ខេត្តព្រៃវែង ៖ ដោយសារតែប្រញាប់ចូលរួមមង្គលការមិត្តភក្តិនៅស្រុករំដួល ខេត្តស្វាយរៀង យុវជនម្នាក់បានបើករថយន្តក្នុងល្បឿនលឿនខ្លាំងក៏ជ្រុលចង្កូតទៅបុ.ក.គូទរថយន្តមួយគ្រឿងផ្សេងទៀតដែលបើកនៅខាងមុខ ក្នុងទិសស្របគ្នា បណ្តាលអោយរថយន្តទាំង២ដាច់កង់ខូចខាតធ្ងន់ដូចគ្នា ។ ហេតុការណ៍នេះ បានកើតឡើងកាលពីវេលាម៉ោង8យប់…
ខេត្តព្រៃវែង ៖ ដោយសារតែប្រញាប់ចូលរួមមង្គលការមិត្តភក្តិនៅស្រុករំដួល ខេត្តស្វាយរៀង យុវជនម្នាក់បានបើករថយន្តក្នុងល្បឿនលឿនខ្លាំងក៏ជ្រុលចង្កូតទៅបុ.ក.គូទរថយន្តមួយគ្រឿងផ្សេងទៀតដែលបើកនៅខាងមុខ ក្នុងទិសស្របគ្នា បណ្តាលអោយរថយន្តទាំង២ដាច់កង់ខូចខាតធ្ងន់ដូចគ្នា ។ ហេតុការណ៍នេះ បានកើតឡើងកាលពីវេលាម៉ោង8យប់ ថ្ងៃទី24មករា នៅចំណុចលើស្ពានអ្នកលឿង ស្ថិតក្នុងភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល។
សមត្ថកិច្ចបានឱ្យដឹងថា គ្រោះថ្នាក់ចរាចរណ៍នេះ បង្កឡើងដោយរថយន្តហាយឡែនឌ័រមួយគ្រឿង ពណ៌.ស ពាក់ស្លាកលេខ 2AP-6070 ធ្វើដំណើរក្នុងទិសដៅពីលិចទៅកើត ក្នុងល្បឿនលឿនខ្លាំង ។ ពេលមកដល់លើស្ពានត្រង់ចំណុចកើតហេតុ រថយន្តបានព្យាយាមវ៉ាជែង តែវ៉ាក់អើនឹងរថយន្តគ្រឿងទៀតដែលបើកមកបញ្ច្រាសគ្នា ទើបព្យាយាមបួងចង្កូតចូលវិញ ក៏ជ្រុលទៅបុកគូទរថយន្តកូរ៉ូឡា ដែលបើកនៅខាងមុខពេញទំហឹង បណ្តាលអោយរថយន្តកូរ៉ូឡា ប៉ើងខ្ទាតទៅបុកខឿនថ្មចិញ្ចើមថ្នល់ដាច់កង់ក្រោយផ្នែកខាងឆ្វេង រួចបន្តទៅបុកខ្ទប់ដែកបង្កាន់ដៃស្ពានទៀត ទើបទៅមុខលែងរួច ចំណែករថយន្តហាយឡែនឌ័រ បានជ្រុលទៅបុ.ក.ខ្ទប់ខឿនថ្មនៅខាងឆ្វេងដៃ ដាច់កង់មុខមួយចំហៀង ទើបទៅមុខលែងរួច។
សមត្ថកិច្ចដដែលនេះបានបញ្ជាក់ថា ខាងរថយន្តកូរ៉ូឡាជិះគ្នា2នាក់ ប៉ុន្តែពុំមានអ្នកណាម្នាក់រងរបួសទេ ។ ដោយឡែក ខាងរថយន្តបង្កជិះគ្នា២នាក់ដែរ អ្នករួមដំណើរមិនមានរបួសទេ ឯអ្នកបើកបររបួសស្រាល ហើយក្រោយកើតហេតុ ភាគីទាំង២នធ្វើការសម្រួលគ្នា ដោយខាងរថយន្តបង្ក ព្រមសងការខូចខាតទាំងអស់។
ដោយឡែក ខាងម្ចាស់រថយន្តកូរ៉ូឡាបានអោយដឹងថា ពួកគេធ្វើដំណើរគោលដៅទៅក្រុងបាវិត ចំណែកខាងរថយន្តហាយ
ឡែនឌ័រពួកគេនាំគ្នាទៅចូលរួមមង្គលការមិត្តភក្តិ នៅស្រុករំដួល ខេត្តស្វាយរៀង តែដោយប្រញាប់ពេក ក៏បើកលឿនខ្លាំង រហូតជ្រុលកើតជាគ្រោះថ្នាក់បែបនេះទៅ។
ចែករំលែកព័តមាននេះ