ADផ្ទាំងផ្សព្វផ្សាយពាណិជ្ជកម្ម

Picture

លក់​បាយ​មុខ​រោងចក្រ​កាត់ដេរ​រក​លុយ​ស្រួល

7 ខែ មុន
  • ភ្នំពេញ

រាជធានី​ភ្នំពេញ ៖ នៅ​ពេល​ដល់​ម៉ោង​កម្មករ​កម្មការិនី​រោងចក្រ​កាត់ដេរ​ចេញពី​ធ្វើការ​ ដើម្បី​ទទួលទាន​អាហារ​ថ្ងៃត្រង់ អ្នកស្រី​ វ៉ា​ន ដែល​ជា​អ្នកលក់​បាយ​ម្នាក់បាន​មក​ដល់​មុខ​រោងចក្រ​ជា​ស្រេច​ ។ ម្ហូបអាហារ​ និង​បាយ​ដែល​គាត់​តៀម​លក់​ឱ្យកម្មករ​-កម្មការិនី​…

រាជធានី​ភ្នំពេញ ៖ នៅ​ពេល​ដល់​ម៉ោង​កម្មករ​កម្មការិនី​រោងចក្រ​កាត់ដេរ​ចេញពី​ធ្វើការ​ ដើម្បី​ទទួលទាន​អាហារ​ថ្ងៃត្រង់ អ្នកស្រី​ វ៉ា​ន ដែល​ជា​អ្នកលក់​បាយ​ម្នាក់បាន​មក​ដល់​មុខ​រោងចក្រ​ជា​ស្រេច​ ។ ម្ហូបអាហារ​ និង​បាយ​ដែល​គាត់​តៀម​លក់​ឱ្យកម្មករ​-កម្មការិនី​ បាន​ច្រក​ក្នុង​ថង់​រួច​ជា​ស្រេច​ ។ បាយ​ដាក់​ថង់​ដោយឡែក ម្ហូប​ដាក់​ថង់​ដោយឡែក ​។

Picture

ម៉ូយ​ដែល​ទិញ​អាហារ​របស់​គាត់​បានដឹង​ជា​ស្រេច​ថា ​គេ​ត្រូវ​ទទួលទាន​ម្ហូប​អ្វី នឹង​អស់​លុយ​ប៉ុន្មាន ​។ ជា​ទូទៅកម្ម​ក-​កម្មការិនី​ ទទួលទាន​អាហារ​មួយ​ពេល​មិន​លើស​ពី​ ២ ដុល្លារ ដែល​ស្មើ​ ៨ ​ពាន់​រៀល​នោះ​ទេ​ ។ ពួក​គាត់​ទិញ​បាយ​មួយ​ថង់​ និង​ម្ហូប​មួយ​ថង់ ដែល​អ្នកលក់​បាន​ច្រក​ជា​ស្រេច​នៅ​ក្នុង​ថង់​ប្លា​ស្ទីក ​។

Picture

អ្នកស្រី ​វ៉ា​ន តែងតែ​ច​ម្អិ​ត​អាហារ​យក​ទៅ​លក់​នៅ​របង​រោងចក្រ​នៅ​ម្ដុំ​សួន​ឧស្សាហកម្ម​កា​ណា​ឌី​យ៉ា ។ នៅ​ពេល​ច​ម្អិ​ត​អាហារ​ពី​ផ្ទះ​រួច អ្នកស្រីបាន​យក​អាហារ​ទាំងនោះ​ទៅ​លក់​ដោយ​ពុំ​ចាំបាច់​មាន​គ្រែ មាន​តូប​ស្អាតបាត​លក់​នោះ​ទេ​។ នៅ​ក្នុង​បរិមាណ​អាហារ​ដែល​បាន​ត្រៀម​លក់​ប្រចាំ​ថ្ងៃ​ពី ​៤០០ ​ទៅ ​៥០០​ ថង់ អ្នកស្រី​លក់​តែ​​ក្នុង​រយៈពេល​ពី ​២០​ ទៅ ​៣០ ​នាទី​ប៉ុណ្ណោះ​ ។​ ក្រោយ​ពី​ទិញ​បាយ​ និង​ម្ហូប​ច្រក​ថង់​ស្រេច​ៗ​នេះ​ហើយ កម្មករ​-កម្មការិនី បាន​យក​អាហារ​ទាំងនោះ​ទៅ​អង្គុយ​ទទួលទាន​ជុំ​គ្នា​តាម​ដងផ្លូវ ក្រោម​ម្លប់​ដើមឈើ និង​ក្រោម​សំ​យ៉ាប​អគារ​នានា​ដែល​មាន​ម្លប់​ ។

