ស្ថានភាពកីឡាការិនី២រូបកាន់តែប្រសើរ ក្រោយសម្រាកព្យាបាល
- ភ្នំពេញ
រាជធានីភ្នំពេញ ៖ មកទល់ពេលនេះ ស្ថានភាពសុខភាពកីឡាការិនីបាល់ទាត់២រូប កាន់តែល្អប្រសើរហើយ បន្ទាប់ពីមានការ
រាជធានីភ្នំពេញ ៖ មកទល់ពេលនេះ ស្ថានភាពសុខភាពកីឡាការិនីបាល់ទាត់២រូប កាន់តែល្អប្រសើរហើយ បន្ទាប់ពីមានការព្យាបាលយ៉ាងយកចិត្តទុកដាក់ ក្រោយពីមានការប៉ះទង្គិចគ្នា បណ្ដាលអោយមានរបួស ក្នុងអំឡុងពេលប្រកួតជម្រើសជើងឯកបាល់ទាត់នារី ឆ្នាំ២០២១ សប្តាហ៍ទី៦ កាលពីថ្ងៃទី២៣ ខែមករា ឆ្នាំ២០២២ កន្លងទៅ។ កីឡាការិនីទាំងពីរក៏ត្រូវបានគេប្រកាសថា គឺទទួលបាននូវបទពិសោធន៍មួយដែលចាំបាច់ត្រូវតែប្រយ័ត្នប្រយែង នៅក្នុងពេលប្រកួត ដែលនឹងមានជាបន្តបន្ទាប់ផងដែរ។ នេះបើយោងតាមការអះអាងនៅលើផេកផ្លូវការរបស់សហព័ន្ធកីឡាបាល់ទាត់មុននេះ។
ផ្អែកតាមបង្ហោះ គឺកីឡាការិនី២រូបបានរងរបួសធ្ងន់ភ្លាមៗ នៅក្នងពេលនោះ ដោយសារតែកម្រិតនៃការប៉ះទង្គិចគ្នានៅក្នុងពេលនោះ មានសភាពធ្ងន់។
កីឡាការិនីដែលរងរបួសទាំង២រូបខាងលើ គឺកីឡាការិនីពាក់ស្លាកលេខ៧ កញ្ញា ថុង ពិសី មកពីក្លិបណាហ្គាវើលកំពង់ស្ពឺ។ ក្រោយប៉ះទង្គិចគ្នាហើយ នាងមានរបួសធ្ងន់គួរសម នៅថ្ងាស បណ្ដាលអោយបែក និង ហូរឈាម ហើយត្រូវបានបញ្ជូនទៅមន្ទីរពេទ្យបង្អែកខេត្តភ្លាមៗ ដើម្បីសង្គ្រោះ និង កុំអោយប៉ះពាល់ខ្លាំង។ កីឡាការិនីលេខ៧រូបនេះ ត្រូវបានដេររបួសអស់៤ថ្នេរ ហើយខាងមន្ទីពេទ្យក៏បានបញ្ជាក់ដែរថាមិនមានអាការធ្ងន់ធ្ងរនោះទេ នៅពេលនាងត្រូវបានដាក់អស់សេរ៉ូមអស់ភ្លាមៗ នាងត្រូវបានគ្រូពេទ្យអនុញ្ញាតអោយត្រឡប់ទៅផ្ទះវិញ ។
ចំណែកកីឡាការិនីពាក់ស្លាកលេខ១ គឺអ្នកចាំទីក្នុងក្រុមខេត្តបាត់ដំបង។ នាងបានបាត់ស្មារតីមួយភ្លែត បន្ទាប់ពីបានប៉ះគ្នាជាមួយកីឡាការិនីព្រះខ័នរាជស្វាយរៀងនៅចុងតង់ទី២ តែក្រោយបានបញ្ជូនទៅមន្ទីពេទ្យ កីឡាការិនីបានធូរស្បើយធម្មតា និងបានចេញពីពេទ្យត្រឡប់ទៅកន្លែងស្នាក់នៅវិញដូចគ្នា។ យ៉ាងណាមិញ កីឡារិនីទាំងពីរនៅតែត្រូវបានតម្រូវអោយថែទាំសុខភាពជាបន្ថែម ដោយសារតែការប៉ះទង្គិចនៅក្នុងពេលនោះ គឺមានសភាពធ្ងន់ ខណៈដែលភាគីម្ខាងទៀត ដែលធ្វើអោយពួកនាងត្រូវបញ្ជូនចូលពេទ្យ គឺសុទ្ធតែមិនអី ៕
ចែករំលែកព័តមាននេះ