ខេត្តតាកែវ ៖ ប្រជាពលរដ្ឋ៦៨គ្រួសារមកពីភូមិចំនួន២នៅស្រុកទ្រាំងបានលើកគ្នាមកសាលាខេត្ត ដើម្បីសុំជួបលោក អ៊ូច ភា អភិបាលខេត្តតាកែវ ដើម្បីអោយជួយអន្តរាគមន៍លើករណីដែលអាជ្ញាធរស្រុកទ្រាំង បានចេញលិខិតឲ្យពួកគាត់រុះរើលំនៅឋានទាំងអស់ដែលគាត់កំពុងរស់នៅ ។…
ខេត្តតាកែវ ៖ ប្រជាពលរដ្ឋ៦៨គ្រួសារមកពីភូមិចំនួន២នៅស្រុកទ្រាំងបានលើកគ្នាមកសាលាខេត្ត ដើម្បីសុំជួបលោក អ៊ូច ភា អភិបាលខេត្តតាកែវ ដើម្បីអោយជួយអន្តរាគមន៍លើករណីដែលអាជ្ញាធរស្រុកទ្រាំង បានចេញលិខិតឲ្យពួកគាត់រុះរើលំនៅឋានទាំងអស់ដែលគាត់កំពុងរស់នៅ ។
ក្រុមប្រជាពលរដ្ឋបានអោយដឹងថា ពួកមកពីភូមិក្តីរុន និងភូមិត្រពាំងវែង ឃុំព្រៃស្លិក ឃុំខ្វាវ ស្រុកទ្រាំង កើតទុក្ខមិនសុខចិត្តខណៈដែលអាជ្ញាធរស្រុកចេញលិខិតឲ្យពួកគាត់រុះរើលំនៅឋានចេញពីកន្លែងដែលធ្លាប់រស់នៅតាំងពីឆ្នាំ១៩៧៩ (តាំងពីបែក
ប៉ុល ពត) ដោយនិយាយថា ពួកគាត់រស់នៅលើដីរដ្ឋ។ ក្រុមប្រជាពលរដ្ឋបន្តថា ពួកគាត់មានដីបន្តិចបន្តួច សម្រាប់រស់នៅជិត២ជីវិតទៅហើយ ហេតុអ្វីបានជាឲ្យពួកគាត់រុះរើចេញបែបនេះវិញ?
ជាងនេះទៅទៀត នៅពេលដែលប្រជាពលរដ្ឋមានបញ្ហាមកសុំអោយចៅហ្វាយខេត្តដែលជាម៉ែជាឪជួយ បែរជាគាត់មិនព្រមចុះមកជួបប្រជាពលរដ្ឋដើម្បីដោះស្រាយទុក្ខកង្វល់ឲ្យពួកគាត់ អោយប្រជាពលរដ្ឋឡើយទុកឲ្យអត់បាយក្រហាយទឹកកន្លះថ្ងៃទៅហើយនៅថ្ងៃទី៥ មករា ២០២២នេះ ។ ក្រុមប្រជាពលរដ្ឋបានបន្ថែមថា កន្លងមក រដ្ឋបាលស្រុកទ្រាំងបានហៅទៅជួបនៅសាលាស្រុក៥លើកមកហើយ តែគ្មានដំណោះស្រាយអ្វីទាំងអស់ រហូតមកដល់ពេលនេះ ថែមទាំងចេញលិខិតឲ្យរុះរើផ្ទះសំបែងចេញទៅវិញ តើឲ្យពួកគាត់ទៅរស់នៅទីណា?
ផ្អែកតាមលិខិតដែលប្រជាពលរដ្ឋកាន់មកជួបលោក អ៊ូច ភា ចៅហ្វាយខេត្តអោយជួយអន្តរាគមន៍នោះបានបង្ហាញថា ប្រជាពលរដ្ឋដែលចាប់ផ្តើមតាំងទីលំនៅចាប់ពីឆ្នាំ២០១៩ រហូតមកដល់ពេលបច្ចុប្បន្ននេះ ត្រូវរុះរើចេញទាំងអស់ឲ្យបានរួចរាល់ក្នុងរយៈពេលមួយខែ ដោយចាប់ផ្តើមពីថ្ងៃទី២៧ ខែធ្នូ ឆ្នាំ២០២១ ដល់ថ្ងៃទី២៦ ខែមករា ឆ្នាំ២០២២ ជាកំណត់។ បើមិនអនុវត្តតាមសេចក្តីជូនដំណឹងនេះទេ អាជ្ញាធរនិងអនុវត្តតាមវិធានការច្បាប់។ ព្រោះពួកគាត់រស់នៅលើដីនេះ យូរយារណាស់មកហើយមិនមែនឆ្នាំ២០១៩ ដូចដែលលិខិតសាលាស្រុកសរសេរអះអាងនោះទេ ។
ទាក់ទងទៅនឹងករណីនេះដែរ កោះសន្តិភាពយើងមិនអាចសុំការបំភ្លឺណាមួយពីលោកអ៊ូច ភា ចៅហ្វាយខេត្តបានទេ ដោយសារលោកនៅសំងំក្នុងបន្ទប់មិនព្រមចុះមកជួបប្រជាពលរដ្ឋឡើយ ។
ចែករំលែកព័តមាននេះ