រថយន្តដឹកកម្មករក្រឡា.ប់ផ្ងារជើង របួសធ្ងន់ស្រាល២៥នាក់ នៅស្រុករំដួល ខេត្តស្វាយរៀង
- ស្វាយរៀង
ខេត្តស្វាយរៀង ៖ តាមសេចក្ដីរាយការណ៍បឋមពីកន្លែងកើតហេតុបានឱ្យដឹងថា មានករណីក្រឡាប់រថយន្ដដឹកកម្មករ-កម្មការនីរោងចក្រ បណ្តាលឲ្យរងរបួសធ្ងន់ស្រាលចំនួន២៥នាក់ ត្រូវសមត្ថកិច្ចបញ្ជូនទៅសង្គ្រោះនៅមន្ទីរពេទ្យបង្អែកស្រុករំដួល។
ករណីនេះកើតឡើងនៅវេលាម៉ោង៦និង១៤នាទីព្រឹកថ្ងៃទី៤ មិថុនា ឆ្នាំ២០២៦ នៅលើកំណាត់ផ្លូវជាតិលេខ១៣ ស្ថិតនៅភូមិម្រាក ឃុំស្វាយចេក ស្រុករំដួល ខេត្តស្វាយរៀង។
បើតាមសមត្ថកិច្ចបាន្យដឹងថា មូលហេតុអ្នកបើកបររថយន្តបើកបរល្បឿនលឿនខ្វះការប្រុងប្រយត្ន័ពេលជួបឧបសគ្គ័មានម៉ូតូនៅពីមុខ ក៏បើកគេច ដើម្បីចៀសម៉ូតូ ទើបបណ្តាលឲ្យក្រឡាប់ផ្ងារជើង ចាក់កម្មករកម្មការនីចេញពីរថយន្ត បណ្តាលឲ្យរងរបួសធ្ងន់ស្រាលសរុប២៥នាក់ ក្នុងនោះរបួសធ្ងន់៥នាក់ ខណៈអ្នកជិះក្នុងរថយន្ដសរុបទាំងអស់៤០នាក់ (រថយន្តដឹកកម្មករជាប្រភេទរថយន្ត២៥កៅអី)។
សូមជម្រាបថា ករណីគ្រោះថ្នាក់ក្រឡាប់រថយន្ដដឹកកម្មកររោងចក្រនេះគឺ រថយន្ដធ្វើដំណើរទៅកន្លែងធ្វើការ
ដឹកហួសចំណុះរថយន្តធូរីស២៥កៅអីកែឆ្នៃដឹកដល់៤០នាក់។
ទោះបីយ៉ាងណា ករណីនេះនៅមិនទាន់បានការបញ្ជាក់ជាផ្លូវការណាមួយពីមន្ត្រីអាជ្ញាធរមូលដ្ឋាននៅឡើយទេ ខណៈកំពុងធ្វើការវាស់វែងនិងស៊ើបសួរព័ត៌មានបន្ថែម៕
ចែករំលែកព័តមាននេះ