សហរដ្ឋអាមេរិក ៖ ប៉ូលិសរដ្ឋម៉ារីឡែនអាមេរិក ទើបរកឃើញសត្វពស់ចំនួន១២៤ក្បាល ក្នុងផ្ទះមួយនៅរដ្ឋនេះ ដោយក្នុងចំណោមសត្វពស់ទាំងនេះ មួយចំនួនជាពស់ពិសមានគ្រោះថ្នាក់ខ្លាំងបំផុត ដូចជា ៖ ពស់ខ្មៅ ពស់កូប្រា និងពស់កណ្ដឹងជាដើម។
ប៉ូលិសអាមេរិក កាលពីថ្ងៃទី១៩ ខែមករា កន្លងទៅ បានប្រឈមមុខនឹងឆាកឧក្រិដ្ឋពិសេសបំផុតមួយ នៅក្នុងផ្ទះមួយនៃរដ្ឋម៉ារីឡែន។ បុរសម្នាក់អាយុ៤៩ឆ្នាំ ត្រូវបានរកឃើញស្លា.ប់់នៅកណ្ដាលហ្វូងពស់របស់គេដល់ទៅ១២៤ក្បាល។ នេះជាសេចក្ដីរាយការណ៍កាលពីថ្ងៃទី២២ ខែមករា របស់ទូរទស្សន៍ NBC WASHINGTON។ ក្នុងចំណោមពស់ទាំងនេះ មានបណ្ដាពស់មានពិសខ្លាំងបំផុត និងគ្រោះថ្នាក់ ដែលការចិញ្ចឹមចាត់ទុកថាខុសច្បាប់ ព្រោះហាមដាច់ខាតមិនឲ្យមានក្នុងផ្ទុះបុគ្គល។
ហើយគ្រានោះ គឺអ្នកជិតខាងម្នាក់ដែលមានក្ដីបារម្ភ ព្រោះបាត់មិនឃើញបុរសរងគ្រោះខាងលើនេះ ដែលមានឈ្មោះថា RAPHAET DRIVE ចាប់តាំងពីជាច្រើនថ្ងៃមកហើយ រាយការណ៍ប្រាប់ដល់អាជ្ញាធរ។ ពេលចូលក្នុងផ្ទះបុរសនេះ ប៉ូលិសមិននឹកស្មានថា បានជួបប្រទះទីតាំងដែលមានការច្នៃដូចជា ព្រៃមួយឡើយ។ ជាពិសេសក៏សូម្បីបណ្ដាអ្នកជិតខាង ក៏គ្មាននរណាម្នាក់បានឃើញសភាពក្នុងផ្ទះរបស់បុរសនេះដែរ ហើយក៏មិនដឹងថា តើមានអ្វីកើតមានក្នុងផ្ទះនេះដែរ?។
លោក JENNIFER HARRIS អ្នកនាំពាក្យប៉ូលិសមូលដ្ឋានថ្លែងប្រាប់ទូរទស្សន៍ថា អ្នកទទួលខុសត្រូវរបស់យើង ខាងផ្នែកត្រួតពិនិត្យបណ្ដាសត្វនិយាយថា មិនដែលប្រទះរឿងបែបនេះទាល់តែសោះ តាំងពីចូលបម្រើការជាប៉ូលិស៣០ឆ្នាំមកហើយ។
ទោះបីយ៉ាងណា ប៉ូលិសបានពិនិត្យឃើញថា សត្វពស់ទាំងឡាយស្ថិតនៅក្នុងទ្រុង និងក្នុងអាងនៅផ្ទះបុរសនេះ។ ការធើ្វកោសល្យវិច្ឆ័យមួយ ត្រូវអនុវត្ត ដើម្បីកំណត់មូលហេតុពិតប្រាកដនៃការស្លា.ប់របស់គេ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