ADផ្ទាំងផ្សព្វផ្សាយពាណិជ្ជកម្ម

Picture

ពិត​ជា​មនុស្ស​ចម្លែកមែន… មានផ្លូវអត់ឱ្យគេធ្វើ​ដំណើរ​?

2 ឆ្នាំ មុន
  • ភ្នំពេញ

រាជធានីភ្នំពេញ ​៖ ប្រជាពលរដ្ឋ​ចំនួន២៦គ្រួសា​រ​អបអរ​សារ​ទរ​ម្ចា​ស់​ផ្ទះឱ្យវាយ​របង ដើម្បី​តភ្ជាប់​​ពី​ផ្លូ​វ​បេ​តុ​ង​ម្ខា​ង​ទៅ​ផ្លូវ​បេ​តុង​ម្ខា​ង​​ទៀត បែ​រជា​លេចមុខ​អ្នកលក់​មាស​ផ្សារ​ជម្ពូ​វ័ន​ម្នាក់​ចេញ​មករា​រាំង និង​អះអា​ង​ថា ខ្លួន​ជា​ម្ចាស់​ផ្លូវ​មាន​ប័ណ្ណ​កម្ម​សិទ្ធិប្លង់​​រឹង មក​ធ្វើ​របង​បិទ​មិន​អោយ​ដើរ​វិញ ដោយ​ទ្រាំ​រស់នៅ​ក្នុង​តំ​បន់​ផ្លូវលំ​តូច​ចង្អៀត និង​ជា​ផ្លូវទាល់​ពិបាក​ក្នុង​ការ​ធ្វើ​ដំណើ​រ​ទៅ​ណា​ម្តង​ៗ…

រាជធានីភ្នំពេញ ​៖ ប្រជាពលរដ្ឋ​ចំនួន២៦គ្រួសា​រ​អបអរ​សារ​ទរ​ម្ចា​ស់​ផ្ទះឱ្យវាយ​របង ដើម្បី​តភ្ជាប់​​ពី​ផ្លូ​វ​បេ​តុ​ង​ម្ខា​ង​ទៅ​ផ្លូវ​បេ​តុង
​ម្ខា​ង​​ទៀត បែ​រជា​លេចមុខ​អ្នកលក់​មាស​ផ្សារ​ជម្ពូ​វ័ន​ម្នាក់​ចេញ​មករា​រាំង និង​អះអា​ង​ថា ខ្លួន​ជា​ម្ចាស់​ផ្លូវ​មាន​ប័ណ្ណ​កម្ម​សិទ្ធិប្លង់​​រឹង មក​ធ្វើ​របង​បិទ​មិន​អោយ​ដើរ​វិញ ដោយ​ទ្រាំ​រស់នៅ​ក្នុង​តំ​បន់​ផ្លូវលំ​តូច​ចង្អៀត និង​ជា​ផ្លូវទាល់​ពិបាក​ក្នុង​ការ​ធ្វើ​ដំណើ​រ​ទៅ​ណា
​ម្តង​ៗ ​អស់​រយៈ​រាប់​សិប​ឆ្នាំ​មក​ហើ​យ ​របស់​ប្រជាពលរដ្ឋ​ប្រមាណ​២៦គ្រួសារ រួម​ទាំ​កម្មករ កម្មការិនី​រោង​ចក្រ​រាប់​រយ​នាក់ ​នៅក្នុង​ភូមិ​ជម្ពូ​វ័ន សង្កាត់​ចោមចៅ៣ ខណ្ឌ​ពោធិ៍សែ​ន​ជ័យ ។

