ដីដាំបន្លែត្រឹមតែទទឹង ១០ ម៉ែត្រ បណ្តោយ ២០ ម៉ែត្រចិញ្ចឹមមនុស្សមួយគ្រួសារ
- កណ្តាល
ខេត្តកណ្តាល ៖ លោក ផើង រដ្ឋា ជាកសិករអ្នកដាំបន្លែម្នាក់នៅក្នុងភូមិសាស្ត្រ ស្រុកកៀនស្វាយ ខេត្តកណ្តាល ។ លោកមានដីដាំបន្លែត្រឹមទទឹង…
ខេត្តកណ្តាល ៖ លោក ផើង រដ្ឋា ជាកសិករអ្នកដាំបន្លែម្នាក់នៅក្នុងភូមិសាស្ត្រ ស្រុកកៀនស្វាយ ខេត្តកណ្តាល ។ លោកមានដីដាំបន្លែត្រឹមទទឹង…
ខេត្តកណ្តាល ៖ លោក ផើង រដ្ឋា ជាកសិករអ្នកដាំបន្លែម្នាក់នៅក្នុងភូមិសាស្ត្រ ស្រុកកៀនស្វាយ ខេត្តកណ្តាល ។ លោកមានដីដាំបន្លែត្រឹមទទឹង ១០ ម៉ែត្រ និងបណ្តោយ ២០ ម៉ែត្រប៉ុណ្ណោះ ប៉ុន្តែបន្លែផ្កាខាត់ណា ដែលមានតម្លៃខ្ពស់បានធ្វើឱ្យគ្រួសារលោករស់នៅបានសមរម្យ ។
តាមពិតទៅមុនដាំបន្លែខាត់ណានេះ លោក រដ្ឋា ធ្លាប់ដាំបន្លែជាច្រើនមុខដែលកសិករដទៃទៀតនិយមដាំដែលមានដូចជា ៖ ត្រសក់ ម្រះ ជាដើមនោះ ។ កសិករវ័យ ៤០ ឆ្នាំរូបនេះនិយាយថា ត្រសក់ ម្រះ លក់មិនបានថ្លៃទេ ដោយសារសម្បូរកសិករដាំដុះ ។ តែចាប់តាំងពីលោកងាកមកដាំដំណាំខាត់ណាផ្កានៅឆ្នាំ ២០១៦ មក ជីវភាពក្រុមគ្រួសារហាក់មានភាពប្រសើរបានច្រើន ។
ដំណាំខាត់ណាផ្កាលោក ផង រដ្ឋា អាចលក់បាន ៤ ពាន់រៀលក្នុងមួយគីឡូក្រាម ។ «កាលមិនទាន់ដាំខាត់ណាផ្កានេះខ្ញុំដាំត្រសក់ ម្រះ សណ្តែក ។ ដំណាំទាំងនេះ សឹងតែរកលុយឱ្យកូនទៅរៀន និងសម្រាប់ចំណាយនៅក្នុងគ្រួសារមិនបាន ប៉ុន្តែនៅពេលបានដាំខាត់ណាផ្កានេះមកឃើញថា ការចាយវាយប្រចាំថ្ងៃវាមិនលំបាកដូចមុនៗ» កសិករ រដ្ឋាបញ្ជាក់ ។
ទោះបីមានដីតូច តែការដាំបន្លែខាត់ណាផ្កានេះ លោក រដ្ឋា ដាំដុះវិលជុំដោយមិនមានពេលទុកដីទំនេរចោលនោះទេ គ្រាន់តែថា នៅរដូវក្តៅមិនសូវទទួលបានផលច្រើនដូចការដាំដុះនៅរដូវត្រជាក់ប៉ុណ្ណោះ ។ នៅក្នុងមួយរដូវខាត់ណា របស់លោបានប្រមូលផលពី ១ តោន ទៅ ២ តោន ។
ក្រៅពីការដាំបន្លែខាត់ណា កសិករខាងលើនៅមានដាំដុះដំណាំ បន្លែ ផ្សេងទៀត តាមបែបកសិករឧស្សាហ៍កម្ម ។ លោក រដ្ឋា បានដាំពោតផងដែរ ហើយការដាំដុះរបស់លោក ប្រើជីកំប៉ុស ជំនួសជី និងថ្នាំគីមីដែលកសិករដទៃនិយមប្រើ ៕
ចែករំលែកព័តមាននេះ