នាយកអង្គការសុខភាពពិភពលោក WHO ប្រចាំទ្វីបអឺរ៉ុប បានវាយតម្លៃកាលពីថ្ងៃទី២៣ ខែមករា ឆ្នាំ២០២២ ថា អូមីក្រុង ដែលអាចឆ្លងដល់ពលរដ្ឋអឺរ៉ុបដល់ទៅ៦៦% រហូតដល់ខែមីនា ឆ្នាំ២០២២ នឹងនាំទៅដល់ដំណាក់កាល ដែលការឆ្លង
កូវីដ-១៩ ៖ នាយកអង្គការសុខភាពពិភពលោក WHO ប្រចាំទ្វីបអឺរ៉ុប បានវាយតម្លៃកាលពីថ្ងៃទី២៣ ខែមករា ឆ្នាំ២០២២ ថា អូមីក្រុង ដែលអាចឆ្លងដល់ពលរដ្ឋអឺរ៉ុបដល់ទៅ៦៦% រហូតដល់ខែមីនា ឆ្នាំ២០២២ នឹងនាំទៅដល់ដំណាក់កាល ដែលការឆ្លងកូវីដ-១៩ ក្នុងតំបន់នេះខិតទៅរកការបញ្ចប់។
នាយករូបនោះលោក HANS KLUGE បានគូសបញ្ជាក់ប្រាប់ AFP ថា វាជារឿងគួរឲ្យទុកចិត្តដែលតំបន់អឹរ៉ុប ខិតទៅរកការបញ្ចប់នៃការឆ្លង តែលោកអំពាវនាវឲ្យមានការប្រុងប្រយ័ត្នចំពោះការផ្លាស់ប្ដូរនៃវីរុស។ លោកបន្តថា ពេលណារលកនៃការឆ្លងអូមីក្រុងនឹងស្ងប់ស្ងាត់ ក្នុងពេលប៉ុន្មានសប្ដាហ៍ និងប៉ុន្មានខែទៀត នោះយើងនឹងមានភាពស៊ាំជាសកល ទាំងដោយសារវ៉ាក់សាំង ទាំងមនុស្សម្នា ទទួលបានភាពស៊ាំមកពីការឆ្លងរួច ព្រមទាំងដោយសារការចុះថយនៃការឆ្លងមកពីរដូវកាលផងដែរ។ ទោះបីយ៉ាងណាយើងនៅមិនទាន់ឈានដល់ដំណាក់កាល នៃការឈប់ឆ្លងនៅឡើយទេ។ ការឈប់ឆ្លងមានន័យថា គេអាចវាយតម្លៃលើអ្វីដែលនឹងកើតមាន ដោយវីរុសលែងមានឆ្លងតទៅទៀត។ ដូច្នេះយើងត្រូវមានការប្រុងប្រយ័ត្នខ្ពស់បំផុត។
ក្នុងតំបន់អឹរ៉ុប ដែលមានប្រទេស៥៣ ក្នុងនោះមួយចំនួនស្ថិតនៅអាស៊ីកណ្ដាលផងដែរ អូមីក្រុង តំណាងឲ្យគិតដល់ថ្ងៃទី១៨ ខែមករា ១៥%នៃអ្នកឆ្លងកូវីដថ្មី គឺជាងពាក់កណ្ដាលលើសកាលពីសប្ដាហ៍មុន។ នៅសហភាពអឹរ៉ុប អូមីក្រុងឆ្លងខ្លាំងលឿនជាងដែលតា ដោយពេលនេះក្លាយជាគ្របដណ្ដប់លើគេ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