
ខេត្តកំពង់ស្ពឺ៖ នៅដើមរដូវវស្សាក្នុងឆ្នាំ២០២៦នេះ ក្រុង-ស្រុកទាំង៩ នៃខេត្តកំពង់ស្ពឺ ប្រជាពលរដ្ឋ បង្កបង្កើនផលសរុបប្រមាណ២២៦៤៧ហិកតាហើយ។នេះបើយោងតាមការលើកឡើងរបស់លោកយឹម ណន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺ។
លោក យឹម ណន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺបាននិយាយដឹងថា បើគិតត្រឹមថ្ងៃទី០៣ ខែមិថុនា ឆ្នាំ២០២៦ ប្រជាពលរដ្ឋ បង្កនង្កើនផលស្រូវរដូវវស្សា ក្នុងក្រុង-ស្រុកទាំង៩ នៃខេត្តកំពង់ស្ពឺ ធ្វើស្រូវដើមរដូវវស្សា មានដូចជា÷(ស្ទូង ព្រោះ បុក ដាំ) ស្រូវព្រោះស្រាល ស្ទូង ព្រោះ និង ស្រូវព្រោះកណ្តាល សរុបប្រមាណ ២២៦៤៧ហិកតាហើយ បើគិតជាភាគរយ មានចំនួនជិត២០%ហើយនៅលើផ្ទៃដីសរុប។
លោក យឹម ណន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺបានបញ្ជាក់ឲ្យដឹងថានៅក្នុងឆ្នាំ២០២៦ នេះ ការបង្កបង្កើនផលស្រូវយឺតជាងឆ្នាំកន្លងទៅ ប៉ុន្តែទឹកភ្លៀងកើនជាងឆ្នាំមុន ដោយសារតែភ្លៀងធ្លាក់តាំងពីដើមខែមីនាច្រើន ហើយនៅដើមខែឧសភា មិថុនានេះ មានតិចតួចទើបប្រជាពលរដ្ឋយឺតយ៉ាវក្នុងការបង្កបង្កើនផលស្រូវ៕
ចែករំលែកព័តមាននេះ