ADផ្ទាំងផ្សព្វផ្សាយពាណិជ្ជកម្ម

Picture

កម្ពុជា​ទាក់ទាញ​អ្នក​វិនិយោគ​បរទេស​តាម​រយៈ​ពិព័រណ៍​ពិភពលោក​នៅ​ឌុ​យ​បៃ

3 ខែ មុន
  • ភ្នំពេញ

រាជធានីភ្នំពេញ ៖ តាម​រយៈ​ពិព័រណ៍​ពិភពលោក​ឆ្នាំ​ ២០២០ ដែល​កំពុង​រៀបចំ​ធ្វើ​នៅ​ទីក្រុង​ឌុ​យ​បៃ សហភាព​អា​រ៉ាប់​រួម​ កម្ពុជា​បាន​អំពាវនាវ និង​សូម​ស្វាគមន៍​យ៉ាង​កក់ក្តៅ​ចំពោះ​ធុរជន និង​វិនិយោគិន​នានា ដែល​ចង់​ស្វែងរក​ឱកាស​បណ្តាក់ទុន​វិនិយោគ​នៅ​កម្ពុជា…

រាជធានីភ្នំពេញ ៖ តាម​រយៈ​ពិព័រណ៍​ពិភពលោក​ឆ្នាំ​ ២០២០ ដែល​កំពុង​រៀបចំ​ធ្វើ​នៅ​ទីក្រុង​ឌុ​យ​បៃ សហភាព​អា​រ៉ាប់​រួម​ កម្ពុជា​បាន​អំពាវនាវ និង​សូម​ស្វាគមន៍​យ៉ាង​កក់ក្តៅ​ចំពោះ​ធុរជន និង​វិនិយោគិន​នានា ដែល​ចង់​ស្វែងរក​ឱកាស​បណ្តាក់ទុន​វិនិយោគ​នៅ​កម្ពុជា ​។ នៅ​ចំពោះ​មុខ​អ្នក​វិនិយោគ​ពី​បណ្តា​ប្រទេស​ជា​ច្រើន​ក្នុង​សក​លោក លោក ប៉ាន សូរ​ស័​ក្ដ រដ្ឋមន្ត្រីក្រសួង​ពាណិជ្ជកម្ម ថែម​ទាំង​បានស្វាគមន៍​ទេសចរ​អន្តរជាតិ​ទាំង​ទ្បា​យ ដែល​មាន​បំណង​ទៅ​ទស្សនា​កម្ពុជា ដើម្បី​ស្វែង​យល់​ពី​សម្បត្តិ​វប្បធម៌ អរិយធម៌ និង​ធនធានធម្មជាតិ​ដ៏​សម្បូរ​បែប ដែល​នៅ​មាន​ឋិតថេរ​ពី​បុរាណ​រហូត​មក​ដល់​បច្ចុប្បន្ន ផង​ដែរ​ ។

Picture

ពិព័រណ៍​ពិភពលោក ​២០២០ ឌុ​យ​បៃ គឺជា​ព្រឹត្តិការណ៍​កម្រិត​ពិភពលោក​លើក​ដំបូង ដែល​រៀបចំ​ឡើង​នៅ​តំបន់​ម​ជ្ឈឹ​ម​បូព៌ា​មាន​រយៈពេល ០៦ ​ខែ​ ។ ពី​ព័រ​ណ៍​នេះ​បាន​បើក​កាលពី​ថ្ងៃ​ទី​ ០១ ខែតុលា ឆ្នាំ​ ២០២១​ នឹង​បញ្ចប់​នៅថ្ងៃ​ទី ​៣១ ខែមីនា ឆ្នាំ ​២០២២ ខាង​មុខ​ ។ នៅ​ក្នុង​ការ​ចូលរួម​ពិព័រណ៍​ពិភពលោក​នេះ​កម្ពុជា​សាងសង់​ពន្លា​មួ​យ​ដើម្បី​បង្ហា​ញី​វប្បធម៌​ និង​សមិទ្ធផល​របស់​ខ្លួន​ឱ្យអន្តរជាតិ​បានឃើញ​ថា ព្រះរាជាណាចក្រ​កម្ពុជា គឺជា​ដែនដី​សុវណ្ណ​ភូមិ​ដ៏​ចំណាស់​មួយ​នៅ​ក្នុង​តំបន់​ឤ​ស៊ី​ឤ​គ្នេ​យ៍ និង​ធ្លាប់​មានកេរ្តិ៍ឈ្មោះ​ល្បីល្បាញ​ជា​ប្រវត្តិសាស្ត្រ​តាំងពី​បុរាណ​រហូត​មក​ដល់​បច្ចុប្បន្ន​ ។ ចាប់តាំងពី​ពេល​បើក​ដំណើរការ​ពិព័រណ៍​មក​ពន្លា​ជាតិ​កម្ពុជា​បាន​ទទួលភ្ញៀវ​ចូល​ទស្សនា​ចំនួន ១៧៤, ០១៨ នាក់​ ។

Picture

កាលពី​ថ្ងៃ​ទី ​២៤ ខែមករា ឆ្នាំ ​២០២២ លោក ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម បាន​ដឹកនាំ​គណៈប្រតិភូ​កម្ពុជា អញ្ជើញ​ចូលរួម​អបអរសាទរ​ពិធី​ប្រារព្ធ «​ទិវា​ជាតិ​កម្ពុជា​» នៅ​ក្នុង​ពិព័រណ៍​ពិភពលោក ២០២០ នៅ​ទីក្រុង​ឌុ​យ​បៃ សហភាព​អា​រ៉ាប់​រួម​នោះ ដោយ​មានការ​អញ្ជើញ​ចូលរួម​ពី​លោក ថា​នី ប៊ី​ន អា​ម៉េ​ដ អាល់ ហ្ស៊េ​រ​យូ​ឌី រដ្ឋមន្ត្រីក្រសួង​ពាណិជ្ជកម្ម​អន្តរជាតិ នៃ​សហភាព​អា​រ៉ាប់​រួម និង​មន្ត្រីជាន់ខ្ពស់​នៃ​រាជរដ្ឋាភិបាល​កម្ពុជា​-​សហភាព​អា​រ៉ាប់​រួម ភ្ញៀវ​ជាតិ អន្តរជាតិ តំណាង​ឱ្យ​ប្រទេស​នានា ព្រមទាំង​អង្គការ​អន្តរជាតិ​ធំ​ៗ ជាង ៥០ បន្ថែម​ទៀត​ ។

Picture

ក្រៅពី​ការ​សម្តែង​សិល្បៈ​បង្ហាញ​វប្បធម៌​ខ្មែរ កម្មវិធី​បង្ហាញ​មុខម្ហូប​ខ្មែរ​ចំនួន ០២ មុខ គឺ​អា​ម៉ុ​ក​ត្រី និង​គុយទាវ​ភ្នំពេញ​ដោយ​ចុងភៅ​កម្ពុជា​មក​ពី​វិទ្យាស្ថាន​ម្ហូបអាហារ​កម្ពុជា វេទិកា​នេះ​បាន​ជំរុញ​ការ​វិនិយោគ និង​ទេសចរណ៍​កម្ពុជា​ផង​ដែរ​ ៕