មន្ត្រីចម្រុះចុះពិនិត្យរកទំនិញដែលខូចគុណភាព និងគ្មានស្លាកសញ្ញា
បន្ទាយមានជ័យ ៖ មន្ត្រីចម្រុះចុះពិនិត្យរកទំនិញដែលខូចគុណភាព និងគ្មានស្លាកសញ្ញាច្បាស់លាស់ដែលប៉ះពាល់សុខភាព នៅថ្ងៃទី២២ ខែមិថុនា ឆ្នាំ២០១៦
បន្ទាយមានជ័យ ៖ មន្ត្រីចម្រុះចុះពិនិត្យរកទំនិញដែលខូចគុណភាព និងគ្មានស្លាកសញ្ញាច្បាស់លាស់ដែលប៉ះពាល់សុខភាព នៅថ្ងៃទី២២ ខែមិថុនា ឆ្នាំ២០១៦ នៅស្រុកភ្នំស្រុក។ លោក ហង់ លៀង អនុប្រធានសាខាកាំកុងត្រូលខេត្តបន្ទាយមានជ័យបានឲ្យដឹងថា ដោយមានការណែនាំពីនាយកដ្ឋានកាំកុងត្រូល និងអភិបាលខេត្ត ព្រមទាំងប្រធានសាខាកាំកុងត្រូលខេត្តបន្ទាយមានជ័យ បានដាក់វិធានការដល់មន្ត្រីសាខាកាំកុងត្រូលខត្តសហការជាមួយមន្ត្រីមន្ទីរពាណិជ្ជកម្មខេត្ត និងកម្លាំងនគរបាលប្រឆាំងបទល្មើសសេដ្ឋកិច្ចខេត្តចុះពិនិត្យរកទំនិញ ដែលខូចគុណភាព និងផុតការបរិច្ឆេទប្រើប្រាស់នៅផ្សារស្រុកភ្នំស្រុក ដែលជាស្រុកមួយមានតំបន់រមណីយដ្ឋានភ្ញៀវចេញចូលមកកម្សាន្តនៅថ្ងៃបុណ្យ។
លោកបានបន្តប្រាប់ថាក្រោយពេលដែលមន្ត្រីចម្រុះចុះពិនិត្យទំនិញផ្សារស្រុកភ្នំស្រុកគឺឃើញថា អាជីករដែលលក់ដូរមានការយល់ដឹងច្រើនទំនិញដែលលក់ដូរក្នុងទីផ្សារមិនបានរកឃើញទំនិញខូចគុណភាព និងទំនិញដែលគ្មានស្លាកសញ្ញាច្បាស់លាស់ឡើយ។ លោក សៀន ស៊ីណាត ប្រធានសាខាកាំកុងត្រូលខេត្តបន្តថា មន្ត្រីជំនាញបានយកចិត្តទុកដាក់ចំពោះសុខមាលភាពបងប្អូនប្រជាពលរដ្ឋ ត្រូវបានចុះពិនិត្យទំនិញតាមទីផ្សារជាប្រចាំក្នុងខេត្ត ហើយណែនាំដល់អាជីវករបញ្ឈប់ការលក់ដូរទំនិញខូចគុណភាព និងគ្មានស្លាកសញ្ញាច្បាស់លាស់ដែលធ្វើឲ្យប៉ះពាល់ដល់សុខភាពប្រជាពលរដ្ឋ៕
ចែករំលែកព័តមាននេះ