រាជធានីភ្នំពេញ៖ អាជ្ញាធរអាកាសចរណ៍ស៊ីវិលកម្ពុជា បានផ្តល់ម៉ោងពេលវេលានៃការហោះហើររួចហើយទៅឲ្យអាកាសចរណ៍ថ្មីមួយរបស់ប្រទេសថៃ ឈ្មោះ Thai Vietjet Air ក្នុងការហោះហើរពីបាងកកភ្នំពេញ ភ្នំពេញបាងកក ៣ថ្ងៃក្នុងមួយសប្តាហ៍។…
រាជធានីភ្នំពេញ៖ អាជ្ញាធរអាកាសចរណ៍ស៊ីវិលកម្ពុជា បានផ្តល់ម៉ោងពេលវេលានៃការហោះហើររួចហើយទៅឲ្យអាកាសចរណ៍ថ្មីមួយរបស់ប្រទេសថៃ ឈ្មោះ Thai Vietjet Air ក្នុងការហោះហើរពីបាងកកភ្នំពេញ ភ្នំពេញបាងកក ៣ថ្ងៃក្នុងមួយសប្តាហ៍។ ក្រុមហ៊ុនអាកាសចរណ៍ ថ្មីមួយនេះនឹងផ្តើមអាជីវកម្មកម្ពុជាថៃ ថៃកម្ពុជា នៅថ្ងៃទី១៦មិនាឆ្នាំ២០២២ខាងមុខនេះ ។
លោកស្រី ឆាយស៊ីវលីន ប្រធានសមាគមទេសចរណ៍កម្ពុជាបានឱ្យដឹងថា ការចូលមកផ្តល់សេវាដឹកភ្ញៀវទេសចរណ៍របស់ Thai Vietjet Air ពីទីក្រុងបាងកកមកទីក្រុងភ្នំពេញ នឹង ធ្វើឱ្យអ្នករកស៊ីក្នុងវិស័យទេសចរណ៍ដែលពាក់ព័ន្ធ មានក្តីសង្ឃឹម ត្រេកអរនិងស្វាគមន៍។ លោកស្រីថា ប្រតិបត្តិករទេសចរណ៍ ប្រាថ្នាចង់បានជើងហោះហើរច្រើននិងសម្បូរបែបដើម្បីផ្តល់ជម្រើសដល់ភ្ញៀវទេសចរ ។
លោកស្រីបានឲ្យដឹងការបើកជើងហោះហើរថ្មីនេះ ក៍នឹងផ្តល់ភាពងាយស្រួល សម្រាប់ប្រជាពលរដ្ឋខ្មែរក្នុងការធ្វើដំណើរទៅទីក្រុងបាងកកមាននៅក្នុងគោលបំណងព្យាបាលជំងឺ,ទៅទិញឥវ៉ាន់ឬដើរកម្សាន្ត ផងដែរ ។
«ខ្ញុំសង្ឃឹមថានៅពេលក្រុមហ៊ុនអាកាសចរណ៍នេះចូលមកយើងនឹងមានការលក់សំបុត្រឱ្យភ្ញៀវឱ្យបានច្រើន ហើយរូបភាពនៃការហោះហើររបស់ក្រុមហ៊ុនខាងលើនេះបង្ហាញពីភាពវេជ្ជមាននិងការវិវត្តន៍ឆ្ពោះទៅមុខរហូតសម្រាប់កម្ពុជា។ជារូមវត្តមានរបស់ក្រុមហ៊ុន Thai Vietjet Air បានធ្វើឱ្យអ្នករកស៊ីក្នុងវិស័យទេសចរណ៍មានក្តីរំពឹងច្រើន ធ្វើឱ្យពួកគាត់មានប្រតិបត្តិការច្រើនជាងមុន ។ លើសពីនេះនិងធ្វើឱ្យអ្នកទេសចរទាំងនៅក្នុងស្រុកនិងក្រៅប្រទេសមានជម្រើសកាន់តែច្រើន»នេះជាការបញ្ជាក់របស់លោកស្រី ឆាយ ស៊ីវលីន ។
អ្នកស្រី ខៃចិន្តា អនុប្រធានសមាគមសណ្ឋាគារកម្ពុជាមើលឃើញថានៅពេលក្រុមហ៊ុនអាកាសចរណ៍ថ្មីដែលត្រៀមបើការហោះហើរមកកាន់កម្ពុជាខាងមុខនេះវាជាចំណុចល្អ វានឹងជួយទាក់ទាញភ្ញៀវទេសចរបរទេសចូលមកស្រុកខ្មែរបន្ថែមទៀត ។កាលណាមានជើងយន្តហោះតិចតួច វាធ្វើឱ្យភ្ញៀវទេសចរចូលមកស្រុកខ្មែរក៏មានចំនួនតិចតួច ដូចនេះកាលណាប្រទេសមួយមានក្រុមហ៊ុនអាកាសចរណ៍ច្រើននិងធ្វើឱ្យប្រទេសមួយនោះទទួលបានភ្ញៀវបរទេសកាន់តែច្រើន ។
អ្នកស្រីអនុប្រធានសមាគមសណ្ឋាគារសង្កត់ធ្ងន់ថា«ក្នុងនាមអ្នករកស៊ីក្នុងវិស័យសណ្ឋាគារយើងមានក្តីសង្ឃឹមថានឹងទទួលបានប្រយោជន៍មួយចំនួន តាមរយៈភ្ញៀវទេសចរបរទេសដែលចូលមកស្រុកខ្មែរតាមរយៈក្រុមហ៊ុនថ្មីនេះនៅពេលបានដឹកភ្ញៀវមកលេងស្រុកខ្មែរដែលត្រូវការស្នាក់នៅនិងមានការបន្ទប់ស្នាក់នៅនិងការហូបចុករួមនិងសេវាកម្មទេសចរណ៍ផ្សេង» ៕
ចែករំលែកព័តមាននេះ