​ពេលនេះ​ដែរ ​ពួកគាត់​ទាំងអស់គ្នា​មានការ​សប្បាយ​ត្រេកអរ​យ៉ាង​ខ្លាំង​ទៅដល់​ម្ចាស់ផ្ទះ​មួយ​កន្លែង បាន​យល់ព្រម​ចំណាយដី​ដែល​មាន​ក្បាល​៤ម៉ែត្រ​បណ្តោយ​៦០ម៉ែត្រ ដើម្បីអោយ​វាយ​ទម្លុះ​របង​ថ្ម​តភ្ជាប់​ពី​ផ្លូវ​បេតុង​ម្ខាង​ទៅ​ផ្លូវ​បេតុង​ម្ខាងទៀត ដើម្បី​ផ្តល់​អោយ​បងប្អូន​ប្រជាពលរដ្ឋ​រស់​ក្នុង​តំបន់​នោះ រួម​ទាំង​អ្ន​កដំណើ​រ​ផ្សេងទៀត​ធ្វើ​ដំណើ​រ​ឆ្លងកាត់ និង​បញ្ចៀស​ការ​កកស្ទះ​ចរា​ចរណ៍​ទៀតផង​ដែរ​ ។ ​ដោយ​កាលពី​ព្រឹកថ្ងៃទី​១៦ ​មករា ឆ្នាំ​២០២២ នេះ ខណៈ​ដែល​បងប្អូន​ប្រជាពលរដ្ឋ​សប្បាយ ​និង​ការ​អនុ​ញ្ញាតអោយ​វាយ​របង​បើកផ្លូវ​នោះ ក៏​ស្រាប់តែ​លេចមុខ​បុរស​ម្នាក់​ឈ្មោះ ឡេង ជា​អ្នកលក់​មាស​នៅ​ផ្សារ​ជម្ពូ​វ័ន និង​ជា​ម្ចាស់​តារាង​បាល់ទាត់​មួយ​កន្លែងនៅ​ម្ខាង​ផ្លូវ រួម​ទាំង​កូនចៅ​៣ ទៅ​៤នាក់​នាក់ ជិះ​ម៉ូតូ​មក​ធ្វើ​ការ​រា​​​រាំង​ហើយ​អះអាង​ថា ខ្លួន​ជា​ម្ចាស់​ផ្លូវ​នេះ និង​មិន​អនុញ្ញាតអោយ​ធ្វើ​ភ្ជាប់​ឡើយ និង​បញ្ជា​អោយ​កូនចៅ​ធ្វើ​របង​បិទ​មិន​អោយ​ដើរ​ឆ្លង​កា​ត់​ភ្លាម​ៗ​ផង​ដែរ ថ្វីបើ​មានការ​ចុះ​មក​ធ្វើ​អន្តា​រ​គមន៍​អំពីសំណាក់​លោក​ចៅសង្កាត់​ចោមចៅ៣ ដោយ​ផ្ទាល់​ក៏ដោយ​ ។

លោក ភី ផល អាយុ​៤៥ឆ្នាំ បា​នប្រាប់ឧ្យ​ដឹង​ថា កាលពី​ថ្ងៃទី ១៥ ខែ មករា ឆ្នាំ ២០២២ កន្លងមក​នេះ ខាង​សង្កាត់​ចោមចៅ​ទី៣ បាន​បញ្ជូន​ត្រាក់ទ័រ​មួយ​គ្រឿងមក​ធ្វើការ​ឈូស​ឆាយដី​ក្នុង​គម្រោង​ចាក់​ផ្លូវ​បេតុង​មួយ​ខ្សែ​​តភ្ជាប់​ពី​ផ្លូវ​បេតុង​ម្ខាង ទៅ​ផ្លូវ​បេតុង​ម្ខាងទៀត ដែល​មាន​ទំហំ​៤​ម៉ែត្រ និង​មាន​ប្រវែង​ជាង​២០០ម៉ែត្រ​ក្នុង​ភូមិ​ ។​ ដោយ​បានឃើញ​អាជ្ញាធរ​យក​គ្រឿងចក្រ​មក​ឈូស​ឆាយ​ក្នុង​គោលបំណង​ចាក់​ផ្លូវ​បេតុង​ថ្មី​នោះ ម្ចាស់ដី​ឡូ​តិ៍​មួយ​កន្លែង​ក៏​អនុញ្ញាត​អោយ​ប្រជា​ពល​រដ្ឋ​នាំ​គ្នា​វាយ​របង​ទម្លុះ ដើម្បី​បើកផ្លូវ​កំ​អោយ​ទាល់​ទៀត​ និង​ម្យ៉ាង​ដើម្បី​សម្រួល​ដល់​ការ​កកស្ទះ​ចរាចរណ៍​ដែល​តែងតែ​ស្ទះ​រាល់ថ្ងៃ​នៅ​លើ​ផ្លូវ​បេតុង​ខាងមុខ​រោងចក្រ​បី​ជាន់​ផង​ដែរ ​។ ​

