រាជធានីភ្នំពេញ ៖ ដើម្បីស្តារស្ថានភាពអាជីវកម្ម និងសកម្មធុរកិច្ច ជាពិសេសសកម្មភាពសេដ្ឋ កិច្ច លើគ្រប់វិស័យឱ្យមានសន្ទុះឡើងវិញរាជរដ្ឋាភិបាលបានបន្ថែមនូវមូលនិធិប្រមាណ ១០០ លានដុល្លារអាមេរិក តាមរយៈធនាគារអភិវឌ្ឍន៍ជនបទ…
រាជធានីភ្នំពេញ ៖ ដើម្បីស្តារស្ថានភាពអាជីវកម្ម និងសកម្មធុរកិច្ច ជាពិសេសសកម្មភាពសេដ្ឋ កិច្ច លើគ្រប់វិស័យឱ្យមានសន្ទុះឡើងវិញរាជរដ្ឋាភិបាលបានបន្ថែមនូវមូលនិធិប្រមាណ ១០០ លានដុល្លារអាមេរិក តាមរយៈធនាគារអភិវឌ្ឍន៍ជនបទ និងកសិកម្ម និងធនាគារសហគ្រាស ធុនតូច និងមធ្យមកម្ពុជា ។
ក្នុងពិធីផ្សព្វផ្សាយបន្ថែមនៅមូលនិធិសម្រាប់ធនាគារអភិវឌ្ឍន៍ជនបទ និងកសិកម្ម និង ធនាគារសហគ្រាសធុនតូច និងមធ្យមកម្ពុជា នៅថ្ងៃទី ១៤ ខែកុម្ភៈ ឆ្នាំ ២០២២ លោក រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា ការបន្ថែមមូលនិធិចំនួន ១០០ លានដុល្លារអាមេរិក នៅពេលនេះ គឺមានគោលបំណងទ្រទ្រង់ និងស្តារស្ថានភាពអាជីវ កម្ម និងសកម្មធុរកិច្ច ជាពិសេសសកម្មភាពសេដ្ឋកិច្ចលើគ្រប់វិស័យឱ្យមានសន្ទុះឡើងវិញ បន្ទាប់ពីរងនៅផលប៉ះពាល់ពីវិបត្តិជំងឺកូវីដ ១៩ ។ ការណ៍នេះបានឆ្លុះបញ្ជាំងពីវត្តនៈភាពថ្មី មួយទៀតនៃកិច្ចខិតខំប្រឹងប្រែងជាប្រចាំរបស់រាជរដ្ឋាភិបាលនៅក្នុងបរិការប្រយុទ្ធប្រឆាំង និងវិបត្តិជំងឺកូវីដ ១៩ បន្ទាប់ពីបានដាក់ចេញនូវកញ្ចប់វិធានការចំនួន ១០ ជុំបានជាបន្តបន្ទាប់ ។
មូលនិធិដែលត្រូវបានបន្ថែមនឹងធ្វើការបែងចែកជាពីរមុខសញ្ញាដោយផ្តល់ជូនធនាគារអភិវឌ្ឍន៍ជនបទ និងកសិកម្មចំនួន ៥០ លានដុល្លារអាមេរិក និងធនាគារសហគ្រាសធុនតូច និងមធ្យមចំនួន ៥០ លានដុល្លារអាមេរិក ដើម្បីប្រើប្រាស់ក្នុងទិសដៅគាំំទ្រដល់សកម្មភាព របស់ SMEs ដែលកំពុងមានតម្រូវការហិរញ្ញវត្ថុ ដល់ការគាំំទ្រទៅដល់វិស័យស្រូវអង្ករកម្ពុជា ការចិញ្ចឹមសត្វ, ការដាំដុះបន្លែដំណាំក៏ដូចជាផ្តល់ការគាំំទ្រទៅដល់យន្តការសហហិរញ្ញប្ប ទានចែករំលែកហានិភ័យជាមួយគ្រឹះស្ថានធនាគារ និងហិរញ្ញវត្ថុ នេះបើការឱ្យរបស់មន្ត្រី ។
ធនាគារសហគ្រាសធុនតូច និងមធ្យមកម្ពុជា ត្រូវបានបង្កើតឡើងដោយរាជរដ្ឋាភិបាលកម្ពុជា កាលពីថ្ងៃទី ១៧ ខែឧសភា ឆ្នាំ ២០១៩ និងទទួលបានអាជ្ញាបណ្ណជាផ្លូវការពីធនាគារ ជាតិ នៃកម្ពុជា នៅថ្ងៃទី ២៧ ខែកុម្ភៈ ឆ្នាំ ២០២០ ដើម្បីធ្វើប្រតិបត្តិការជាធនាគារពាណិជ្ជ ។
លោកបណ្ឌិត ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធាន ក្រុមប្រឹក្សាភិបាលធនាគារសហគ្រាសធុនតូច និងមធ្យមកម្ពុជា មានប្រសាសន៍ថា ធនាគារ មានមុខងារជួយទៅដល់សហគ្រាសធុនតូច និងមធ្យម ដោយផ្តោតទៅលើវិស័យអាទិភាព ដែលស្ថិតនៅក្នុងគោលនយោបាយរបស់រាជរដ្ឋាភិបាលដូចជាផលិត និងកែច្នៃម្ហូបអាហារ កម្មន្តសាលដែលផលិតទំនិញប្រើប្រាស់ឬគ្រឿងបង្គុំ ដើម្បីផ្គត់ផ្គង់ឱ្យកម្មន្តសាលដទៃទៀត កែច្នៃកាកសំណល់ និងផលិតទំនិញសម្រាប់វិស័យទេសចរណ៍ ស្រាវជ្រាវ និងអភិវឌ្ឍបច្ចេក ទេសវិទ្យាព័ត៌មានរួមទាំងការផ្គត់ផ្គង់សេវាគ្រប់គ្រងតាមប្រព័ន្ធបច្ចេកវិទ្យាព័ត៌មានដែលមាន លក្ខណៈនវានុវត្តន៍ និងសហក្រាសដែលស្ថិតនៅតំបន់ប្រមូលផ្តុំសហគ្រាសធុនតូច និងមធ្យម និងសហគ្រាសដែលអភិវឌ្ឍតំបន់នេះជាដើម ៕
ចែករំលែកព័តមាននេះ