បន្ទាយមានជ័យ ៖ ទោះបីមានការអប់រំណែនាំពីសមត្ថកិច្ចអំពីកលល្បិចរបស់ជនឆបោក (មេខ្សល់)ជាច្រើនលើកច្រើនសាក៏ដោយក៏នៅតែមានពលករមួយចំនួននៅតែចាញ់បោកមេខ្យល់នាំលួចឆ្លងដែនខុសច្បាប់រកការងារធ្វើនៅប្រទេសជិតខាងជារឿយ ។ នេះបើយោងតាមអគ្គស្នងការដ្ឋាននគរបាលជាតិ បានផ្សាយនាថ្ងៃទី២២ ខែមករានេះ ។ ជាក់ស្ដែងនៅយប់ថ្ងៃទី២១…
បន្ទាយមានជ័យ ៖ ទោះបីមានការអប់រំណែនាំពីសមត្ថកិច្ចអំពីកលល្បិចរបស់ជនឆបោក (មេខ្សល់)ជាច្រើនលើកច្រើនសាក៏ដោយក៏នៅតែមានពលករមួយចំនួននៅតែចាញ់បោកមេខ្យល់នាំលួចឆ្លងដែនខុសច្បាប់រកការងារធ្វើនៅប្រទេសជិតខាងជារឿយ ។ នេះបើយោងតាមអគ្គស្នងការដ្ឋាននគរបាលជាតិ បានផ្សាយនាថ្ងៃទី២២ ខែមករានេះ ។
ជាក់ស្ដែងនៅយប់ថ្ងៃទី២១ ខែមករា ឆ្នាំ២០២២ ត្រង់ចំណុច ភូមិឈើទាល ឃុំអូរស្រឡៅ ស្រុកម៉ាឡៃ កម្លាំងវរសេនាតូចនគរបាលព្រំដែនគោកលេខ៨១៥ បានសហការជាមួយអន្តរាគមន៍វរសេនាតូចថ្មើរជើងលេខ៥១៣ នៃកងពលតូចថ្មើរជើងលេខ៥១ ធ្វើការឃាត់ខ្លួនពលរដ្ឋខ្មែរ ប្រុសស្រី ចំនួន២១នាក់ ក្នុងនោះកុមារ០១នាក់ បម្រុងលួចឆ្លងដែនទៅប្រទេសថៃ ចំនួន០២ករណី ដោយឡែកពីគ្នា ក្នុងភូមិសាស្ត្រ ស្រុកម៉ាឡៃ ។
លោកវរសេនីយ៍ឯក សួង សៅ មេបញ្ជាការវរសេនាតូចនគរបាលការពារព្រំដែនគោកលេខ៨១៥ បានឲ្យដឹងថា ដោយមានបទបញ្ជាយ៉ាងតឹងរ៉ឹងពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ឲ្យកងកម្លាំងនគរបាលវរសេនាតូចការពារព្រំដែន ត្រូវសហការជាមួយកម្លាំងសមត្ថកិច្ចឈរជើងតាមបន្ទាត់ព្រំដែន ក្នុងការរឹតបន្តឹងសន្តិសុខនិងទប់ស្កាត់ពលករលួចឆ្លងដែន ដើម្បីទប់ស្កកាត់ការឆ្លងរាលដាលនៃជំងឺកូវីដ-១៩ ពិសេសមេរោគបំប្លែងថ្មីអូមីក្រុង កុំឲ្យមានការឆ្លងរាលដាលក្នុងសហគមន៍ និងត្រូវធ្វើការស្រាវជ្រាវស៊ើបអង្កេតរកមុខសញ្ញាមេខ្យល់ ដើម្បីចាប់ខ្លួនបញ្ជូនតុលាការចាត់ការតាមផ្លូវច្បាប់ ។
លោកមេបញ្ជាការបានបញ្ជាក់ថា នៅថ្ងៃទី២១ ខែ មករា ឆ្នាំ២០២២ វេលាម៉ោង១៩និង១៥នាទី កម្លាំងប៉ុស្តិ៍ស្វាយព្រៃ សហការជាមួយកម្លាំងយោធាកងពល៥១ បានទប់ស្កាត់ប្រជាពលរដ្ឋចំនួន ១៦នាក់ បម្រុងលួចឆ្លងដែនខុសច្បាប់ទៅប្រទេសថៃ តាមភូមិសាស្ត្រ ប៉ុស្តិ៍ស្វាយព្រៃ ពួកគាត់មកពីខេត្ដចំនួន ០២គឺ៖ខេត្តសៀមរាបចំនួន ១៤នាក់និងបាត់ដំបង០២នាក់ ។ នៅយប់ថ្ងៃដដែល វេលាម៉ោង ១១និង៤៥នាទី កម្លាំងប៉ុស្តិ៍ក្បាលទំនប់ចំនួន ០៥នាក់សហការជាមួយយោធាកងពល៥១ និងកម្លាំងផ្នែកសឹករងស្រុកម៉ាឡៃ បានទប់ស្កាត់ប្រជាពលរដ្ឋចំនួន ០៥នាក់ (ស្រី០២នាក់់) ស្ថិតក្នុងភូមិបន្ទាយទី២ ឃុំអូរសំព័រ ស្រុកម៉ាឡៃ ខេត្តបន្ទាយមានជ័យ ពួកគាត់ទាំង០៥នាក់មានទីលំនៅក្នុងខេត្តបន្ទាយមានជ័យ ។
ពលរដ្ឋដែលឃាត់ខ្លួនទាំង០២ករណីសរុបចំនួន២១នាក់ ក្នុងនោះកុមារ០១នាក់ បានបញ្ជូនទៅអធិការដ្ឋាននគរបាលស្រុកម៉ាឡៃ ដើម្បីសួរនាំ និងមានវិធានការបន្ត ៕
ចែករំលែកព័តមាននេះ