ADផ្ទាំងផ្សព្វផ្សាយពាណិជ្ជកម្ម

Picture

អ្នក​លង់​ស៊ប់​នឹង​កាមគុណ​រមែង​មិន​មាន​សេចក្តីចម្រើន

7 ខែ មុន

បិដក​លេខ​២១ ទំព័រ​១៦៣ ព្រះ​មាន​ព្រះ​ភាគ​ត្រាស់​ថា ម្នាល​ភិក្ខុ​ទាំងឡាយ សមណៈ ឬ​ព្រាហ្មណ៍​ណាមួយ​ជា​អ្នកមាន​ចិត្ត​ងោក​ជ្រប់ លង់​ស៊ប់ ជា​អ្នក​មិនឃើញ​ទោស​មិន​មាន​ប្រាជ្ញា​ជា​គ្រឿង​រលាស់​ខ្លួន​ចេញ តែង​បរិភោគ​កាមគុណ​៥​យ៉ាងនេះ សមណៈ…

បិដក​លេខ​២១ ទំព័រ​១៦៣ ព្រះ​មាន​ព្រះ​ភាគ​ត្រាស់​ថា ម្នាល​ភិក្ខុ​ទាំងឡាយ សមណៈ ឬ​ព្រាហ្មណ៍​ណាមួយ​ជា​អ្នកមាន​ចិត្ត​ងោក​ជ្រប់ លង់​ស៊ប់ ជា​អ្នក​មិនឃើញ​ទោស​មិន​មាន​ប្រាជ្ញា​ជា​គ្រឿង​រលាស់​ខ្លួន​ចេញ តែង​បរិភោគ​កាមគុណ​៥​យ៉ាងនេះ សមណៈ ឬ​ព្រាហ្មណ៍​ទាំងនោះ បណ្ឌិត​គប្បី​ជ្រាប​យ៉ាងនេះ​ថា ជា​អ្នក​ដល់​នូវ​សេចក្តី​មិន​ចម្រើន ដល់​នូវ​សេចក្តី​វិ​នា​.​ស ជា​អ្នក​ត្រូវ​មារ​មានចិត្ត​បាប​គ្រប​សង្កត់​ហើយ ។ កាមគុណ​ទាំង​៥​នោះ​គឺ​៖

Picture

១. រូប​ទាំងឡាយ​ជាទី​ពេញចិត្ត​តាម​ផ្លូវ​ភ្នែក ។

២. សំឡេង​ទាំងឡាយ​ជាទី​ពេញចិត្ត​តាម​ផ្លូវ​ត្រចៀក ។

៣. ក្លិន​ទាំងឡាយ​ជាទី​ពេញចិត្ត​តាម​ផ្លូវ​ច្រមុះ ។

៤. រស​ទាំងឡាយ​ជាទី​ពេញចិត្ត​តាម​ផ្លូវ​អណ្តាត ។

៥. សម្ផស្ស​ទាំងឡាយ ជាទី​ពេញចិត្ត​តាម​ផ្លូវ​កាយ ។

Picture

ក្នុង​កាមគុណ​ទាំង​៥​នេះ​តែង​ជាទី​ជាប់ជំពាក់​នៃ​មនុស្ស​សត្វ​គ្រប់​រូប ដែល​នៅ​មាន​កិលេស​, ចំណែក​វត្ថុកាម​ដែល​នាំ​ឱ្យ​បុរស​ទាំង​ឡាយ​ជាប់ជំពាក់​ជាងគេ ព្រះ​អង្គ​ទ្រង់​សម្តែង​ថា តថាគត​រក​មិនឃើញ​នូវ រូប សំឡេង ក្លិន រស ស​ម្ជ​ស្ស​ដទៃ​សូ​ម្បី​តែ​មួយ​ដែល​គ្រប​សង្កត់ចិត្ត​បុរស​ហើយ​ស្ថិត​នៅ​ឱ្យ​ដូច រូប សំឡេង ក្លិន រស ស​ម្ជ​ស្ស​របស់​ស្ត្រី​នេះ​គឺ​មិន​មាន​សោះឡើយ ៕ សាន សារិន