ខេត្តព្រះសីហនុ ៖ នៅក្នុងវេទិកាទេសចរណ៍អាស៊ានលើកទី ៤០ ដែលកំពុងរៀបចំធ្វើនៅលើទឹកដីឆ្នេរខេត្តព្រះសីហនុរបស់កម្ពុជានោះ មានព្រឹត្តិការ ណ៍មួយបានទាក់ទាញបំផុតនោះ គឺពិព័រណ៍អន្តរជាតិ នៃវេទិការទេសចរណ៍អាស៊ាននេះ ដែលបង្ហាញពីសក្តានុពលទេសចរណ៍នៅតំបន់អាស៊ានទាំងមូល…
ខេត្តព្រះសីហនុ ៖ នៅក្នុងវេទិកាទេសចរណ៍អាស៊ានលើកទី ៤០ ដែលកំពុងរៀបចំធ្វើនៅលើទឹកដីឆ្នេរខេត្តព្រះសីហនុរបស់កម្ពុជានោះ មានព្រឹត្តិការ ណ៍មួយបានទាក់ទាញបំផុតនោះ គឺពិព័រណ៍អន្តរជាតិ នៃវេទិការទេសចរណ៍អាស៊ាននេះ ដែលបង្ហាញពីសក្តានុពលទេសចរណ៍នៅតំបន់អាស៊ានទាំងមូល ។
តាមរយៈស្តង់ពិព័រណ៍ប្រមាណ ២០០ នោះ គេនឹងបានស្គាល់ពីកន្លែងកម្សាន្តសំខាន់ៗ នៃបណ្តាប្រទេសក្នុងអាស៊ាន ជាពិសេសគេនឹងស្គាល់ពីវប្បធម៌ ប្រពៃណីនិងសក្តានុ ទេសចរណ៍ធម្មជាតិ វប្បធម៌និងកែច្នៃរបស់កម្ពុជាដែលជាម្ចាស់ផ្ទះ ។ នៅក្នុងទីធ្លាដែលរៀបចំយ៉ាងស្អាតក្នុងសណ្ឋាគារជាប់មាត់សមុទ្រ មានការដាក់លក់ទំនិញផ្សេងៗរហូតដល់ទៅ ១៨៧ ស្តង់ ក្នុងនោះស្តង់អន្តរជាតិមានចំនួន ៦១ ស្តង់ មកពីឥណ្ឌូនេស៊ី ម៉ាឡេស៊ី ភូមា ហ្វីលីពីន និងថៃ និងស្តង់ក្នុងស្រុកចំនួន ១២៦ ស្តង់ផងដែរ ។
អ្នកនាង សៅ រ៉ានី ប្រធានទីផ្សារទេសចរម៉ាទ្បេស៊ី ដែលបានស្លៀកពាក់បែបប្រណៃណីម៉ាឡេស៊ីនោះ បាននិយាយឲ្យដឹងថា ប្រទេសម៉ាឡេស៊ីបានរៀបចំស្តង់ពិព័រណ៍ យ៉ាងទាក់ទាញ ពីព្រោះនេះជាឱកាស ល្អសម្រាប់ផ្សព្វផ្សាយសក្តានុពលទេសចរណ៍ទ្បើងវិញក្រោយពីត្រូវផ្អាកសកម្មភាពមួយរយៈដោយកូវីដ ១៩ ។
អ្នកនាងបានបញ្ជាក់ថា ស្តង់ពិព័រណ៍របស៎ប្រទេសម៉ាទ្បេស៊ីនាពេលនេះ មានបង្ហាញពីទីតាំងនៃតំបន់ទេសចរណ៍ ផ្សេងៗនៅប្រទេសម៉ាទ្បេស៊ី បង្ហាញពីសណ្ឋារគារធំៗ រួមទាំងតំបន់សក្តានុពលទេសចរណ៍ដែលទាក់ទាញបំផុតរបស់ប្រទេសនេះ ហើយក៍មានបង្ហាញអំពីទេសចរបែបជនជាតិឥស្លាមផងដែរ ។
អ្វីពិសេសសម្រាប់ប្រទេសម៉ាឡើស៊ីដែលចង់ផ្សព្វផ្សាយនៅក្នុងវេទិការនេះ តាមអ្នកនាងរ៉ានីថា «ប្រទេសម៉ាទ្បេស៊ីក៏បានផ្សព្វផ្សាយអំពីការបើកការធ្វើដំណើររបស់ភ្ញៀវទេសចរទៅទ្បាំងហ្កាវី ដោយភ្ញៀវទេសចរអាចទៅទស្សនានៅទីនោះរយពេល ៧ ថ្ងៃ បន្ទាប់មកគាត់អាចចេញទៅខេត្តផ្សេងៗ ទីក្រុងផ្សេងៗទៀតតាមអ្វីដែលពួកគាត់ចង់ក្នុងប្រទេសម៉ាទ្បេស៊ីដោយមិនចាំបាច់ធ្វើចត្តាទ្បីសក័នោះទេ» ។
