ខេត្តតាកែវ ៖ អគ្គិភ័យដ៏សន្ធោសន្ធៅមួយផ្សែងហុយខ្មៅមេឃបានលេបត្របាក់រោងចក្រចម្រាញ់យកប្រេងខ្មៅពីសម្បកកង់រថយន្តចាស់ៗ កាលពីថ្ងៃទី៦ កុម្ភៈ ២០២២ វេលាម៉ោង៤និង៣០នាទីរសៀល ស្ថិតនៅភូមិត្រពាំងឈូក ឃុំសូភី ស្រុកបាទី ខេត្តតាកែវ ។
លោកវរសេនីយ៍ឯង ឆាយ កែវមុន្នី អធិការនគរបាលស្រុកបាទីបានឲ្យដឹងថា រោងចក្រដែលឆេះនេះដោយសារការទុស្សេចរន្តភ្លើងនឹងឆាបឆេះបានបណ្តាលឱ្យខូចខាតអគារទំហំ25mX80m ធ្វើអំពីដែក មិនទាន់ប្រក់ដំបូល ។
ក្រោយពេលទទួលព័ត៌មានភ្លាម លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ បានបញ្ជាកម្លាំងជំនាញនៃអធិការដ្ឋាននគរបាលស្រុកបាទី សហការជាមួយអធិការដ្ឋាននគរបាលស្រុកត្រាំកក់ ចុះអន្តរាគមន៍ ដោយប្រើប្រាស់រថយន្តអគ្គិភ័យចំនួន២គ្រឿង អស់ទឹកចំនួន៣រថយន្ត ទើបរលត់ជាស្ថាពរ និងមិនមានរងរបួសដល់មនុស្សណាម្នាក់នោះទេ ។
លោក ភួង ឈីន អភិបាលស្រុកបាទីបានឲ្យដឹងថា ទីតាំងរោងចក្រចម្រាញ់ប្រេងខ្មៅសម្បកកង់រថយន្តចាស់ៗនេះ គឺឆេះដោយសារការទុស្សេចរន្តអគ្គិសនីចំឡចម្រាញ់ ។ ឡចម្រាញ់ចំនួន២គឺទូ១មានចំណុះប្រេង២៥០០លីត្រ ត្រូវបានម្ចាស់ដាក់ក្នុងរោងមិនទាន់មានជញ្ជាំងនិងដំបូល ។ ចំពោះការខូចខាតនោះត្រូវបានឱ្យដឹងថាគិតជាប្រាក់អស់៤០លានរៀល ៕
ចែករំលែកព័តមាននេះ