ខេត្តតាកែវ ៖ ដីបឹងអូរតុំ ជាច្រើនកន្លែង និងជាច្រើនហិតា ត្រូវបានអាជ្ញាធរស្រុកទ្រាំង បើកដៃឱ្យឈ្មួញអ្នកមានលុយ ចាក់ដីរំលោ.ភយកមកធ្វើកម្មសិទ្ធិជាបន្តបន្ទាប់ធ្វើឱ្យផ្ទែបឹងអូតុំ ចេះតែរួមតូចបណ្តើៗហើយ បញ្ហានេះត្រូវបានប្រជាពលរដ្ឋនិយាយរិះគន់ថា ព្រោះតែផលប្រយោជន៍អស់លោក សូម្បីតែដីបឹងក៏ឱ្យអ្នកមានលុយចាក់ដីលុបដើម្បីយកធ្វើកម្មសិទ្ធិដែរ តើទៅថ្ងៃមុខនឹងមានបឹងសម្រាប់ស្តុបទឹកទុកឱ្យប្រជាពលរដ្ឋប្រើប្រាស់បន្តទៀតទេ?។
ដីបឹងអូតុំ ដែលអ្នកមានលុយចាក់រំលោ.ភយកមកធ្វើកម្មសិទ្ធិខាងលើនេះ គឺស្ថិតនៅភូមិកន្ទួត ឃុំស្រង៉ែ ស្រុកទ្រាំង ខេត្តតាកែវ ។
ហើយបើតាមប្រជាពលរដ្ឋរស់នៅក្បែរកន្លែងចាក់ដីលុបបឹងអូរនោះ បានឱ្យដឹងថា ចំពោះដីបឹងអូតុំ ដែលត្រូវបានអ្នកមានលុយចាក់ដីរំលោ.ភយកធ្វើជាកម្មសិទ្ធិដោយមិនបានខ្វល់នឹងច្បាប់ និងប្រយោជន៍សាធារណៈនេះ គឺសង្ស័យមានភ្លើងខៀងពីអាជ្ញាធរឃុំស្រង៉ែ និងស្រុកទ្រាំង ទើបធ្វើឱ្យអ្នកមានលុយចាក់ដីរំលោ.ភយកបានបែបនេះ។
ក្រុមប្រជាពលរដ្ឋបានបន្តទៀតថា អ្នកមានលុយចាក់ដីរំលោ.ភយកដីបឹងអូតុំធម្មជាតិនេះ បើទោះបីជាសម្តេចតេជោប្រមុខរាជរដ្ឋាភិបាល សម្តេចបានធ្វើការព្រមានខ្លាំងៗ និងបានចាប់ខ្លួនអ្នកពាក់ព័ន្ធដែលរំលោ.ភយកដីព្រៃលិចទឹក រំលោ.ភយកដីបឹងធម្មជាតិជាបន្តបន្ទាប់នៅចុងឆ្នាំ២០២១កន្លងទៅនេះហើយ ជាក់ស្តែងទីតាំងដីបឹងអូរតុំ ស្ថិតនៅភូមិកន្ទួត ឃុំស្រង៉ែ ស្រុកទ្រាំង ខេត្តតាកែវ ដែលជាបឹងធម្មជាតិតាំងពីរាប់សិបឆ្នាំមកហើយ បែរជាអាជ្ញាធរស្រុក និងមន្ទីរជំនាញបើកដៃឱ្យអ្នកមានលុយ មានអំណាច ឃើញតែផលចំណេញលុយ បានឃុបឃិតតាមខ្សែបណ្តោយធ្វើសកម្មភាពចាក់ដីលុបយកដីបឹងអូតុំ របស់រដ្ឋ ហើយកសាងសង់សំរឹងទៅវិញ ហើយដីបឹងអូតុំជាច្រើនហិចតា ត្រូវបានអ្នកមានលុយចាក់ដីវាទទីយកធ្វើជាកម្មសិទ្ធិ បន្លំប្រែក្លាយដីអាស្រ័យផលទៅជាដីលំនៅស្ថានទាំងបំពាន។
ហើយអ្នកដែលអាចចាក់ដីលុបបឹងអូតុំនេះបាន មិនមែនប្រជាពលរដ្ឋធម្មតាធ្វើបាននោះទេ ភាគច្រើនគឺអ្នកមានអំណាច អ្នកមានលុយ ឬមានខ្សែបណ្តោយជាមួយអាជ្ញាធរ ទើបអាចចាក់លុបយកដីបឹងធម្មជាតិនេះដោយរលូនបាន នេះគេហៅថា បានកន្ទេលធំបន្លំដេក។
លោក ឈួន ផាន់នី អភិបាលស្រុកទ្រាំង បានប្រាប់កោះសន្តិភាពយើងតាមទូរស័ព្ទនៅព្រឹកថ្ងៃទី៥ ខែកុម្ភៈ ឆ្នាំ២០២២នេះថា គាត់មិនបានដឹងថា មានគេចាក់ដីរំលោ.ភយកផ្ទៃបឹងតុំនេះទេព្រោះម្ចាស់ដីស្នើសុំចាក់ដីត្រឹមតែដីរបស់គាត់តែប៉ុណ្ណោះ ហើយដីរបស់គាត់នោះក៏មិនទាន់មានប័ណ្ណកម្មសិទ្ធិដែរ ។
លោកអភិបាលស្រុកបានបន្តទៀតថា ករណីចាក់ដីនៅចំណុចខាងលើនេះ សុំច្បាប់ចាក់ដីត្រឹមដីកម្មសិទ្ធិរបស់គាត់ដើម្បីធ្វើឡឥដ្ឋ ហើយបើគាត់ចាក់ហួសដី គាត់រំលោ.ភយកដីបឹងអូតុំទៅវិញ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព។
ចែករំលែកព័តមាននេះ