តេស្តកូវីដ-១៩ លើសាស្ត្រាចារ្យជាង៨០០០នាក់ រកឃើញវិជ្ជមានកូវីដចំនួន៩ករណី
- កោះកុង
ខេត្តកោះកុង ៖ ប្រមុខដឹកនាំរាជរដ្ឋាភិបាលកម្ពុជា សម្តេចតេជោ ហ៊ុន សែន បានប្រកាសថា ក្រោយការធ្វើតេស្តរហ័ស (Rapid test)…
ខេត្តកោះកុង ៖ ប្រមុខដឹកនាំរាជរដ្ឋាភិបាលកម្ពុជា សម្តេចតេជោ ហ៊ុន សែន បានប្រកាសថា ក្រោយការធ្វើតេស្តរហ័ស (Rapid test) លើសាស្ត្រាចារ្យជាង ៨០០០ មកពីរាជធានី-ខេត្តទូទាំងប្រទេស ដើម្បីចូលរួមធ្វើកំណែកិច្ចការប្រឡងសញ្ញាបត្រមធ្យមសិក្សាទុតិយភូមិ គឺរកឃើញមានសាស្ត្រាចារ្យចំនួន ៩ករណីមានវិជ្ជមានកូវីដ-១៩ ។
សម្តេចតេជោ នាយករដ្ឋមន្ត្រីកម្ពុជាបានឱ្យដឹងថា តាមរយៈការរាយការណ៍របស់ឯកឧត្តម ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា គឺក្នុងរយៈពេល ៣ ថ្ងៃ គិតចាប់ពីថ្ងៃទី ៣០ និង ៣១ ខែធ្នូ ឆ្នាំ២០២១ និងថ្ងៃទី ១ ខែមករា ឆ្នាំ២០២២ បានរកឃើញករណីវិជ្ជមានកូវីដ-១៩ ចំនួន ៩ ករណីពេលធ្វើតេស្តរហ័ស សាស្ត្រាចារ្យសរុប ៨៧៧២នាក់ ក្នុងនោះ ៣ករណីនៅរាជធានីភ្នំពេញ ៣ ករណីនៅខេត្តពោធិ៍សាត់មាន ៣ ករណីនៅខេត្តបាត់ដំបង ១ករណីនៅខេត្តស្ទឹងត្រែង និងខេត្តកោះកុង ១ ករណីដែរ ។ តែយ៉ាងណាមិញ លោកគ្រូអ្នកគ្រូដែលរកឃើញមានវិជ្ជមានកូវីដ-១៩ ត្រូវបានដាក់ឱ្យធ្វើចត្តាឡីស័កនិងទទួលការព្យាបាល ខណៈសុខភាពរឹងមាំល្អ ។
សម្តេចបានបន្តថា សម្តេចពិតជាមានមោទកភាពជាខ្លាំងដែលពលរដ្ឋគ្រប់រូបបានចូលរួមយ៉ាងដុតដៃដុតជើងក្នុងការទទួលយកការចាក់វ៉ាក់សាំង និងបន្តអនុវត្តនូវវិធានសុខាភិបាល ៣កុំ ៣ការពារ ហើយអ្វីដែលធ្វើឱ្យសម្តេចសប្បាយចិត្តជាងគេនោះ គឺកាលពីពេលប្រឡងបាក់ឌុប កន្លងទៅថ្មីៗនេះ មានកូនសិស្ស ជាង១១ ម៉ឺន ៥ ពាន់នាក់ បានចូលរួមប្រឡង តែរកឃើញករណីឆ្លងកូវីដ-១៩ មានតែ ៣ ករណីប៉ុណ្ណោះ (ក្នុងនោះ ២ ករណីជាការនាំចូលដែលសិស្សបានទៅប្រកួតកីឡានៅក្រៅប្រទេស និង១ ករណីទៀតជាសិស្សនៅខេត្តបាត់ដំបង) ។ ការប្រឡងបាក់ឌុប ក៏មានគ្រូមានបញ្ហាសុខភាពតិចតួច ខ្ទង់ជាង ២០នាក់ ដែលឡើងកំដៅ ឬមិនស្រួលខ្លួន តែពេលតេស្ត គឺមិនមែនជាកូវីដ-១៩ ទេ ។
សូមបញ្ជាក់ថា កំណែកែវិញ្ញាសាប្រលងបាក់ឌុបប្រព្រឹត្តទៅបានរយៈពេល៣ថ្ងៃនៅរាជធានីភ្នំពេញ ។
ចែករំលែកព័តមាននេះ