ខេត្តកំពត ៖ ជនសង្ស័យ២នាក់ ត្រូវកម្លាំងកងរាជអាវុធហត្ថឃាត់ខ្លួន ពីបទធ្វើឱ្យខូចខាតទ្រព្យសម្បត្តិគូជម្លោះដោយចេតនា ដែលកើតឡើងដោយសារគំនុំ បន្ទាប់ពីយកកាំបិត ពូថៅ ទៅកា.ប់បំផ្លាញផ្ទះរបស់ភាគីទំនាស់នោះ ហើយត្រូវម្ចាស់ប្តឹងឃាត់ខ្លួនតែម្តង
ខេត្តកំពត ៖ ជនសង្ស័យ២នាក់ ត្រូវកម្លាំងកងរាជអាវុធហត្ថឃាត់ខ្លួន ពីបទធ្វើឱ្យខូចខាតទ្រព្យសម្បត្តិគូជម្លោះដោយចេតនា ដែលកើតឡើងដោយសារគំនុំ បន្ទាប់ពីយកកាំបិត ពូថៅ ទៅកាប់បំផ្លាញផ្ទះរបស់ភាគីទំនាស់នោះ ហើយត្រូវម្ចាស់ប្តឹងឃាត់ខ្លួនតែម្តង ដែលហេតុការណ៍នេះ កើតឡើងកាលពីវេលាម៉ោង១១ និង៣០នាទី ថ្ងៃទី២៥ខែមិថុនាឆ្នាំ២០១៦ថិតនៅភូមិអង្កាញ់ ឃុំតេជោអភិ វឌ្ឍន៍ ស្រុកឈូក ខេត្តកំពត ។
ប្រភពឱ្យដឹងថា ជនសង្ស័យមាន៣នាក់ តែត្រូវកម្លាំងឃាត់ខ្លួន២នាក់ ដោយម្នាក់ទៀតរត់គេចខ្លួនបាត់ ។ ២នាក់ដែលចាប់ខ្លួន ១-ឈ្មោះហ៊ុន មុន្នីចិន្តាបញ្ញា អាយុ៣៧ឆ្នាំ ជាអ្នកធ្វើចំការ និង២-ឈ្មោះស៊ី សុខា អាយុ៣១ឆ្នាំ ជាអ្នកធ្វើចំការ មានទីលំនៅក្នុងភូមិ-ឃុំខាងលើ និងម្នាក់ទៀតគេចខ្លួនឈ្មោះភី ។ រីឯម្ចាស់ផ្ទះរងគ្រោះឈ្មោះម៉ាង ចាន់ ភេទប្រុស អាយុ៥៨ឆ្នាំ រស់នៅភូមិ-ឃុំកន្លែងកើតហេតុខាងលើ ។ បច្ចុប្បន្ន ជនសង្ស័យត្រូវបានកសាងសំណុំរឿងបញ្ជូនទៅតុលាការខេត្ត ។
ចែករំលែកព័តមាននេះ