ខេត្តសៀមរាប៖ នាថ្ងៃទី៩ ខែកុម្ភៈ ឆ្នាំ២០២២ នេះ ក្រុមអ្នកបច្ចេកទេសផ្នែកបុរាណវិទ្យានៃអាជ្ញាធរជាតិអប្សរា កំពុងដំណើរការជួសជុលថែទាំប្រាសាទលលៃ ដែលកំពុងមានសភាពទ្រុឌទ្រោម ប្រឈមនឹងគ្រោះថ្នាក់ខ្លាំង ដោយសារ​មានអាយុកាលជាង ១០០០​ឆ្នាំមកហើយនោះ មានការបែកបាក់ និងពុកផុយច្រើន។

ការងារសំខាន់ៗ ចំពោះមុខ ដែលកំពុងយកចិត្តទុកដាក់ធ្វើបច្ចុប្បន្ន រួមមាន ជួសជុលពង្រឹងរចនាសម្ព័ន្ធខ្លោងទ្វារ ដែលធ្វើកំណាយឃើញនៅមុខប្រាសាទផ្នែកខាងកើត ជួសជុលពង្រឹងរចនាសម្ព័ន្ធជើងក្រោមរបស់តួប្រាសាទ និងចាប់ផ្តើមធ្វើកំណាយយកគំនរថ្ម ដែលបាក់លុបតួប្រាង្គនិរតីរបស់ប្រាសាទចេញ ដើម្បីត្រៀមធ្វើការជួសជុល នាពេលខាងមុខ។ 

ចំពោះការងារជួសជុល តាមចំណុច ដែលមានហានិភ័យ និងការថែទាំប្រាសាទ អាជ្ញាធរជាតិអប្សរា បាន និងកំពុងអនុវត្តន៍ជាប្រចាំ មិនចំពោះតែប្រាសាទលលៃមួយនេះទេ៕ ច័ន្ទ រស្មី