ADផ្ទាំងផ្សព្វផ្សាយពាណិជ្ជកម្ម

Picture

កម្ពុជា​និង​អា​រ៉ាប់​រួម ពិនិត្យ​លទ្ធភាព​បង្កើត​កិច្ចព្រមព្រៀង​ពាណិជ្ជកម្ម​សេរី​ទ្វេភាគី

3 ខែ មុន
  • ភ្នំពេញ

រាជធានី​ភ្នំពេញ​៖ រដ្ឋមន្ត្រីក្រសួង​ពាណិជ្ជកម្ម​កម្ពុជា ​និងរដ្ឋមន្ត្រីក្រសួង​ពាណិជ្ជកម្ម​អន្តរជាតិ នៃ​សហភាព​អា​រ៉ាប់​រួម បាន​ប្រជុំ​ដើម្បី​ពិនិត្យ​លទ្ធភាព ចុះ​កិច្ចព្រមព្រៀង​ពាណិជ្ជកម្ម​សេរី​ទ្វេភាគី (FTA) និង​ជំរុញ​លើ​ឱកាស​វិនិយោគ​រវាង​ប្រទេស​ទាំង​ពីរ ។ លោក​ប៉ាន…

រាជធានី​ភ្នំពេញ​៖ រដ្ឋមន្ត្រីក្រសួង​ពាណិជ្ជកម្ម​កម្ពុជា ​និងរដ្ឋមន្ត្រីក្រសួង​ពាណិជ្ជកម្ម​អន្តរជាតិ នៃ​សហភាព​អា​រ៉ាប់​រួម បាន​ប្រជុំ​ដើម្បី​ពិនិត្យ​លទ្ធភាព ចុះ​កិច្ចព្រមព្រៀង​ពាណិជ្ជកម្ម​សេរី​ទ្វេភាគី (FTA) និង​ជំរុញ​លើ​ឱកាស​វិនិយោគ​រវាង​ប្រទេស​ទាំង​ពីរ ។

លោក​ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម នៅ​ក្នុង​ដំណើរ​ទស្សនកិច្ច​ទៅ​កាន់​សហភាព​អា​រ៉ាប់ ក្នុង​ខណៈ​ដែល​ប្រទេស​នេះ​រៀបចំ​ពិព័រណ៍​ពិភពលោក ដែល​កម្ពុជា​បាន​ចូលរួម​ដែល​នោះ​ថា កម្ពុជា​មាន​ធនធានធម្មជាតិ​អំណោយផល​ជា​ច្រើន មាន​កសិផល​រាប់​ពាន់​មុខ និង​មាន​វិស័យ​សក្តានុពល​ជា​ច្រើន ដែល​កំពុង​អភិវឌ្ឍ​ដូច​ជា វិស័យ​ទេសចរណ៍​តំបន់ឆ្នេរ​សមុទ្រ វិស័យ​វប្បធម៌​តំបន់​ប្រាសាទបុរាណ ជា​ពិសេស​ប្រាសាទអង្គរវត្ត វិស័យ​ដឹក​ជញ្ជូន​មាន​ព្រ​លាន​យន្តហោះ កំពង់​ផែ ផ្លូវថ្នល់ សំណង់​អគារ​ ។

Picture

លោក​រដ្ឋមន្ត្រី បាន​ស្នើ​ដៃគូ​ពិភាក្សា​គឺ​លោក ថា​នី​ប៊ី​ន អា​ម៉េ​ដ អាល់​ហ្ស៊េ​រ​យូ​ឌី រដ្ឋមន្ត្រីក្រសួង​ពាណិជ្ជកម្ម​អន្តរជាតិ នៃ​សហភាព​អា​រ៉ាប់​រួម ថា “​សហភាព​អា​រ៉ាប់​រួម​អាច​មក​ធ្វើការ​វិនិយោគ​នៅ​កម្ពុជា​បាន​”​។ លោក​បន្ត​ថា​កម្ពុជា​បាន​ចុះ​កិច្ចព្រមព្រៀង​ពាណិជ្ជកម្ម​សេរី​ទ្វេភាគី​ជាមួយ ចិន និង​កូរ៉េ ហើយ​ក៏​កំពុង​បន្ត​ចរចា បង្កើត​កិច្ចព្រមព្រៀង​ពាណិជ្ជកម្ម​សេរី ជាមួយ​ដៃគូ​សំខាន់​ៗ​មាន​ជា​អាទិ៍ ជប៉ុន ឥណ្ឌា ម៉ុង​ហ្គោ​លី កា​ណា​ដា និង​អង់គ្លេស ដើម្បី​ធ្វើ​ពិពិធ​កម្ម​ទីផ្សារ និង​ជំរុញ​ការ​នាំ​ចេញ​ស្រប​តាម​គោលនយោបាយ​យុទ្ធសាស្ត្រ ចតុកោណ​ដំណាក់កាល​ទី​៤ របស់​រាជរដ្ឋាភិបាល​កម្ពុជា ។

កម្ពុជា​បាន​បង្ហាញ​ពី​ឆន្ទៈ​ចង់ឱ្យ​មាន​ក្រុមការងារ​មួយ ដើម្បី​សិក្សា និង​ពិនិត្យ​លទ្ធភាព​ក្នុង​ការ​បង្កើត​កិច្ចព្រមព្រៀង​ពាណិជ្ជកម្ម​សេរី (FTA) រវាង​ប្រទេស​ទាំង​ពីរ ក្នុង​គោលបំណង​បង្កើន​សហប្រតិបត្តិការ​សេដ្ឋកិច្ច និង​ពាណិជ្ជកម្ម​ថែម​មួយ​កម្រិត​ទៀត ។
ក្នុង​កិច្ចប្រជុំ​ដែល​ធ្វើ​ឡើង​នៅ​ថ្ងៃ​ទី​២៤ ខែមករា នោះ លោក ថា​នី​ប៊ី​ន អា​ម៉េ​ដ អាល់​ហ្ស៊េ​រ​យូ​ឌី បាន​ស្នើ​ភាគី​កម្ពុជា ជួយ​ផ្តល់​ព័ត៌មាន​អំពី​សក្ដានុពល​វិនិយោគ​នៅ​កម្ពុជា និង​សិក្សា​បន្ថែម​អំពី​លទ្ធភាព​វិនិយោគ​រួម​គ្នា​នា​ពេល​អនាគត​ ។

Picture

នៅ​កិច្ចបញ្ចប់ គណៈប្រតិភូ​របស់​ប្រទេស​ទាំង​ពីរ បាន​ឯកភាព​គ្នា​ថា​នឹង​អញ្ជើញ​គណៈប្រតិភូ មក​ធ្វើ​ទស្សនកិច្ច​ផ្លូវការ​នៅ​ប្រទេស​រៀង​ៗ​ខ្លួន ដើម្បី​សិក្សា​បន្ថែម​អំពី​ឱកាស​វិនិយោគ​រួម​គ្នា លើ​វិស័យ​សក្តានុពល​នានា និង​បាន​ឯកភាព​គ្នា​ក្នុង​ការ​បង្កើត​ក្រុមការងារ​មួយ ដើម្បី​សិក្សា​អំពី​លទ្ធភាព​បង្កើត​កិច្ចព្រមព្រៀង​ពាណិជ្ជកម្ម​សេរី​ទ្វេភាគី (FTA) រវាង​ប្រទេស​ទាំង​ពីរ​នា​ថ្ងៃ​អនាគត ។ នេះ​បើ​តាម​ការ​ផ្សព្វផ្សាយ​ពី​បណ្តាញ​សង្គម​របស់​ក្រសួងពាណិជ្ជកម្ម​ ៕