តើពាក្យរាជាគណៈមានន័យដូចម្តេច ?
រាជាគណៈ មកពីពាក្យ រាជា + គណៈ ប្រែថា ក្រុមរបស់ស្តេច ដែលជាសមណស័ក្ដិសម្រាប់បព្វជិតក្នុងក្រុងកម្ពុជាធិបតី ។រាជាគណៈបើប្រៀបធៀបទៅនឹងឋានន្តរស័ក្ដិខាងផ្នែកអាណាចក្រគឺស្មើនឹងងារជាឧកញ៉ា ។…
រាជាគណៈ មកពីពាក្យ រាជា + គណៈ ប្រែថា ក្រុមរបស់ស្តេច ដែលជាសមណស័ក្ដិសម្រាប់បព្វជិតក្នុងក្រុងកម្ពុជាធិបតី ។
រាជាគណៈបើប្រៀបធៀបទៅនឹងឋានន្តរស័ក្ដិខាងផ្នែកអាណាចក្រគឺស្មើនឹងងារជាឧកញ៉ា ។
រាជាគណៈក្នុងក្រុងកម្ពុជាធិបតីយើងបច្ចុប្បន្នមាន៤ថ្នាក់គឺ៖ ១. រាជាគណៈថ្នាក់ឯកគឺ ថ្នាក់ទី១មានគោរមងារជាសម្តេច, ២. រាជាគណៈថ្នាក់ទោ ដែលជាថ្នាក់ទី២, ៣. រាជាគណៈថ្នាក់ត្រីគឺថ្នាក់ទី៣ និង៤. រាជាគណៈថ្នាក់ចត្វា ជាថ្នាក់ទី៤ ។
រាជាគណៈថ្នាក់កិត្តិយស ជាថ្នាក់ដែលរាជាគណៈទាំងអស់ទទួលការតែងតាំងដោយព្រះរាជក្រឹត្យហើយមានសិទ្ធិប្រើផ្លិតយសទៅតាមពណ៌តាមថ្នាក់ ហើយប្រើត្រឹមសង្ឃសព្ទ វៀរលែងតែសម្តេច៤អង្គប៉ុណ្ណោះដែលមានរាជានុសិទ្ធិប្រើរាជសព្ទនិងផ្លិតយសពិសេស(រាជសង្ហារ)គឺ៖
១. សម្តេចព្រះអគ្គមហាសង្ឃរាជាធិបតី ទេព វង្ស
២. សម្តេចព្រះអភិសិរីសុគន្ធាមហាសង្ឃរាជាធិបតី បួរ គ្រី
៣. សម្តេចព្រះមហាសុមេធាធិបតី នន្ទ ង៉ែត
៤. សម្តេចព្រះធម្មលិខិត លាស់ ឡាយ ។
សូមពុទ្ធមាមិកជនឈ្វេងយល់អំពីពាក្យថារាជាគណៈនៃបព្វជិតក្នុងព្រះពុទ្ធសាសនាដោយសង្ខេបត្រឹមនេះចុះ ៕ សាន សារិន
ចែករំលែកព័តមាននេះ