បន្ទាយមានជ័យ ៖ ទោះជាមានការរឹតបន្តឹងតាមបន្ទាត់ព្រំដែនយ៉ាងណាក៏នៅមានពលរដ្ឋខ្មែរបានលួចឆ្លងដែនខុសច្បាប់ បើទោះជាអាជ្ញាធរថៃ-កម្ពុជា ធ្វើការរឹតបន្តឹងតាមបន្ទាត់ព្រំដែន ដើម្បីទប់ស្កាត់ជំងឺបំប្លែងថ្មី (អូមីក្រុង) ។ នេះតាមសេក្ដីរាយការណ៍ពីសមត្ថកិច្ចនៅបន្ទាត់ព្រំដែនកម្ពុជា-ថៃ នៅថ្ងៃទី១០ ខែមករា ២០២២។
ដោយសមត្ថកិច្ចទាហានកងរយទី១២ បានចុះល្បាតក្នុងភូមិសាស្ត្រទទួលខុសត្រូវ និងបានប្រទះឃើញក្រុមមនុស្សដែលគួរឲ្យសង្ស័យធ្វើដំណើរតាមច្រករបៀង សំដៅចូលមកក្នុងទឹកដីថៃ ត្រង់បរិវេណភូមិ ណូន ផាត់ថះនា ឃុំផានសឹក ស្រុកអារញ្ញ ខេត្តស្រះកែវ ចំនួន១០នាក់ ក្នុងនោះក្មេងស្រី០៣នាក់ ។
នៅពេលសមត្ថកិច្ចថៃសួរនាំពលរដ្ឋខ្មែរទាំងអស់ខាងលើ បានប្រាប់ឲ្យដឹងថា ៖ ពួកគាត់មកពីខេត្តបន្ទាយមានជ័យ ប្រទេសកម្ពុជា លួចឆ្លងចូលមក ដើម្បីទៅធ្វើការខាងសំណង់ ក្នុងខេត្តឈុន បុរី ដោយថៅកែជនជាតិថៃ ជាអ្នកចំណាយលុយម្នាក់ចំនួន៦,៥០០បាត ក្នុងការធ្វើដំណើរ រួចកាត់កងគ្នានៅពេលបានធ្វើការ បន្ទាប់មកសមត្ថកិច្ចថៃបានឃាត់អ្នកទាំងនោះ និងអនុវត្តតាមវិធានរបស់សុខាភិបាល រួចក៏បញ្ជូនទៅឲ្យសមត្ថកិច្ចនគបាលស្រុកអារញ្ញ ដើម្បីចាត់ការតាមនិតិវិធីបន្ត ៕
ចែករំលែកព័តមាននេះ