ប្រទេសឥណ្ឌា ៖ កាលពីព្រឹកថ្ងៃទី៣ មិថុនា នៅក្រុងញូវដែល្លី រដ្ឋធានីឥណ្ឌា មានភ្លើងឆេះសណ្ឋាគារមួយ បណ្ដាលឲ្យមនុស្សស្លាប់យ៉ាងតិច២១នាក់ ក្នុងនោះ មានជនបរទេសច្រើននាក់ ។
យោងតាមតុល្យការបណ្ដោះអាសន្នមួយផ្សាយដោយប៉ូលិសមូលដ្ឋានថា ក្រៅពីអ្នកស្លាប់មនុស្សជាង៤០នាក់ ក៏រងរបួសដែរ និងបញ្ជូនភ្លាមៗទៅកាន់មន្ទីរពេទ្យ ។ ក្នុងចំណោមអ្នករបួសទាំងនោះ យ៉ាងតិច៨នាក់ របួសធ្ងន់ធ្ងរ។ នេះបើតាមប្រភពមន្ទីរពេទ្យដែលបញ្ជូនពួកគេមក។
ភ្លើងឆេះសណ្ឋាគារនោះ នៅមិនទាន់ដឹកប្រភពនៅឡើយ ហើយការស៊ើបអង្កេតមួយកំពុងធ្វើ ។ ភ្លើងបានឆេះបំផ្លាញសណ្ឋាគារ FLOURISH STAY នោះ និងហាងលក់អាហារថោកៗមួយ ដែលស្ថិតនៅផ្នែកខាងត្បូងនៃក្រុងញូវដែល្លី មានប្រជាជន៣០លាននាក់ ។
អគ្គិភ័យតែងកើតមានញឹកញាប់នៅឥណ្ឌា មកពីហេដ្ឋារចនាសម្ព័ន្ធមានសភាពទ្រុឌទ្រោម និងមិនគោរពបណ្ដាបទដ្ឋានសន្តិសុខ ។ អ្នកទទួលខុសត្រូវមូលដ្ឋានម្នាក់និយាយថា មនុស្សសរុប៤៧នាក់ ស្ថិតក្នុងសណ្ឋាគារនោះពេលមានភ្លើងឆេះ ។ ការស៊ើបអង្កេតមួយបានបើកធ្វើហើយពួកអ្នកដែលរំលោភបំពានបទដ្ឋានសន្តិសុខនឹងត្រូវឃាត់ខ្លួនជាបន្ទាន់ ។ ភ្ញៀវមួយចំនួនដែលស្នាក់នៅផ្នែកខាងលើនៃសណ្ឋាគារ បានលោតទម្លាក់ខ្លួនតាមបង្អួចទៅលើបណ្ដាពួកក្រាលខាងក្រោម ដោយប្រជាជននៅក្បែរសណ្ឋាគារដែលលើកគ្នាមកជួយ ។
ទីភ្នាក់ងារព័ត៌មានផ្លូវការឥណPTI ដែលដកស្រង់ប្រភពព័ត៌មានផ្លូវការអះអាងថា ជនរងគ្រោះច្រើននាក់់ជាជនបរទេស មកពីបណ្ដាប្រទេសនៅអាស៊ីកណ្ដាល និងអាហ្វ្រិក ។ នាយករដ្ឋមន្ត្រីឥណ្ឌា លោកណារេនដ្រាម៉ូឌី បានសម្ដែងការចូលរួមមរណៈទុក្ខជាមួយសាច់ញាតិជនរងគ្រោះ ដោយលោកចាត់ទុកអគ្គិភ័យនោះថា ជាសោកនាដកម្មមួយ ៕
ចែករំលែកព័តមាននេះ