ក្មេងដាំបបរពន្លត់ភ្លើងមិនអស់ បង្កឱ្យឆេះផ្ទះ៩ខ្នង
- កំពង់ឆ្នាំង
ខេត្តកំពង់ឆ្នាំង ៖ ផ្ទះប្រជាពលរដ្ឋចំនួន៩ខ្នង ត្រូវបានអគ្គិភ័យឆាបឆេះកាលពីវេលាម៉ោង២ និង៣០នាទីរសៀលថ្ងៃទី៦ ខែកុម្ភៈ ឆ្នាំ ២០២២ ស្ថិតនៅភូមិកំពង់បាស្រូវ ឃុំជលសា…
ខេត្តកំពង់ឆ្នាំង ៖ ផ្ទះប្រជាពលរដ្ឋចំនួន៩ខ្នង ត្រូវបានអគ្គិភ័យឆាបឆេះកាលពីវេលាម៉ោង២ និង៣០នាទីរសៀលថ្ងៃទី៦ ខែកុម្ភៈ ឆ្នាំ ២០២២ ស្ថិតនៅភូមិកំពង់បាស្រូវ ឃុំជលសា ស្រុកជលគិរី ។
លោកវរសេនីយ៍ឯក ហ៊ឹម យ៉ុង អធិការនគរបាលស្រុកជលគីរីបានឱ្យដឹងថា អគ្គិភ័យឆាបឆេះផ្ទះសរុបចំនួន៩ខ្នង ក្នុងនោះ៦ខ្នងបានឆេះខ្ទេចទាំងស្រុង និង៣ខ្នងបានឆេះអស់មួយចំហៀង។ ចំពោះមូលហេតុគឺបណ្ដាលមកពីក្មេងដាំបបរនៅចង្ក្រាន ហើយធ្វេសប្រហែសពន្លត់ភ្លើងមិនអស់រួចដើរចោលផ្ទះ ទើបបណ្ដាលឲ្យអគ្គីភ័យនេះកើតឡើង ។
ចំពោះផ្ទះបង្កហេតុ គឺមានប្ដីប្រពន្ធឈ្មោះ ម៉ៃ ព្រួញ ដែលជាផ្ទះប្រក់នឹងបាំងជញ្ជាំងស្លឹកនិងនៅជាប់ៗគ្នា ។
ចំណែកម្ចាស់ផ្ទះរងគ្រោះដទៃទៀត មាន១.ហង្ស ហាន. ២ ភា វ៉ាន់ .៣ ម៉ៅ ប្លង់ .៤ ស្រ៊ុន ថន. ៥ ម៉ន សុគន្ឋា. ៦ ម៉ៃ ប៉ោត .៧ ម៉ម ប៊ុនណាវុធ .និង៨ ឈ្មោះ អ៊ួន រិទ្ឋ ។ ចំពោះផ្ទះដែលរងការខូចខាតផ្ទះខ្លះមាន 5 គុណនឹង 9 ម៉ែត្រផ្ទះខ្លះទៀតមាន 7 គុណនឹង 12 ម៉ែត្រ ធ្វើអំពីឈើប្រក់ស្លឹក និងខ្លះប្រក់ស័ង្កសី ជាដើម។
ចែករំលែកព័តមាននេះ