ពេល​ដែល​រូបលោក​ផ្ទាល់ និង​ប្រជាពលរដ្ឋ​ជាច្រើន​នាក់​ទៀត​មានការ​សប្បាយ​ត្រេក​អរ ក្នុង​ការដែល​ម្ចាស់ផ្ទះ​គេ​អោយ​វាយ​របង​ធ្វើ​ផ្លូវ​តភ្ជាប់​ពី​ផ្លូវ​បេតុង​ម្ខាង ទៅ​ផ្លូវ​បេតុង​ម្ខាងទៀត ដែ​ល​​បែកចេញ​តាំងពី​ផ្លូវជាតិ​លេខ​៤ ពុះ​កាត់​កណ្តាល​ផ្សារ​ជម្ពូ​វ័ន​មក​នោះ ក៏​ស្រាប់តែ​លេចមុខ​បុរស​វ័យ​ចំណាស់​ឈ្មោះ ឡេង ជា​អ្នកលក់​មាស​នៅ​ផ្សារ​ជម្ពូ​វ័ន និង​ជា​ម្ចាស់​តារាង​បាល់ទាត់​មួយ​កន្លែងនៅ​ម្ខាង​ផ្លូវ រួម​ទាំង​កូនចៅ ចំនួន ៤ ទៅ ៥នាក់ បាន​នាំគ្នា​ជិះ​មូតូ​មកដល់​និយាយ​ស្កា​រដៃ​ស្ការ​ជើង​រារាំង​មិន​អោយ​ធ្វើ​ផ្លូវ​តភ្ជាប់​ដោយ​អះអាង​ថា ខ្លួន​គឺជា​ម្ចាស់​ផ្លូវ​បេតុង​មួយ​ខ្សែ​នេះ និង​មិន​អនុញ្ញាតអោយ​ធ្វើ​ឡើយ​។

​លោក​ក៏បាន​ប្រាប់​បន្ត​ទៀត​ថា ក្រោយពី​លោក ឡេង ជា​អ្នកលក់​មាស​ផ្សារ​ជម្ពូ​វ័ន នាំ​កូនចៅមក​ធ្វើការ​រាំង​ប្រជាពលរដ្ឋ​មិន​អោយ​​ធ្វើ​ផ្លូវ​ភ្ជាប់​ជាមួយ និង​ផ្លូវ​បេតុង​ដែល​អះអាង​ថា ជាម្ខាង​​ផ្លូវ ដែល​មាន​ប័ណ្ណ​កម្ម​សិទ្ធ​ប្លង់​រឹង កាន់កាប់ និង​មិន​អោយ​ដើរ​លើ​ផ្លូវ​នោះ​បានទេ​។ ​លុះដល់​រសៀល​ថ្ងៃទី៦ ខែមករា ឆ្នាំ ២០២២ ដដែល​ បុរស​ម្នាក់​នោះ ក៏បាន​ចាត់​អោយ​កូនប្រុស​ម្នាក់​ដឹកនាំ​ជាង​មួយ​ក្រុម​ មក​ចាក់​បេតុង​រៀប​របង​ថ្ម និងសំណាញ់​ដែក​បិទ​ខាងមុខ​របង​ថ្ម ដែល​ប្រជាពលរដ្ឋ​បាន​វាយ​បើកផ្លូវ​ កាលពី​ព្រឹក ក្រោយ​ពី​មានការ​អនុញ្ញាតពី​ម្ចាស់ដី​ចិ​ត្ត​ធ៌ម​មួយ​កន្លែង​ខាងលើ​ ដែល​បាន​អោយ​វាយ​បើករបង​ធ្វើជា​ផ្លូវ​សារ​ធារ​ណៈ​នោះ​វិញ​ភ្លាម​ដែរ​។​

