ម្តាយនាំកូនតូចៗមកលេងជីដូនជីតា ស្រាប់តែកូនម្នាក់ជួបគ្រោះអកុសលយ៉ាងអាណោចអាធ័ម
- ភ្នំពេញ
រាជធានីភ្នំពេញ ៖ ក្មេងប្រុសអាយុ៥ឆ្នាំកន្លះម្នាក់ដើរលេងជាមួយក្មេងៗក្នុងភូមិ ស្រាប់តែរអិលធ្លា.ក់ចូលក្នុងរណ្តៅដីមានទឹក បណ្តាល
រាជធានីភ្នំពេញ ៖ក្មេងប្រុសអាយុ៥ឆ្នាំកន្លះម្នាក់ដើរលេងជាមួយក្មេងៗក្នុងភូមិ ជួបគ្រោះអកុសលធ្លា.ក់ចូលក្នុងរណ្តៅដីមានទឹក បណ្តាលឱ្យល.ង់ស្លា.ប់យ៉ាងអាណោចអាធ័ម។
ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៦យប់ថ្ងៃទី១៦ ខែមករា ឆ្នាំ២០២២ នៅចំណុចរណ្តៅដីខាងក្រោយឃ្លាំងអេតចាយ ស្ថិតក្នុងភូមិទួលតាឡាត់ សង្កាត់កំបូល ខណ្ឌកំបូល រាជធានីភ្នំពេញ ។
ក្មេងរងគ្រោះឈ្មោះ ចាន់ ណារ៉ុង ភេទប្រុស អាយុ៥ឆ្នាំកន្លះ មានឪពុកឈ្មោះ ចាន់ ដារ៉ា អាយុ៣៧ឆ្នាំ មុខរបរលក់ផ្លែឈើបន្តិចបន្តួចជញ្ចឹមជីវិត មានស្រុកកំណើតនៅភូមិព្រៃមាន ឃុំជម្រុក ស្រុកគងពិសី ខេត្តកំពង់ស្ពឺ និងមានម្ដាយឈ្មោះ ស៊ុន ស្រីមី អាយុ២៥ឆ្នាំ មុខរបរនៅផ្ទះមើលថែកូនពីរនាក់ មានស្រុកកំណើតនៅភូមិកើតហេតុខាងលើ សព្វថ្ងៃរស់នៅស្រុកកំណើតខាងប្ដី ។
តាមប្រភពព័ត៌មានពីម្តាយក្មេងរងគ្រោះបានអោយដឹងថា រូបគាត់ ព្រមទាំងកូន២នាក់រស់នៅស្រុកខាងប្តី នៅឯស្រុកគងពិសីខេត្តកំពង់ស្ពឺ តែដោយសារជីដូននិងជីតា នឹកចៅពេក គាត់ក៏បាននាំចៅមកលេងនៅផ្ទះជីដូននឹងជីតា ដោយរូបគាត់នាំកូនតូចៗទាំង២នាក់ ក្នុងនោះកូនច្បងអាយុ៥ឆ្នាំកន្លះ (ក្មេងប្រុសរងគ្រោះ) ចំណែកកូនពៅអាយុ១ឆ្នាំកន្លះ ។
តាមប្រភពព័ត៌មានដដែលបានបន្តទៀតថា មុនពេលកើតហេតុ ខណៈពេលរូបគាត់កំពុងមើលកូនប្អូន ចំណែកកូនច្បងបានរត់លេងជាមួយក្មេងៗក្នុងភូមិ ដោយរូបគាត់បានទៅហៅកូនមកផ្ទះម្តងហើយ ។ លុះនៅវេលាម៉ោង៥ល្ងាច រូបគាត់កំពុងមើលកូនប្អូននៅផ្ទះ ចំណែកកូនច្បងបានរត់ទៅលេងជាមួយក្មេងៗក្នុងភូមិម្តងទៀត បន្ទាប់មកជីដូននិងជីតា ព្រមទាំងរូបគាត់ជាម្តាយ នាំគ្នារកអស់រយៈពេលប្រមាណប្រហែល១ម៉ោង ដោយក្មេងៗក្នុងភូមិបានប្រាប់ថា កូនរបស់គាត់លេងនៅម្តុំរោងឃ្លាំងអេតចាយខាងលើ បន្ទាប់មកម្ចាស់ឃ្លាំងអេតចាយបានជួយរកគ្រប់កន្លែងដែរ តែមិនឃើញ លុះម្ចាស់ឃ្លាំងអេតចាយចុះរាវនៅក្នុងទឹករណ្តៅដី ក៏ប្រទះឃើញស.ពកូនរបស់គាត់ល.ង់ស្លា.ប់នៅក្នុងទឹករណ្តៅដីបាត់ទៅហើយ ទើបជីតាបីស.ពយកមកផ្ទះភ្លាមៗ ។
ក្រោយពេលកើតហេតុ ក្រុមគ្រួសារស.ពបានទាក់ទងទៅសមត្ថកិច្ចនគរបាលប៉ុស្តិ៍ភ្លាមៗ ហើយសមត្ថកិច្ចនគរបាលប៉ុស្តិ៍បានចុះមកធ្វើការពិនិត្យ រួចធ្វើលិខិតប្រគល់ស.ពអោយក្រុមគ្រួសារធ្វើបុណ្យតាមប្រពៃណី នៅភូមិកើតហេតុខាងលើ ៕
ចែករំលែកព័តមាននេះ