Picture

អ្នកស្រី ​វ៉ា​ន និយាយ​ថា ​ការ​លក់​បាយ​មុខ​រោងចក្រ​ឱ្យកម្មករ-​កម្មការិនី​ នេះ ហាក់​ហត់​បន្តិច ​។ ​ហត់​ក្នុង​ការ​ច​ម្អិ​ត​អាហារ​ និង​ដឹក​ជ​ញ្ជួ​ន​ពី​ផ្ទះ​មក​កន្លែង​លក់ ប៉ុន្តែ​ការ​លក់​ប្រើ​ពេល​ខ្លី​ប៉ុណ្ណោះ​ ខុស​ពី​ការ​លក់ដូរ​នៅ​កន្លែង​នានា ដែល​ត្រូវ​លក់​ពេញ​មួយ​ថ្ងៃ ពេញ​មួយ​ព្រឹក ​។ នៅ​ក្នុង​អារ​ហារ​ចន្លោះ​ពី ​៤០០ ​ទៅ ​៥០០​ ថង់​ដែល​គាត់​លក់​នេះ អាច​ទទួល​បាន​ចំណូល​ជា​ចំណេញ​ប្រមាណ ​២០​ ម៉ឺន​រៀល​ដែរ​ ។ «​លក់​បាយ​នៅ​រោងចក្រ​នេះ​អាច​ឱ្យ​គ្រួសារ​ខ្ញុំ​សន្សំ​លុយ​ទិញ​ផ្ទះ​ និង​ឱ្យកូន​រៀនសូត្រ​បាន ​។ យើង​ផ្សំគ្នា​លុយ​ពី​ប្តី​ធ្វើការ​ផង លក់​ផង​ទប់​គ្នា​» អ្នកលក់​បាយ​និយាយ​ទាំង​ទឹក​មុខញញឹម ​។

Picture

កម្មករនិយោជិត​ផ្នែក​វាយ​ន​ភណ្ឌ កាត់ដេរ ផលិត​ស្បែកជើង និង​ផលិតផល​ធ្វើ​ដំណើរ និង​កាបូប នៅ​ក្នុង​ឆ្នាំ ​២០២២ ​នេះ ទទួល​បាន​ប្រាក់​ឈ្នួល​អប្បបរមា​ចំនួន ​១៩៤ ​ដុល្លារ​ក្នុង​មួយ​ខែ​លើស​ពី​ឆ្នាំ ​២០២១ ​ចំនួន ​២ ​ដុល្លារ ។
អាហារ​ដែល​កម្មករ​កាត់ដេរ​ទិញ​ទទួលទាន ដែល​អ្នកលក់​ច្រង​ថង់​ជា​ស្រេច​មាន​តម្លៃ​ពី ​៣​ ពាន់​ទៅ​ ៥​ ពាន់​រៀល​ក្នុង​មួយ​មុខ​ ។

Picture

ជា​ញឹកញាប់​ខាង​សង្គម​ស៊ី​វិល​រួម​នឹង​កម្មករ​-កម្មការិនី ​ផ្ទាល់​ផង​តែងតែ​លើក​ឡើង​ពី​ការ​ទទួលទាន​អាហារ​គ្មាន​ជីវជាតិ​ និង​ទំនង​ខ្វះ​អនាម័យ ដែល​លក់​មុខ​រោងចក្រ នៅ​ពេល​ប្រាក់ខែ​របស់​ពួក​គេ​ឡើង​មិន​ទាន់​ថ្លៃ​ទំនិញ​លើ​ទីផ្សារ​នោះ​ ៕

Picture