ADផ្ទាំងផ្សព្វផ្សាយពាណិជ្ជកម្ម

Picture

មន្ត្រី​ជំនាញ បន្ត​ចាប់​បាន​បង្គាចាក់សារធាតុ​ CMC ជាង​១​តោនទៀត នាំ​ចូល​ពី​វៀតណាមតាម​ច្រកព្រំដែន​ខេត្តកំពត

3 ខែ មុន

ខេត្តកំពត ៖ នា​យប់​រំលង​អា​ធ្រា​ត​ថ្ងៃ​ទី​២១ ខែមករា ឆ្នាំ​២០២២ មន្ត្រី​ការពារ​អ្នក​ប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ (​ក​.​ប​.​ប​.) ប្រចាំ​ខេត្តកំពត…

ខេត្តកំពត ៖ នា​យប់​រំលង​អា​ធ្រា​ត​ថ្ងៃ​ទី​២១ ខែមករា ឆ្នាំ​២០២២ មន្ត្រី​ការពារ​អ្នក​ប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ (​ក​.​ប​.​ប​.) ប្រចាំ​ខេត្តកំពត បាន​បន្ត​សហការ​ជាមួយ​សមត្ថកិច្ច​ពាក់ព័ន្ធ ស្រាវជ្រាវ និង​ស្ទាក់​ចាប់​រថយន្ត​កូរ៉េ​មួយ​គ្រឿង ដឹក​គ្រឿង​សមុទ្រ ដែល​ចូល​មក​តាម​ច្រកព្រំដែន មក​កាន់​ខេត្តកំពត លទ្ធផល​គឺ​មន្ត្រី​ជំនាញ​រក​ឃើញ បង្គា​ចំនួន ១​តោន និង​៤៨៤​គីឡូក្រាម ដែល​មាន​សារធាតុ CMC (​ចា​ហ៊ួ​យ​) គីមី​ហាមឃាត់ ។

មន្ត្រី​ជំនាញ​បាន​ធ្វើការ​ដកហូត​មក​កម្ទេច​ចោល​ភ្លាម​ៗ និង​ម្ចាស់​ទំនិញ​ត្រូវ​រង​ពិន័យ ពី​មន្ត្រី​ជំនាញ​ផង​ដែរ ។

ជាមួយ​គ្នា​នេះ មន្ត្រី​ស៊ើបអង្កេត​សាខា​(​ក​.​ប​.​ប​.)​ខេត្តកំពត បន្តការងារ​ត្រួតពិនិត្យ​គ្រឿង​សមុទ្រ​នាំ​ចូល​តាម​ទិស​ដៅ​ក្នុង​ខេត្តកំពត កាលពី​ថ្ងៃ​ទី​២០ ខែមករា ឆ្នាំ​២០២២ ដោយ​មានការ​សម្របសម្រួល​ពី​លោក ឈា​រី ម៉ា​រូ ព្រះរាជអាជ្ញា​រង នៃ​សាលាដំបូង​ខេត្តកំពត មន្ត្រី ក​.​ប​.​ប​. ប្រចាំ​ខេត្តកំពត សហការ​ជាមួយ​អាជ្ញាធរ​ដែនដី បាន​ធ្វើការ​ត្រួតពិនិត្យ​រថយន្ត​ដឹក​គ្រឿង​សមុទ្រ​ចំនួន​០៣ ផ្ទុក​បង្គា​ស្រស់ បង្គា​ក្រៀម និង​មឹក​ក្រៀម ដែល​សមត្ថកិច្ច​យើង​ស្ទាក់​ចាប់ និង​ឃាត់​ទុក​នៅ​មុខ​ការិយាល័យ​កសិកម្ម​ស្រុក​កំពង់ត្រាច និង​អធិការដ្ឋាន​ស្រុក​ឈូក ។

តាម​រយៈ​លទ្ធផល នៃ​ការ​ត្រួតពិនិត្យ មន្ត្រី​ជំនាញ ចាប់​បាន​បង្គា​ស្រស់ ចំនួន​២​កេស​បន្ថែម​ទៀត ស្មើនឹង ២០​គីឡូក្រាម មាន​ចាក់​សារធាតុ​ចាហួយ​នៅ​ក្នុង​ក្បាល​បង្គា ។

គួរ​បញ្ជាក់​ផង​ដែរ​ថា កាលពី​ថ្ងៃ​ទី​១៧ ដល់​ថ្ងៃ​ទី​១៩ ខែមករា ឆ្នាំ​២០២២ មន្ត្រី​ជំនាញ ក​.​ប​.​ប​. ប្រចាំ​ខេត្តកំពត បាន​ចូលរួម​សហការ​ជាមួយ​ស្ថាប័ន មាន​សមត្ថកិច្ច​ធ្វើការ​ស្រាវជ្រាវ​រហូត​រក​ឃើញ និង​ស្ទាក់​ចាប់​បាន​រថយន្ត​ដឹក​គ្រឿង​សមុទ្រ​ចំនួន ៥​គ្រឿង ស្ថិត​នៅ​មាត់ច្រក​ព្រែក​ចាក នៃ​ខេត្តកំពត ក្នុង​នោះ​ផង​ដែរ​រថយន្ត ២​គ្រឿង​ចាប់​បាន​ក្នុង​ថ្ងៃ​ទី​១៧ និង​៣​គ្រឿង​ទៀត បន្ត​រក​ឃើញ និង​ចាប់​បាន​ក្នុង​ថ្ងៃ​ទី​១៩ ។

យោង​តាម​លទ្ធផល​ជាក់ស្ដែង​រថយន្ត​ទាំង ៥​គ្រឿង​ខាងលើ ត្រូវ​បាន​មន្ត្រី​ជំនាញ​រក​ឃើញ​ថា បង្គា​ចំនួន ៦,២៦៨​គីឡូក្រាម មាន​សារធាតុ​គីមី​ដោយ​ចាក់​បញ្ចូល​គីមី ទៅ​ក្នុង​ក្បាល​បង្គា ដែល​ធ្វើ​ឱ្យ​ប៉ះពាល់​ដល់​សុខភាព​អ្នក​បរិភោគ ក៏​ដូច​ជា​អ្នក​ប្រើប្រាស់​យ៉ាង​ខ្លាំង​ផង​ដែរ ។

បង្គា​ទាំងអស់​ត្រូវ​បាន​មន្ត្រី​ជំនាញ​ដកហូត និង​កម្ទេច​ចោល​ភ្លាម​ៗ​មិន​ចាំ​យូរ​ឡើយ ចំពោះ​ម្ចាស់​ទំនិញ​ត្រូវ​បាន​រង​ការ​ពិន័យ​តាម​ច្បាប់​ជា​ធរមាន ពី​មន្ត្រី​ជំនាញ ក​.​ប​.​ប​. សាខា​ខេត្តកំពត ៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture