រាជធានីភ្នំពេញ ៖ សេចក្តីរាយការណ៍ជាបឋមថា មានរថយន្តម៉ាកសាំយ៉ុងមួយគ្រឿង បានបើកបរឡើងលើស្ពានព្រែកពៅ្ន ស្រាប់តែកើតមានអគ្គិភ័យបានឆាបឆេះរថយន្តខូចខាតអស់ស្ទើរតែទាំងស្រុង ប៉ុន្តែសំណាងល្អ មិនបង្កឲ្យមាននរណាម្នាក់រងរបួសឡើយ ។
ហេតុការណ៍នេះបានកើតឡើងនៅវេលាម៉ោង០៤ និង១៥នាទីរសៀល ថ្ងៃទី១៤ ខែមករា ឆ្នាំ ២០២២ នៅចំណុចលើស្ពានព្រែកព្នៅ តាមបណ្តោយផ្លូវមហាវិថីឈ្នះឈ្នះ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។
ករណីអគ្គិភ័យនេះ បណ្តាលមកពីការឆ្លងចរន្តអគិ្គសនីក្នុងរថយន្ត ទើបបណ្ដាលអោយឆាបឆេះរថយន្តម៉ាកសាំយ៉ុង ពណ៌សំបកឪឡឹក ពាក់ស្លាកលេខ ភ្នំពេញ 2AA-2852 ។ អ្នកបើកបរមានឈ្មោះ យៀន ផាន់ណា ភេទប្រុស អាយុ ២១ឆាំ្ន ។
នៅវេលាម៉ោង០៤និង៣០នាទី ថ្ងៃខែដដែល អគ្គិភ័យនេះ ត្រូវបានពន្លត់បានទាំងស្រុង ដោយប្រើប្រាស់រថយន្តរបស់ការិយាល័យអគ្គិភ័យ នៃស្នងការដ្ឋាននគរបាលរាជធានីភ្នំពេញ ចំនួន ២គ្រឿង បានប្រើប្រាស់ទឹកអស់ ០១រថយន្ត ស្មើនឹង ៥ម៉ែត្រគូប ៕
![](https://kohsantepheapdaily.com.kh/wp-content/images/2022/01/17697029b71290fb7198425e5f73c19c.jpg)
![](https://kohsantepheapdaily.com.kh/wp-content/images/2022/01/1b8e39de167ec7d091587275caf4f762.jpg)
![](https://kohsantepheapdaily.com.kh/wp-content/images/2022/01/898e0c0fd4a6934d233c827c6ae75829.jpg)
![](https://kohsantepheapdaily.com.kh/wp-content/images/2022/01/10e5377a9c8b43243ee42f362f26b9d0.jpg)
ចែករំលែកព័តមាននេះ