តាម​ប្រភព​ដដែល​បាន​ប្រាប់​បន្ត​ទៀត​ថា នៅ​ថ្ងៃ​នោះ​ដែរ​ ប្រជាពលរដ្ឋ​ទាំង២៦គ្រួសារ​រួម​ទាំង​កម្មករ កម្មការិនី​រោងចក្រ​ដែល​ស្នាក់នៅ​ផ្ទះ​ជួល​ក្នុង​ប្លុក​ផ្លូវទាល់​នោះ​ក៏បាន​សុំ​ការ​អន្តរាគមន៍​​ពី​លោក វ៉ា សាវឿ​ន ជា​ចៅសង្កាត់​ ក៏បាន​ចុះ​មក​ធ្វើការ​ហាមឃាត់​អោយ​ផ្អាក​ការ​ធ្វើ​របង​បិទ​អំពីសំណាក់​លោក ឡេង ជា​ថៅកែ​ហាង​មាស​ផ្សារ​ជម្ពូ​វ័ន ដើម្បី​រង់​ចងាំ​ការ​ដោះស្រាយ​គ្នា​ផង​ដែរ​។ ​តែ​ក្រោយពី​ការ​ហាមឃាត់​របស់​អាជ្ញាធរ​សង្កាត់​អោយ​ផ្អាក​ធ្វើ​របង​បិទ ដើម្បី​រង់ចាំ​ធ្វើការ​ដោះស្រាយ​នោះ តែ​ភាគី​ខាង​លោក​ម្ចាស់​ហាង​មាស​ផ្សារ​ជម្ពូ​វ័ន ហាក់​មិន​អើ​ពើនិង​ស្តាប់​ទេ ដោយ​ព្រឹក​ថ្ងៃទី១៨ ខែ មករា ឆ្នាំ ២០២២ បាន​អោយ​កូនបង្កើ​ត ប្រុស ស្រី កូ​នប្រ​សារ ខ្លះ​ស្លៀកពាក់​ឯក​សណ្ឋាន​ប៉ូលិស ខ្លះ​ជា​មេធាវី មក​ឈរ​អោយ​ជាង​មក​ធ្វើ​របង​ស័ង្កសី​បិទ​ថែម​មួយ​ជាន់​ទៀត និង​ស្រែ​ក​ជេរប្រមា​ថ គំរាម​ប្តឹង ចាប់​ដាក់គុក ទៅលើ​ប្រជាពលរដ្ឋ​ណា​ម្នាក់ ​ដែល​ហ៊ាន​ប៉ះពាល់​របង​របស់​គេ​ផង​ដែរ​។​

ពេល​ដែល​ក្រុ​មកូនៗ​ប្រុសស្រី របស់​លោក ឡេង ថៅកែ​មាស​ផ្សារ​ជម្ពូ​វ័ន មក​ធ្វើ​របង​បិទ​មិន​អោយ​ប្រជាពលរដ្ឋ​ដើរ​លើ​ផ្លូវ​របស់​គេ​បន្ថែម​មួយ​ជាន់​ទៀត​នោះ ប្រជាពលរដ្ឋ​ក៏បាន​រាយ​ការ​ជូន​ទៅ​លោក ហែម ដារិ​ទ្ធ ជា​អះ​ភិបាល​ខណ្ឌ​ពោធិ៍សែន​ជ័យ ក្នុង​គោល​បំណង​ចង់​អោយ​ចុះ​មកដល់​ទីតាំង​ផ្លូវ​ ដែល​មាន​ជម្លោះ រឿង​ផ្លូវ​នេះ​ដែរ តែ​លោក​ហាក់បី​ជា​មិន​មាន​វិធានការ​អ្វីមួយ​ច្បាស់​​លាស់ ក្នុង​ការ​ដោះស្រាយ​អោយ​ប្រជាពលរដ្ឋ​ដើរទេ ។

ព័ត៌មានបន្ថែម​​មានផ្សាយជូននៅកាសែតកោះសន្តិភាព ។


អត្ថបទសរសេរ ដោយ