ក្រសោបបានក្រុមញៀនថ្នាំ៨នាក់ក្នុងស្រុកកែវសីមា
- មណ្ឌលគិរី
ខេត្តមណ្ឌលគិរី ៖ ក្រុមសកម្មគ្រឿងញៀនចំនួន៨នាក់ ត្រូវសមត្ថកិច្ចស្រុកកែវសីមាបង្ក្រាបនិងឃាត់ខ្លួនបាន កាលពីថ្ងៃទី១៦ ខែកុម្ភៈ ឆ្នាំ២០២២ នៅចំណុចអង់តែនcellcard ( ទឹកខួប…
ខេត្តមណ្ឌលគិរី ៖ ក្រុមសកម្មគ្រឿងញៀនចំនួន៨នាក់ ត្រូវសមត្ថកិច្ចស្រុកកែវសីមាបង្ក្រាបនិងឃាត់ខ្លួនបាន កាលពីថ្ងៃទី១៦ ខែកុម្ភៈ ឆ្នាំ២០២២ នៅចំណុចអង់តែនcellcard ( ទឹកខួប ) ស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។
សមត្ថកិច្ចឱ្យដឹងថា កម្លាំងជំនាញការិយាល័យប្រឆាំងគ្រឿងញៀន សហការជាមួយកម្លាំងជំនាញនៃអធិការរដ្ឋាននគរបាលស្រុកកែវសីមា ដោយមានការចង្អុលបង្ហាញពីលោកឧត្តមសេនីយ៍ស្នងការនគរបាលខេត្តមណ្ឌលគិរី ដឹកនាំបញ្ជាផ្ទាល់ ដោយលោកឧត្តមសេនីយ៍ត្រី ស៊ុម សោភ័ណ្ឌ ស្នងការរងទទួលផែនគ្រឿងញៀន និង មានការសម្របសម្រួល ពី ឯកឧត្តម ម៉ម វ៉ាន់ដា ព្រះរាជអាជ្ញា អមសាលាដំបូងខេត្តមណ្ឌលគិរី បានធ្វើការចុះបង្ក្រាបករណីជួញដូរដោយខុសច្បាប់នូវសារធាតុញៀន បានធ្វើការឃាត់ខ្លួនមនុស្សចំនួន ៨នាក់ និង ដកហូតវត្ថុតាងមួយចំនួនរួមមាន៖
១/សារធាតុសង្ស័យថាជាសារធាតុញៀនមានសណ្ឋានជាក្រាមពណ៌សថ្លាចំនួន ១៥កញ្ចប់ ក្នុងនោះ១២កញ្ចប់ធំល្មម ៣កញ្ចប់តូច ។
២/ ថង់សម្រាប់វេចខ្ចប់មួយចំនួន
៣/ ម៉ូតូចំនួន ០៤គ្រឿង (១.ម៉ាក ហុងដាឌ្រីម ពណ៌ខ្មៅបិតស្គត់ស ពាក់ស្លាកលេខ មណ្ឌលគិរី1A 3056 ២.ម៉ាកហុងដាវេវឆ្លាម ពណ៌ខ្មៅ ពាក់ស្លាក កំពង់ចាម 1Y 0583 ៣.ម៉ាកហុងដាBLADE ពណ៌ក្រហមខ្មៅគ្មានស្លាកលេខ ៤.ម៉ាកហុងដាវេវឆ្លាមគ្មានស្លាកលេខ)។
៤/ ប្រាក់រៀលមួយចំនួន ( មិនទាន់រាប់ )
៥/ លោហៈពណ៌លឿងចំនួន ០២ខ្សែរ បន្តោងចំនួន ២
៦/ លោហៈធាតុពណ៌លឿងចំនួន០១ខ្សែ
៧/ លោហៈធាតុពណ៌លឿង ជញ្ជានចំនួន០១ វង់
៨/ ទូរស័ព្ទដៃចំនួន ១១គ្រឿង
៩/ រថយន្តចំនួន ០២គ្រឿង (១.ម៉ាកcamry ឆ្លាមពាក់ស្លាកលេខ ភ្នំពេញ2K 1350 ២.ម៉ាកហ្វតរេនជ័រពណ៌សគ្មានស្លាកលេខ)។
១០/ កាំភ្លើងកែច្នៃចំនួន ០១ ដើម១១/ កាំបិតស្នៀត ចំនួន០១ ដើម ។
១២/ ជញ្ជីងសម្រាប់ថ្លឹងថ្នាំញៀនចំនួន ០២គ្រឿង
១៣/ អត្តសញ្ញាណប័ណ្ណសញ្ជាតិខ្មែរចំនួន០១សន្លឹក។
បច្ចុប្បន្ន ជនសង្ស័យខាងលើចំនួន៨នាក់ កម្លាំងជំនាញបានធ្វើតេស្តរកមេរោគកូវីត១៩ ជាលទ្ធផល អវិជ្ជមានទាំង០៨នាក់ បន្ទាប់ពីតេស្តរកកូវីដ កម្លាំងជំនាញប្រឆាំងគ្រឿងញៀន និង កម្លាំងជំនាញនៃអធិការដ្ឋាននគរបាលស្រុកកែវសីមាកំពុងកសាងសំណុំរឿងចាត់ការតាមនីតិវិធីច្បាប់៕
ចែករំលែកព័តមាននេះ