សាលាក្ដីខ្មែរក្រហម តាមរយៈអង្គការសហប្រជាជាតិ ទទួលបានវិភាគទានប្រមាណ ២២០.០០០ ដុល្លារអាមេរិក ពីរដ្ឋាភិបាលជប៉ុន
- ភ្នំពេញ
រាជធានីភ្នំពេញ ៖ កាលពីថ្ងៃទី ៤ ខែកុម្ភៈ ឆ្នាំ ២០២២ មកនេះ រដ្ឋាភិបាលជប៉ុនបានបពោ្ចញប្រាក់ចំនួន ២២០.០០០…
រាជធានីភ្នំពេញ ៖ កាលពីថ្ងៃទី ៤ ខែកុម្ភៈ ឆ្នាំ ២០២២ មកនេះ រដ្ឋាភិបាលជប៉ុនបានបពោ្ចញប្រាក់ចំនួន ២២០.០០០…
រាជធានីភ្នំពេញ ៖ កាលពីថ្ងៃទី ៤ ខែកុម្ភៈ ឆ្នាំ ២០២២ មកនេះ រដ្ឋាភិបាលជប៉ុនបានបពោ្ចញប្រាក់ចំនួន ២២០.០០០ ដុល្លារអាមេរិក ជាវិភាគទានរបស់ខ្លួន ដើម្បីផ្ដល់ជូនភាគីអង្គការសហប្រជាជាតិ នៃថវិកាអង្គជំនុំជម្រះវិសាមញ្ញក្នុងតុលាការកម្ពុជា ។
រដ្ឋាភិបាលជប៉ុនបានសម្រេចចិត្ដផ្ដល់វិភាគទាននេះ ដើម្បីទ្រទ្រង់ដំណើរការរបស់សាលាក្ដីខ្មែរក្រហម ។ រដ្ឋាភិបាលជប៉ុនផ្ដល់សារៈសំខាន់ទៅលើសាលាក្ដីខ្មែរក្រហម ដោយផ្អែកលើទស្សនៈចំនួនបី ។ ទីមួយ ការកាត់ក្ដីខ្មែរក្រហម គឺជាដំណាក់កាលបពា្ចប់នៃដំណើរការស្វែងរកសន្ដិភាពនៅកម្ពុជា ដើម្បីបង្ការទប់ស្កាត់ការកើតមានឡើងវិញនៃអំពើឃោឃៅ ដែលបានប្រព្រឹត្ដឡើងនៅក្នុងសម័យខ្មែរក្រហម ។ ទីពីរ សាលាក្ដីខ្មែរក្រហមនេះនឹងជួយស្វែងរកយុត្ដិធម៌ជូនជនរងគ្រោះនៃរបបខ្មែរក្រហម ដែលប្រការនេះនឹងរួមចំណែកដល់ការផ្សះផ្សាជាតិឡើងវិញ ។ ទីបី សាលាក្ដីនេះនឹងរួមចំណែកដល់ការពង្រឹង នីតិរដ្ឋនៅកម្ពុជា ក៏ដូចជានៅសហគមន៍អន្តរជាតិផងដែរ ។
បន្ថែមពីនេះ រដ្ឋាភិបាលជប៉ុនបាន និងកំពុងជួយដល់អង្គជំនុំជម្រះវិសាមញ្ញក្នុងតុលាការកម្ពុជាតាំងពីដើមដំបូងរៀងមក ហើយគិតត្រឹមថ្ងៃនេះ ជំនួយហិរញ្ញវត្ថុពីប្រទេសជប៉ុនសម្រាប់តុលាការនេះមានចំនួន ៨៨,៧ លានដុល្លារអាមេរិកដោយគិតរួមទាំងការបពោ្ចញថវិកាលើកនេះ ដែលប្រហាក់ប្រហែលនឹង ២៧% នៃថវិកាសរុបផ្ដល់ដោយប្រទេសផ្ដល់ជំនួយជូនភាគីជាតិ និងភាគីអង្គការសហប្រជាជាតិនៃអ.វ.ត.ក ។ លើសពីនេះទៅទៀត ប្រទេសជប៉ុនរួមជាមួយប្រទេសបារាំង ក្នុងឋានៈជាសហប្រធាននៃមិត្ដរបស់ អ.វ.ត.ក. បានតាមដានដំណើរការរបស់តុលាការនេះយ៉ាងសកម្ម ៕
ចែករំលែកព័តមាននេះ