ស្ត្រីម្នាក់កំពុងជិះម៉ូតូសុខៗ ត្រូវបុរស៣នាក់ឆ្មក់បានសម្រេចម្តុំស្ពានអាកាសស្ទឹងមានជ័យ
- ភ្នំពេញ
រាជធានីភ្នំពេញ ៖ ស្ត្រីម្នាក់ត្រូវជនសង្ស័យមានគ្នា៣នាក់ ជិះម៉ូតូ២គ្រឿងធ្វើសកម្មភាពឆ.ក់កាបូបបានសំរេច
រាជធានីភ្នំពេញ ៖ ស្ត្រីម្នាក់ត្រូវជនសង្ស័យមានគ្នា៣នាក់ ជិះម៉ូតូ២គ្រឿងធ្វើសកម្មភាពឆ.ក់កាបូបបានសំរេចបណ្ដាលឱ្យស្ត្រីរងគ្រោះម៉ូតូដួលរងរបួសស្រាល បង្កការភ្ញាក់ផ្អើលកាលពីវេលាម៉ោង៨និង៣០នាទីយប់ថ្ងៃទី១៩ ខែកុម្ភ: ឆ្នាំ ២០២២ នៅចំណុចស្ពានអាកាសស្ទឹងមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
ជនរងគ្រោះឈ្មោះ អេង វណ្ណី ភេទស្រី អាយុ៣៥ឆ្នាំ មុខរបរបុគ្គលិកក្រុមហ៊ុនឯកជន ស្នាក់នៅសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ជាអ្នកបើកបរម៉ូតូ១គ្រឿង ពណ៍ស ពាក់ស្លាកលេខ ស្ទឹងត្រែង ១C-៩៣០១ ។
ស្ត្រីរងគ្រោះខាងលើបានឱ្យដឹងថា មុនពេលកើតហេតុ គាត់ជិះម៉ូតូ១គ្រឿងធ្វើដំណើរតាមផ្លូវ២៧១ពីផ្សារសុវណ្ណាឡើងទៅស្ពានអាកាសស្ទឹងមានជ័យ លុះពេលមកដល់ចំណុចផ្លូវបំបែកស្ពានបត់ឆ្វេងសំដៅទៅផ្លូវ២១៧ ស្រាប់តែមានជនសង្ស័យ៣នាក់ជិះម៉ូតូស្គូពី ស៊េរីឆ្នាំ២០២២ មិនចាំស្លាកលេខ ចំនួន២គ្រឿង តាមពីក្រោយរួច ក្នុងនោះជនសង្ស័យម្នាក់ក្នុងចំណោមបក្ខពួក៣នាក់ ធ្វើសកម្មភាពឆ.ក់កាបូប ដែលគាត់បានស្ពាយនៅជាប់ខ្លួនយកទៅបាត់ ចំណែកគាត់ដួលម៉ូតូរងរបួសរលាត់ដៃជើងនិងបានទូរស័ព្ទអោយគ្រួសារមកជួយយកម៉ូតូដឹកទៅមន្ទីរពេទ្យដើម្បីលាងរបួស ហើយមិនទាន់ទៅដាក់ពាក្យបណ្ដឹងទេ ។
ស្ត្រីរងគ្រោះបានឲ្យដឹងបន្តថា នៅក្នុងកាបូបមានតែលុយ៣ម៉ឺនរៀល, កាតATM និងកាតចាក់វ៉ាក់សាំងដូសទី៤ ៕
ប្រជាពលរដ្ឋដែលចោមរោមមើលកន្លែងកើតហេតុបាននិយាយថា ករណីចោរកម្មភាគច្រើននៅភូមិសាស្ត្រខណ្ឌមានជ័យ ទីតាំងមិនច្រើនដែលធ្លាប់ឃើញព័ត៍មានផ្សព្វផ្សាយនៅមុខវត្តស្ទឹងមានជ័យ, ស្ពានស្ទឹងមានជ័យ, នៅក្រោមស្ពានអាកាសក្រោមដី និងលើស្ពានអាកាសស្ទឹងមានជ័យ សូមឱ្យសមត្ថកិច្ចជួយបង្ក្រាបក្រុមចោរលួចឆ.ក់ ទាំងនោះផង ៕
ចែករំលែកព័តមាននេះ