បុរសម្នាក់ជិះឡានក្រុងធ្វើដំណើរពេលយប់ លុះមកដល់គោលដៅ មិនឃើញចុះ លុះអ្នកបើកបរទៅដាស់ ទើបដឹងថាស្លា.ប់
- ឧត្តរមានជ័យ
ខេត្តឧត្តរមានជ័យ ៖ មានករណីបុរសម្នាក់ស្លាប់នៅលើរថយន្តក្រុងរបស់ក្រុមហ៊ុនមួយ ដឹកអ្នកដំណើរពេលយប់ ចេញពីរាជធានីភ្នំពេញមកដល់គោលដៅបេនក្រុងសំរោង ខេត្តឧត្តរមានជ័យ ទើបមានការភ្ញាក់ផ្អើលដល់សមត្ថកិច្ចប៉ូលីស និងប្រជាពលរដ្ឋនៅព្រឹកថ្ងៃទី៣ ខែមិថុនា ឆ្នាំ២០២៦ ។
ជនរងគ្រោះដែលជិះរថយន្តក្រុងធ្វើដំណើរ អង្គុយស្លាប់បាត់បង់ជីវិតនៅលើរថយន្តក្រុងឈ្មោះសូ ដេតភេទប្រុស
អាយុះ៣៥ឆ្នាំ រស់នៅក្នុងភូមិពុរ សង្កាត់សំរោង ក្រុងសំរោង ខេត្តឧត្តរមានជ័យ ។
តាមការរៀបរាប់ពីអ្នកបើកបររថយន្តក្រុងឈ្មោះហ៊ុន ចាន់រិទ្ធ បានឲ្យដឹងថា បុរសដែលរងគ្រោះបានធ្វើដំណើរដោយជិះរថយន្តក្រុងនៅពេលយប់ចេញពីភ្នំពេញ ដោយមិនមានកើតហេតុការណ៍ណាមួយភ្ញាក់ផ្អើល ឬស្រែកឲ្យអ្នករួមដំណើរបានដឹងនោះទេ ។
អ្នកបើកបររថយន្តបានបញ្ចាក់ថា នៅពេលធ្វើដំណើរមកដល់គោលដៅបេនរថយន្តក្រុង ក្រុងសំរោង ខណះនោះអ្នកដំណើរបាននាំគ្នាចុះទៅតាមលំនៅឋានរៀងៗខ្លួនអស់ ។ ដោយឡែកជនរងគ្រោះមិនឃើញចុះ គាត់ក៏បានទៅដាស់ឲ្យចុះ ទើបដឹងថា ជនរងគ្រោះអង្គុយស្លាប់នៅលើរថយន្ត គាត់ក៏បានរាយការណ៍ទៅសមត្ថកិច្ចឱ្យចុះមកពិនិត្យនៅកន្លែងកើតហេតុ ។
សមត្តកិច្ចបានឲ្យដឹងថា ក្រោយពីបានធ្វើកោសល្យវិច្ច័យរួច ជនរងគ្រោះមិនមានស្នាកស្នាមអ្វីនោះទេ សមត្តកិច្ចបានធ្វើការសន្និដ្ឋានថា ជនរងគ្រោះអាចគាំងបេះដូងស្លាប់បាត់បង់ជីវិត ។ សពជនរងគ្រោះត្រូវបានប្រគល់ទៅឲ្យបងប្អូនប្រពន្ធកូនយកទៅធ្វើបុណ្យទៅតាមប្រពៃណី ៕
ចែករំលែកព័តមាននេះ