ខេត្តកំពង់ឆ្នាំង៖ គ្រាប់បែកទម្លាក់ពីលើយន្តហោះប្រភេទ MK82 ដែលបន្សល់ទុកពីសម័យសង្គ្រាម ត្រូវបានប្រជាពលរដ្ឋប្រទះឃើញ និងបានរាយការណ៍ទៅអង្គភាពស៊ីម៉ាក់ខេត្តកំពង់ឆ្នាំង ហើយបានទៅជីកយកកាលពីរសៀលថ្ងៃទី១៧ ខែកុម្ភៈ នៅក្នុងភូមិឧកញ៉ាប៉ាង ឃុំលង្វែក…
ខេត្តកំពង់ឆ្នាំង៖ គ្រាប់បែកទម្លាក់ពីលើយន្តហោះប្រភេទ MK82 ដែលបន្សល់ទុកពីសម័យសង្គ្រាម ត្រូវបានប្រជាពលរដ្ឋប្រទះឃើញ និងបានរាយការណ៍ទៅអង្គភាពស៊ីម៉ាក់ខេត្តកំពង់ឆ្នាំង ហើយបានទៅជីកយកកាលពីរសៀលថ្ងៃទី១៧ ខែកុម្ភៈ នៅក្នុងភូមិឧកញ៉ាប៉ាង ឃុំលង្វែក ស្រុកកំពង់ត្រឡាច។
លោក នន ស៊ីណាតអធិការនគរបាលស្រុកកំពង់ត្រឡាច បានឲ្យដឹងនៅរសៀលថ្ងៃទី១៨ ខែកុម្ភៈនេះ ថាប្រជាវពលរដ្ឋជីកដីដឹកចាក់ផ្លូវ ក៏បានប្រទះឃើញគ្រាប់បែកទម្លាក់ពីលើយន្តហោះប្រភេទ MK.82 មួយគ្រាប់ដែលបានបន្សល់ពីសម័យសង្រ្គាមហើយក៏បានរាយការណ៍មកសមត្ថកិច្ចនគរបាល និងបន្តទៅអង្គភាពស៊ីម៉ាក់ទើបអង្គភាព CMAC មកយកគ្រាប់នោះទៅទុកឬបន្សាប ដើម្បីការពារគ្រោះថ្នាក់ដល់ប្រជាពលរដ្ឋ។
អធិការនគរបាលស្រុកកំពង់ត្រឡាចក៏បានបញ្ជាក់ទៀតថានេះមិនមែនជាលើកទីមួយទេដែលប្រជាពលរដ្ឋបានប្រទះឃើញគ្រាប់ បែកទម្លាក់ពីលើយន្តហោះគ្រាប់មីន មកគ្រាប់កាំភ្លើងត្បាល់ ព្រមទាំងអាវុធយុទ្ធភណ្ឌមិន
ទាន់ផ្ទុះ ដែលបានរាយការណ៍ទៅសមត្ថកិច្ចនិងរាយការណ៍ទៅអង្គភាពស៊ីម៉ាក់ ហើយក៏មិនមែនតែស្រុកកំពង់ត្រឡាចទេ គឺមានស្រុកបរិបូណ៌ ស្រុកកំពង់លែង និងស្រុករលាប្អៀរជាដើម ធ្លាប់បានប្រទះឃើញគ្រាប់ជាច្រើនប្រភេទនិងបានរាយការណ៍ទៅអង្គភាពស៊ីម៉ាក់ដែរដូចជាគ្រាប់ 80 មីលីម៉ែត្រចំនួន2គ្រាប់.គ្រាប់ 60 មីលីម៉ែត្រចំនួន 3 គ្រាប់.គ្រាប់PG 7 ចំនួន1គ្រាប់និងគ្រាប់កាំភ្លើងត្បាល់ 81 mm 1គ្រាប់ផងដែរ ដែលគ្រាប់ទាំងនោះបានហៅឲ្យមន្ត្រីស៊ីម៉ាក់ទៅប្រមូលយកទៅរក្សាទុកឬយកទៅបាត់សាបអស់ហើយ។
ចែករំលែកព័តមាននេះ