គ្មានមេត្តា ! ឆក់កាបូប ស្ត្រីពោះធំដួលរបួសធ្ងន់
រាជធានីភ្នំពេញ ៖ ស្ត្រីពោះធំម្នាក់បានដួលម៉ូតូបោកក្បាលទៅនឹងថ្នល់រងរបួសធ្ងន់ធ្ងរត្រូវបានគេបញ្ជូនទៅសង្គ្រោះនៅមន្ទីរពេទ្យកាល់ម៉ែត្រភ្លាមៗដោយសារតែចោរឆក់កាបូបរបស់គាត់
រាជធានីភ្នំពេញ ៖ ស្ត្រីពោះធំម្នាក់បានដួលម៉ូតូបោកក្បាលទៅនឹងថ្នល់រងរបួសធ្ងន់ធ្ងរត្រូវបានគេបញ្ជូនទៅសង្គ្រោះនៅមន្ទីរពេទ្យកាល់ម៉ែត្រភ្លាមៗដោយសារតែចោរឆក់កាបូបរបស់គាត់ ។ ហេតុការណ៍នេះកើតឡើងកាលពីរសៀលថ្ងៃទី២៧ ខែមិថុនា ឆ្នាំ២០១៦ នៅចំណុចមុខកន្លែងលក់ឡាន ហាក់ ស្រ៊ុន តាមបណ្ដោយផ្លូវព្រះមុនីវង្ស ស្ថិតក្នុងសង្កាត់ច្រះចក ខណ្ឌដូនពេញ ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតគេបានឃើញស្ត្រីរងគ្រោះជិះម៉ូតូម៉ាក ហុងដា ឌ្រីម សេ១២៥ ពណ៌ខ្មៅ ពាក់ស្លាកលេខ 1DE-1368 តាមបណ្តោយផ្លូវព្រះមុនីវង្ស ក្នុងទិសដៅពីជើងទៅត្បូង លុះដល់កន្លែងកើតហេតុស្រាប់តែសង្ស័យ២នាក់ជិះម៉ូតូ១គ្រឿង ម៉ាកហុងដា ឌ្រីម សេ១២៥ ពណ៌ខ្មៅ មិនចាំស្លាកលេខ បានធ្វើសកម្មភាពឆក់កាបូបស្ត្រីរងគ្រោះបណ្តោលឲ្យស្ត្រីរងគ្រោះដួលបោកក្បាលរងរបួសធ្ងន់ ដោយហូរឈាមតាមមាត់ និង ច្រមុះ ។ ចំណែកជនសង្ស័យទាំង២នាក់បានជិះម៉ូតូគេចខ្លួនបាត់ដោយសុវត្ថិភាព ។
ក្រោយពេលកើតហេតុ រថយន្តសង្គ្រោះរបស់មន្ទីពេទ្យកាល់ម៉ែតបានមកដឹកយកទៅសង្គ្រោះភ្លាមៗ ៕
ចែករំលែកព័តមាននេះ