ចំណែកអ្នកតំណាងប្រទេសថៃបានឲ្យដឹងដែរថា ពីដំបូងឡើងថៃ គ្រោងអញ្ជើញក្រុមហ៊ុនទេសចរណ៍ចំនួន ១៨ មកចូលរួមស្តង់ពិព័រណ៍នេះ ប៉ុន្តែដោយប្រទេសថៃបានប្តូរគោលនយោបាយនៃការធ្វើចត្តាទ្បីសក័នោះ ដូច្នេះគម្រោងត្រូវខកខាន ហើយពេលនេះមានតែក្រុមហ៊ុន ៣ ប៉ុណ្ណោះដែលបានមកចូលរួម ។ នៅក្នុងស្តង់ពិព័រណ៍របស់ប្រទេសថៃបានបង្ហាញនូវព័ត៌មានទាក់ទងទេសច រណ៍នៅប្រទេសថៃ ដោយមានការចាក់ផ្សព្វផ្សាយ វីដេអូជាច្រើនដែលបានផលិតឡើងយ៉ាងពិសេសសម្រាប់ភ្ញៀវទស្សនានៅក្នុងវេទិកានេះ ។
លោក ប្រាក់ វុទ្ធី ប្រធាននាយកដ្ឋានផ្សព្វផ្សាយទីផ្សារក្រៅប្រទេសនៃក្រសួងទេចរណ៍ និយាយថា សម្រាប់កម្ពុជា បានបង្ហាញ និងផ្សព្វផ្សាយអំពីសក្តានុពលទេសចរណ៍ដ៍សម្បូរបែបរបស់ខ្លួន ។ លោកថា ក្រសួងបានរៀបចំចែកជូននូវវត្ថុអនុស្សាវរីយ៍ ឯកសារវីដេអូ ដែលបង្ហាញពីតំបន់ទេសចរសំខាន់ៗសម្រាប់ភ្ញៀវទេសចរបានទស្សនានិងស្វែងយល់អំពីតំបន់ទេសចរដ៏ទាក់ទាញនៅកម្ពុជា ។ក្រៅពីនោះមានការរៀបចំឲ្យមានការសម្តែងបង្ហាញពីសម្លៀកបំពាក់បែបប្រពៃណី បុរាណ និងការសម្តែងសិល្បៈបុរាណជាច្រើនទម្រង់ ។
នៅពេលគេបានធ្វើដំណើរមកដល់ស្តង់កម្ពុជាហាក់បានកំពុងស្ថិតនៅអតីតកាលនិងបច្ចុប្បន្នកាលរបស់ប្រទេសនេះ ។ លោកប្រាក់ វុទ្ធីថា វីដេអូដែលយើងយកមកបង្ហាញជូនភ្ញៀវទេសចរនៅពេលនេះ គឺសុទ្ធសឹងជាតំបន់ទេសចរណ៍ដ៍មានសក្តានុពលសំ ខាន់ ដូចតំបន់ឆ្នេរ កោះ ប្រាង្គប្រាសាទ និងធនធានធម្មជាតិជាដើម ។ យើងបានចែកជូនភ្ញៀវនូវព័ត៌មានសំខាន់ៗទាក់ទងវិសយ័ទេសចរណ៍នៅកម្ពុជា ។ តាមរយៈព័ត៌មាននោះភ្ញៀវទេសចរ និងអាចស្វែងយល់ដឹងអំពីតំបន់ទេសចរណ៍និងសេវាកម្មទេសច រណ៍ដែលយើងកំពុងមាន ។
វេទិការទេសចរណ៍អាស៊ានលើកទី ៤០ ដែលកម្ពុជាធ្វើជាម្ចាស់ផ្ទះនេះ ត្រូវបានប្រារព្ធធ្វើទ្បើងនៅក្រុងព្រះសីហនុ ខេត្តព្រះសីហនុនេះនឹងប្រារព្ធធ្វើពីថ្ងៃទី ១៦ ដល់ថ្ងៃទី ២២ ខែមករា ឆ្នាំ ២០២២ ។ ការចូលទស្សនាពិព័រណ៍នេះប្រៀបដូចគេបានដើរកម្សាន្តនៅក្នុងតំបន់ទេសចរណ៍បណ្តាប្រទេសអាស៊ានអញ្ចឹងដែរ ៕
ចែករំលែកព័តមាននេះ