ADផ្ទាំងផ្សព្វផ្សាយពាណិជ្ជកម្ម

Picture

ម្ចាស់ត្រាក់ទ័រកាន់ដុំភ្លើងទៅជួសជុល ​លុះមកវិញ​ឃើញត្រាក់ទ័រខ្លួនខ្ទេចដោយសារម្ចាស់ចម្ការ​

3 ខែ មុន
  • មណ្ឌលគិរី

ខេត្តមណ្ឌលគិរី ៖ ​ម្ចាស់ចម្ការ​​ម្នាក់​ដុត​ព្រៃ​​ក្នុង​ដី​ចំការ​របស់​ខ្លួន​មិន​ប្រយ័ត្ន បណ្តាល​ឲ្យ​​ភ្លើង​ឆេះ​រាល​ដោយ​ទាំង​ត្រាក់ទ័រ​ដែល​​

ខេត្តមណ្ឌលគិរី ៖ ​ម្ចាស់ចម្ការ​​ម្នាក់​ដុត​ព្រៃ​​ក្នុង​ដី​ចំការ​របស់​ខ្លួន​មិន​ប្រយ័ត្ន បណ្តាល​ឲ្យ​​ភ្លើង​ឆេះ​រាល​ដោយ​ទាំង​ត្រាក់ទ័រ​ដែល​​ជួលមកឈូសឆាយដី​​​ក្នុងចំការ​នោះ​រងការខូចខាតអស់ទាំង​ស្រុង តែមិនបណ្តាល​ឱ្យមនុស្សណាម្នាក់រងគ្រោះថ្នាក់នោះទេ ។

ហេតុ​ការណ៍​ខាងលើ​នេះ​​បាន​កើតឡើង​នៅ​ព្រឹក​ថ្ងៃ​ទី​២៣ ខែមករា ឆ្នាំ​២០២២ នៅ​​ចំណុច​ដីចម្ការ​មួយកន្លែង ស្ថិតក្នុង​ឃុំ​ស្រែ​ឈូក ស្រុក​កែវ​សីមា ខេត្តមណ្ឌលគិរី​។

សមត្ថកិច្ច​​បាន​ឱ្យ​ដឹង​ថា កម្លាំង​ប៉ុស្តិ៍​នគរបាល​រដ្ឋបាល​ស្រែ​ឈូក​បាន​ទទួល​ពាក្យបណ្ដឹង​ពី​ឈ្មោះ ភិន ទី​ន ភេទ​ប្រុស អាយុ​៣៨​ឆ្នាំ មុខរបរ​កសិករ មក​ស្នាក់​នៅ​បណ្ដោះអាសន្ន​ក្នុង​ភូមិ​រណែង ឃុំ​ស្រែ​ឈូក ស្រុក​កែវ​សីមា ខេត្ត​មណ្ឌលគិរី ​បាន​ប្តឹង​ម្ចាស់​ចំការ​​​ពាក់ព័ន្ធ​ករណី​ដុត​​ព្រៃ បណ្តាល​ឱ្យ​​ឆេះ​ត្រាក់ទ័រ​ភ្ជួរ​ដី​ចំនួន១គ្រឿង​។

​​តាម​ប្រភព​ដដែលបានបន្ត​ថា ​មុនពេលកើតហេតុ ​ម្ចាស់​ចំការ​ឈ្មោះ រិ​ទ្ធ ទិ​ត្យ ភេទ​ស្រី អាយុ​២៥​ឆ្នាំ ជនជាតិ​ព្នង មុខរបរ​កសិករ មាន​ទីលំនៅ​ភូមិ​ព្រះ ឃុំ​ស្រែ​ឈូក ស្រុក​កែវ​សីមា ខេត្ត​មណ្ឌលគិរី ​បាន​ជួល​ម្ចាស់​គ្រឿងចក្រ​ឈ្មោះ ភី​ន ទី​ន ឲ្យ​ទៅ​ឈូ​​ស​ឆាយដី​ចំការ​ ​និង​ភ្ជួរ ដើម្បី​ដាំដំឡូង​មី កាលពី​ថ្ងៃ​ទី​១៨ ខែ​មក​រា ឆ្នាំ​២០២២​ ។ ​ខណៈ​ឈូស​ឆាយដី​ជិត​ហើយ ស្រាប់តែ​ត្រាក់ទ័រ​ក៏​ខូច (​ឆេះដុំ​ភ្លើង​) ពេលនោះ​ម្ចាស់​ត្រាក់ទ័រ​ក៏​បាន​ដោះ​យក​ដុំភ្លើង​ទៅ​ជួស​ជុល មិន​ទាន់​រួចរាល់​​ផង ស្រាប់តែ​ម្ចាស់​ចំការ​ទៅ​ដុត​គំនរ​ព្រៃ​ និង​ស្មៅ ដែល​ត្រាក់ទ័រ​បាន​ឈូស​ឆាយ​ប្រមូល​នៅ​ជិត​ត្រាក់ទ័រ​ដែល​ខូចនោះ​ ហើយ​មិន​បាន​នៅ​មើល​ភ្លើង​ដែល​ខ្លួន​បាន​ដុត​នោះ​ទេ​។

​តាម​​​ប្រភព​ដដែល​បាន​បន្តទៀត​ថា លុះ​មក​ដល់​វេលា​ម៉ោង​២និង​៣០​នាទី​នា​ថ្ងៃ​ទី​២២ ខែ​មក​រា ឆ្នាំ ២០២២ ម្ចាស់​ត្រាក់ទ័របាន​ទៅ​មើលត្រាក់ទ័រ​នោះ​ ក៏​បានឃើញ​មាន​ភ្លើង​ឆេះ​ត្រាក់ទ័រ​របស់​ខ្លួន​ខ្ទេច​អស់​បាត់​ទៅ​ហើយ ។​ ក្រោយមក​កម្លាំង​ប៉ុស្តិ៍​នគរបាល​រដ្ឋបាល​ស្រែ​ឈូក​បាន​ចុះ​ទៅ​ដល់​កន្លែង​កើតហេតុ បានឃើញ​មាន​ភ្លើង​ឆេះ​ត្រាក់ទ័រ​ និង​ខូចខាត​អស់​ពិតប្រាកដ​មែន​។

ម្ចាស់​ត្រាក់ទ័រ​បាន​សំណូម​ឱ្យ​ម្ចាស់​ចំការ​ចេញ​សង​ថ្លៃ​ត្រាក់​ទ​រ័​ចំនួន​១៣​.០០០​ដុល្លារ​ (​មួយ​ម៉ឺន​បី​ពាន់​ដុល្លារ​) ​តែបើ​គ្មាន​លុយ​សង​ទេ អាច​​សង​ជា​ដីចំការ​ក៏​បាន​ដែរ​។

ទាក់នឹង​ករណី​ខាងលើ​នេះ​ គិត​ត្រឹម​វេលា​ម៉ោង​១​និង​៣០​នាទី​រសៀល​ថ្ងៃ​ទី​២៣ មក​រា ២០២២ សមត្ថកិច្ច​បញ្ជាក់​ថា កំពុង​កោះហៅ​ភាគី​ទាំង​សងខាង​រក​ដំណោះស្រាយ តែ​មិន​ទាន់​មាន​ល​ទ្ឋ​ផលបែបណានៅឡើយ​​ទេ​ ៕

Picture
Picture
Picture
Picture
Picture