ចិន និងរុស្សីរារាំងអាមេរិកដាក់ទណ្ឌកម្មបន្ថែមលើកូរ៉េខាងជើង
ចិន និងរុស្ស៊ី ៖ មហាអំណាចចិន និងរុស្សី កាលពីថ្ងៃព្រហស្បតិ៍ ទី២០ មករា ម្សិលមិញនេះ បានរារាំងការជំរុញរបស់អាមេរិកក្នុងការ
ចិន និងរុស្ស៊ី ៖ មហាអំណាចចិន និងរុស្សី កាលពីថ្ងៃព្រហស្បតិ៍ ទី២០ មករា ម្សិលមិញនេះ បានរារាំងការជំរុញរបស់អាមេរិកក្នុងការ
ចិន និងរុស្ស៊ី ៖ មហាអំណាចចិន និងរុស្សី កាលពីថ្ងៃព្រហស្បតិ៍ ទី២០ មករា ម្សិលមិញនេះ បានរារាំងការជំរុញរបស់អាមេរិកក្នុងការដាក់ទណ្ឌកម្មអង្គការសហប្រជាជាតិលើបុគ្គលកូរ៉េខាងជើងចំនួន ៥នាក់ដើម្បីឆ្លើយតបនឹងការបា.ញ់សាកល្បងមីស៊ីលកាលពីពេលថ្មីៗរបស់របបព្យុងយ៉ាង។ នេះបើយោងតាមមន្ត្រីការទូតថ្លែងប្រាប់ទីភ្នាក់ងារសារព័ត៌មាន AFP។
ការរារាំងរបស់ចិនកើតឡើងតែមួយថ្ងៃប៉ុណ្ណោះ មុនពេលមានកិច្ចប្រជុំក្រុមប្រឹក្សាបិទទ្វារស្តីពីកូរ៉េខាងជើង ដែលស្នើដោយទីក្រុងវ៉ាស៊ីនតោន។ រុស្សីក៏ប្រឆាំងនឹងសំណើររបស់អាមេរិកផងដែរ។
បើយោងតាមច្បាប់អង្គការសហប្រជាជាតិបច្ចុប្បន្ន ការប្លុក (block)មានរយៈពេល ៦ខែ។ ក្រោយមក សមាជិកមួយរបស់ក្រុមប្រឹក្សាអាចពន្យារការប្លុកនោះបានរយៈពេល ៣ខែ ១ថ្ងៃទៀត មុនពេលសំណើនោះត្រូវបានដកចេញជាអចិន្ត្រៃយ៍ពីតុចរចា។
ក្រៅពីការរារាំងរបស់ចិន រុស្សីក៏បានប្រឆាំងនឹងការបង្កើនសម្ពាធលើប្រទេសកូរ៉េខាងជើងផងដែរ ហើយរុស្សីថែមទាំងស្នើឲ្យមានការបន្ធូរបន្ថយទណ្ឌកម្មអន្តរជាតិលើកូរ៉េខាងជើងផងដែរ ក្រោមហេតុផលមនុស្សធម៌។
សូមបញ្ជាក់ថា កាលពីសប្តាហ៍មុន ទីក្រុងវ៉ាស៊ីនតោនបានដាក់ទណ្ឌកម្មលើជនជាតិកូរ៉េខាងជើងចំនួន ៥នាក់ដែលពាក់ព័ន្ធនឹងកម្មវិធីមីស៊ីលរបស់កូរ៉េខាងជើង។ អាមេរិកបានធ្វើយុទ្ធនាការនៅក្នុងក្រុមប្រឹក្សាសន្តិសុខដើម្បីពង្រីកទណ្ឌកម្មរបស់អង្គការសហប្រជាជាតិលើជនជាតិកូរ៉េខាងជើងទាំង ៥នាក់នោះ។
ក្រសួងរតនាគារអាមេរិកនិយាយថា ជនជាតិកូរ៉េខាងជើងម្នាក់ដែលរងទណ្ឌកម្មមានឈ្មោះថា Choe Myong Hyon ដែលបច្ចុប្បន្នកំពុងនៅក្នុងប្រទេសរុស្សី។ បុរសរូបនោះបានផ្តល់ការគាំទ្រដល់បណ្ឌិតសភាវិទ្យាសាស្ត្រធម្មជាតិរបស់កូរ៉េខាងជើងដែលជាកម្មវត្ថុនៃទណ្ឌកម្ម។
ចំណែកជនជាតិកូរ៉េខាងជើងចំនួន ៤នាក់ទៀតនៅក្នុងប្រទេសចិន។ អាមេរិកចោទជនទាំង ៥នាក់នោះថាពាក់ព័ន្ធនឹងកម្មវិធីអាវុ.ធប្រល័.យលោករបស់កូរ៉េខាងជើង។
កូរ៉េខាងជើងបានធ្វើការបា.ញ់សាកល្បងមីស៊ីលចំនួន ៤ដងក្នុងខែមករានេះ ដោយអះអាងថាជាសិទ្ធិស្របច្បាប់ក្នុងការការពារខ្លួន។
កាលពីពេលថ្មីៗនេះ កូរ៉េខាងជើងបានប្រកាសពីពិចារណាបា.ញ់សាកល្បងអាវុ.ធនុយក្លេអ៊ែរ និងមីស៊ីលឆ្លងទ្វីបឡើងវិញ ក្រោយពេលរបបកុម្មុយនីស្តនេះបានផ្អាកដោយខ្លួនឯងកាលពីចុងឆ្នាំ ២០១៧៕ (យោងតាមប្រភព៖ AFP)
ចែករំលែកព័តមាននេះ