រាជធានីភ្នំពេញ៖ បន្ទាប់កម្មវិធិរៀបអាពាហ៍ពិពាហ៍ បុណ្យទាននានាអាចរៀបចំជួបជុំគ្នាបានឡើងវិញ តាំងពីកម្ពុជាបើកប្រទេសឡើងវិញ ម្ចាស់វង់តន្ត្រីនៅតាមខេត្តស្រុកនានា អះអាងថាខ្លួនអាចរកចំណូលបានឡើងវិញបណ្តើរៗ ទោះបីមិនទាន់ដូចពេលមិនទាន់ផ្ទុះកូវីដ ១៩ ក្នុងឆ្នាំ ២០០០…
រាជធានីភ្នំពេញ៖ បន្ទាប់កម្មវិធិរៀបអាពាហ៍ពិពាហ៍ បុណ្យទាននានាអាចរៀបចំជួបជុំគ្នាបានឡើងវិញ តាំងពីកម្ពុជាបើកប្រទេសឡើងវិញ ម្ចាស់វង់តន្ត្រីនៅតាមខេត្តស្រុកនានា អះអាងថាខ្លួនអាចរកចំណូលបានឡើងវិញបណ្តើរៗ ទោះបីមិនទាន់ដូចពេលមិនទាន់ផ្ទុះកូវីដ ១៩ ក្នុងឆ្នាំ ២០០០ ក្តី ។
លោក ហៃ រ៉ាយ៉ត ម្ចាស់ក្រុមតន្ត្រីយីហោ «រ៉ាយ៉ត តន្ត្រីហង្សនាគ» ឬហៅថាក្រុមអកកាដង់នៅខេត្តកំពង់ចាម បាននិយាយឱ្យដឹងថា បន្ទាប់ពីរាជរដ្ឋាភិបាលអនុញ្ញាត ឱ្យមានការរៀបចំកម្មវិធីតូចធំឡើងវិញ ក្រុមរបស់លោកអាចចេញប្រគំតាមកម្មវិធីនានាជាច្រើន ក្នុងមួយខែៗ ។ លោកពោលក្នុងមូយខែៗចេញប្រគំតាមកម្មពិធីតូចធំ មិនតិចជាង ២០ រោងឬកម្មវិធីទេ ។
លោកហៃ រ៉ាយ៉ត បញ្ជាក់ថា៖ «ការប្រគំតន្ត្រីក្នុងមួយកម្មវិធី មានតម្លៃប្រហែល ៤៨០ ដុល្លារអាមេរិកនៅជិតៗ ។ បើលេងនៅក្រៅខេត្ត តម្លៃប្រហែល ៥៥០ ដុល្លារអាមេរិក ។ ការអនុញ្ញាតឱ្យពលរដ្ឋអាចរៀបចំពិធីការ និងបុណ្យនានាឡើងវិញ ធ្វើរបរច្រើនណាស់មានចំណូលឡើងវិញ ។ ដូចជាពួកយើងនេះ អាចសន្សំប្រាក់បានជាង ២ ០០០ ដុល្លារអាមេរិក នៅក្នុងមួយខែៗ ក្រៅពីកាត់ចំណាយទៅអ្នកច្រៀងនិងអ្នករាំ» ។
ក្រុមតន្ត្រីរ៉ាយ៉តតន្ត្រីហង្សនាគ មានសមាជិក ១៣ នាក់ ។ ម្ចាស់ក្រុមតន្ត្រីនេះបានរៀបរាប់ថា ក្រោយពីខកខានប្រគុំតន្ត្រីជិត ២ ឆ្នាំកន្លងមកនេះ ពួកគេបានខាតបាត់ចំណូលចិញ្ចីមជីវិត ប៉ះពាល់ជីវភាពគ្រប់ៗសមាជិកទាំងអស់ ។
ចំណែកលោកតូច ពិសិដ្ឋ ម្ចាស់តន្ត្រីយីយោពិសេដ្ឋតន្ត្រី ឬហៅថាអកកេះនៅខេត្តកំពត បាននិយាយថា ទោះនៅក្នុងរយៈពេលចុងក្រោយនេះការឆ្លងកូវីដ ១៩ បានធ្លាក់ចុះ តែពលរដ្ឋនៅតែខ្លាចនៅឡើយ ។ លោកថាក្រោយពីការបើកប្រទេសឡើងវិញមក ក្រុមតន្ត្រីរបស់លោកអាចទទួលបានភ្ញៀវ ១០ កម្មវិធីនៅក្នុងមួយខែ ។ ចំនួននេះនៅតិចជាងកាលពីមិនទាន់ផ្ទុះកូវីដ ១៩ ដែលក្នុងមួយៗ លោកទទួលបាន ២០ ទៅ ៣០ កម្មវិធីឯណោះ ។
ក្រុមអកកេះ មានទីទាំងនៅខេត្តកំពតនេះ មានសមាជិកជាង ២០ នាក់ ។ ក្នុងមួយកម្មវិធី(១រោង)តម្លៃ ៨៥០ ដុល្លារអាមេរិកបើឆ្ងាយតម្លៃប្រហែលជាង ១០០០ ដុល្លារអាមេរិក ៕
ចែករំលែកព័តមាននេះ