រាជធានីភ្នំពេញ ៖ បុរសម្នាក់ចូលទៅផឹកស៊ី និងច្រៀងខារ៉ាអូរខេក្នុងហាងយីហោ «រាជនី KTV» បន្ទាប់ពីស្រវឹងធ្លាក់ភ្នែក ក៏បានធ្វើសកម្មភាពចាប់រំលោ.ភនារីខារ៉ាអូខេម្នាក់រហូតបានសម្រេចនៅក្នុងបន្ទប់ រួចហើយព្យាយាមរត់ចេញក្រៅក្នុងបំណងគេចខ្លួន ប៉ុន្តែរត់មិនរួច ត្រូវនាងរងគ្រោះស្រែកផ្អើលឆោឡោក៏ត្រូវចាប់ខ្លួនបាន ប្រគល់ឱ្យសមត្ថកិច្ចនគរបាលប៉ុស្ដិ៍កាកាបភ្លាមៗតែម្ដង ។
រាជធានីភ្នំពេញ ៖ បុរសម្នាក់ចូលទៅផឹកស៊ី និងច្រៀងខារ៉ាអូរខេក្នុងហាងយីហោ «រាជនី KTV» បន្ទាប់ពីស្រវឹងធ្លាក់ភ្នែក ក៏បានធ្វើសកម្មភាពចាប់រំលោភនារីខារ៉ាអូខេម្នាក់រហូតបានសម្រេចនៅក្នុងបន្ទប់ រួចហើយព្យាយាមរត់ចេញក្រៅក្នុងបំណងគេចខ្លួន ប៉ុន្តែរត់មិនរួច ត្រូវនាងរងគ្រោះស្រែកផ្អើលឆោឡោក៏ត្រូវចាប់ខ្លួនបាន ប្រគល់ឱ្យសមត្ថកិច្ចនគរបាលប៉ុស្ដិ៍កាកាបភ្លាមៗតែម្ដង ។
ហេតុការណ៍នេះកើតឡើង កាលពីវេលាម៉ោង២យប់រំលងអធ្រាត្រចូលថ្ងៃទី១៥ កក្កដា ២០១៦ ស្ថិតក្នុងហាងខារ៉ាអូខេយីហោ
«រាជនី KTV» មានទីតាំងក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ។
ប្រភពឱ្យដឹងថា នារីរងគ្រោះអាយុ១៨ ជាបុគ្គលិកខារ៉ាអូខេ ។ ដោយឡែកជនសង្ស័យឈ្មោះទិត្យ សុធា អាយុ២៥ឆ្នាំ ជាជាងដែកស្នាក់នៅភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ និងមានស្រុកកំណើតនៅក្នុងភូមិជម្រៅ ឃុំជម្រៅ ស្រុកព្រះស្តេច ខេត្តព្រៃវែង។
បើតាមនារីរងគ្រោះឱ្យដឹងថា មុនពេលកើតហេតុ ជនសង្ស័យខាងលើ រួមនិងមិត្តភក្តិម្នាក់ទៀតបានចូលទៅផឹកស៊ី និងច្រៀងខារ៉ាអូខេនៅទីនោះ ដោយហៅនាងទៅអង្គុយកំដ ។ ចំណែកមិត្តភក្ដិម្នាក់ទៀតទៅជាមួយនោះ មិនបានហៅស្រីអង្គុយកំដរទេ ។
ខណៈនោះ ពួកគេបានផឹកស្រាបៀរអស់១កេស បន្ទាប់មកបានគិតលុយ និងចាកចេញទៅបាត់ ។ លុះមួយសន្ទុះក្រោយមក ស្រាប់តែនាំគ្នាចូលទៅម្តងទៀត ។ ដោយលើកនេះ បានហៅស្រាបៀរបន្ថែម១កេះទៀត និងបានហៅនាងឱ្យទៅអង្គុយកំដម្ដងទៀត ។ ក្រោយពេលផឹកអស់ស្រាប្រហែលអស់១០កំប៉ុង មិត្តម្នាក់ទៀតឈ្មោះមាន វិចិត្រ អាយុ៣៤ ជាជាងដែកដូចគ្នា បានស្រវឹងខ្លាំងសន្លប់ដេកស្តូកមិនដឹងខ្លួន ។
ប្រភពដដែលបន្តទៀតថា នៅសល់តែនាងនិងបុរសនោះ ព្រមទាំងមេការខារ៉ាអូខេម្នាក់ទៀតប៉ុណ្ណោះ និងបានផឹកបន្តទៀត ។ លុះ ក្រោយមក មេការក៏បានចេញទៅក្រៅបាត់ទៀត ដែលជាហេតុធ្វើឱ្យជននោះ មានឱកាសបិទទ្វារជិតរួចបានចាប់នាងរំលោភ ហើយទោះជាខំស្រែកយ៉ាងណា ក៏គ្មាននរណាឮដែរ នាងត្រូវជនខាងលើរំលោភរហូតបានសម្រេចតាមបំណង ។ បន្ទាប់ពីបានឡើងឋានសួគ៌ហើយ បុរសនោះបានរត់ចេញក្រៅក្នុងបំណងគេចខ្លួន ប៉ុន្តែរត់មិនរួចដោយត្រូវនាងស្រែកបង្កឱ្យមានការភ្ញាក់ផ្អើល ហើយអ្នកនៅទីនោះ ជួយចាប់ខ្លួនប្រគល់ទៅឱ្យនគរបាលបុស្ដិ៍កាកាបចាត់ការតាមច្បាប់ ។
ចែករំលែកព័តមាននេះ