ទឹកធ្លាក់អន្លង់ស្វាយ ទើបតែរកឃើញថ្មីៗនេះ កំពុងបង្អួតសម្រស់ រង់ចាំភ្ញៀវទេសចរមកលេងកម្សាន្ដ
- កំពង់ស្ពឺ
ខេត្តកំពង់ស្ពឺ ៖ ទឹកធ្លាក់អន្លង់ស្វាយ គឺជាទឹកធ្លាក់ថ្មីមួយ ដែលសហគមន៍ទើបតែរកឃើញថ្មីៗនេះ មានទេសភាពស្អាត ទឹកហូរលើថ្ម អមដោយធម្មជាតិជាច្រើន កំពុងបង្អួតសម្រស់រងចាំភ្ញៀវទេសចរជាតិ និងអន្ដរជាតិទៅលេងកម្សាន្ដ នៅរដូវកាលបៃតងនេះ។
បើយោងតាមផេកផ្លូវការរបស់មន្ទីរទេសចរណ៍ខេត្តកំពង់ស្ពឺបានឱ្យដឹងថា ទឹកធ្លាក់អន្លង់ស្វាយថ្មីនេះ មានទីតាំងស្ថិតនៅក្នុងសហគមន៍ គោកមានទី នៅជិត(ទឹកធ្លាក់ជ្រាវ) ក្នុងស្រុកថ្ពង ខេត្ដកំពង់ស្ពឺ ដែលប្រជាសហគមន៍ទើបតែរកឃើញថ្មីៗនេះ មានទេសភាពស្អាត មានទឹកធ្លាក់ អមទៅដោយធម្មជាតិ ដុំថ្មតូចធំ កំពុងតែបង្អួតសម្រស់រងចាំភ្ញៀវទេសចរជាតិ និងអន្ដរជាតិទៅលេងកម្សាន្ដ ថ្ងៃឈប់សម្រាក ថ្ងៃចុងសប្តាហ៍ នារដូវបៃតងនេះ។
មន្ទីរទេសចរណ៍ខេត្តកំពង់ស្ពឺបានឱ្យដឹងទៀតថា ប្រសិនបើអ្នកទេសចរ ចង់មកលេងកម្សាន្ត នៅទឹកធ្លាក់អន្លង់ស្វាយថ្មីនេះ សូមធ្វើការទាក់ទងគណៈកម្មការសហគមន៍ ដើម្បីសាកសួរពីផ្លូវទៅកាន់ទឹកធ្លាក់មួយនេះ ដោយសារតែនៅមិនឆ្ងាយពីទឹកធ្លាក់ជ្រាវ ដែលកន្លែងទេសចរណ៍ មានឈ្មោះល្បីល្បាញ ហើយក៏ធ្លាប់មានភ្ញៀវទេសចរមកលេងកម្សាន្តផងដែរ ៕
ចែករំលែកព័តមាននេះ