យោងតាម YONHAP ថា រដ្ឋមន្ត្រីការបរទេសកូរ៉េខាងជើងលោក RI YONG HO បានចោទប្រកាន់អាមេរិកថា បំផ្លាញភ័ព្វវាសនានៃការរំសាយនុយក្លេអ៊ែរនៅឧបទ្វីបកូរ៉េ ហើយអះអាងថា ការសាកល្បងនុយក្លេអ៊ែរថ្មី
យោងតាម YONHAP ថា រដ្ឋមន្ត្រីការបរទេសកូរ៉េខាងជើងលោក RI YONG HO បានចោទប្រកាន់អាមេរិកថា បំផ្លាញភ័ព្វវាសនានៃការរំសាយនុយក្លេអ៊ែរនៅឧបទ្វីបកូរ៉េ ហើយអះអាងថា ការសាកល្បងនុយក្លេអ៊ែរថ្មីផ្អែកទាំងស្រុងលើក្រុងវ៉ាស៊ីនតោន ។
ក្នុងសន្និសីទសារព័ត៌មានមួយរៀបចំធ្វើដោយប្រញាប់ប្រញាល់នាថ្ងៃទី២៦ កក្កដា ក្រោយកិច្ចប្រជុំវេទិកាតំបន់អាស៊ាននៅទីក្រុងវៀងចន្ទ រដ្ឋធានីឡាវ លោក RI YONG HO ក៏ស្នើផងដែរ ឱ្យមានការដកកងទ័ពអាមេរិកទាំងអស់ចេញពីកូរ៉េខាងត្បូង ។ លោកថា គឺនយោបាយប្រទូស្តរ៉ាយរបស់សហរដ្ឋអាមេរិក ដែលធ្វើឱ្យសភាពការណ៍បច្ចុប្បន្នធ្លាក់ចុះដុនដាប ។ បញ្ហាត្រង់ថា នយោបាយប្រទូស្តរ៉ាយរបស់សហរដ្ឋអាមេរិកកាន់តែបង្កើន ឧទាហរណ៍ការគាបសង្កត់ខាងយោធាកាន់តែខ្លាំង និងការគំរាមកំហែងនុយក្លេអ៊ែររបស់សហរដ្ឋអាមេរិក ។
ឧទាហរណ៍មួយទៀតគឺនយោបាយធ្វើឱ្យឯកោខាងសេដ្ឋកិច្ចសំដៅរារាំងការអភិវឌ្ឍន៍សេដ្ឋកិច្ចរបស់យើង ។ ថ្មីៗនេះទៀតសហរដ្ឋអាមេរិករហូតដល់ប្រព្រឹត្តអំពើប្រទូស្តរ៉ាយកាន់តែខ្លាំងគឺប្រមាថដល់ភាពថ្លៃថ្នូររបស់យើង ដោយលើកឡើងពីបញ្ហាសិទ្ធិមនុស្ស ។
ពេលសួរពីលទ្ធភាពនៃការសាកល្បងនុយក្លេអ៊ែរថ្មី រដ្ឋមន្ត្រីរូបនេះថ្លែងថា ធ្វើ ឬអត់ការសាកល្បងនុយក្លេអ៊ែរថ្មីផ្អែកទាំងស្រុងលើឥរិយាបថរបស់សហរដ្ឋអាមេរិក ៕
ចែករំលែកព័តមាននេះ