ADផ្ទាំងផ្សព្វផ្សាយពាណិជ្ជកម្ម

Picture

រដ្ឋបាលខេត្តកំពង់ឆ្នាំង រៀបចំ កែលំអរ ដាក់​អំពូលភ្លើងពណ៌ តាមសួនកំសាន្តនានា ការប្រគុំ​តន្ត្រី និងបា.ញ់កាំជ្រួច ក្នុងពិធីឆ្លងឆ្នាំសកល

4 ខែ មុន
  • កំពង់ឆ្នាំង

ខេត្តកំពង់ឆ្នាំង៖ ឯកឧត្តម បណ្ឌិតសភាចារ្យ អ៊ុក រ៉ាប៊ុន ឧបនាយករដ្ឋមន្ត្រី រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយ​ឯកឧត្តម ស៊ុន សុវណ្ណារិទ្ធិ…

ខេត្តកំពង់ឆ្នាំង៖ ឯកឧត្តម បណ្ឌិតសភាចារ្យ អ៊ុក រ៉ាប៊ុន ឧបនាយករដ្ឋមន្ត្រី រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយ​ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង នៅរសៀលថ្ងៃទី៣០ ខែធ្នូ ឆ្នាំ២០២១ បានរៀបចំក្រុងពាលី ទំនប់ទឹកឈ្វាំង ដែលទើបបានកសាងរួចរាល់ជាស្ថាពរ សម្រាប់បម្រើវិស័យ​ទេសចរណ៍ និង​ទទួលកម្មវិធីឆ្លងឆ្នាំសកល ឆ្នាំ២០២១ ដែល​ប្រព្រឹត្តឡើង នៅទំនប់ឈ្វាំង ស្ថិត​នៅក្នុងភូមិព្រៃខ្មែរ ឃុំរលាប្អៀរ ស្រុករលាប្អៀ​។

ក្រោយកិច្ចក្រុងពាលីរួច ឯកឧត្តមបណ្ឌិតសភាចារ្យ អមដំណើរដោយឯកឧត្តមអភិបាលខេត្ត អភិបាលខេត្តរង បានអញ្ជើញទស្សនាការប្រណាំងទូក និង​បាញ់កាំជ្រួច ក្នុងពេលរាត្រី ប្រកបដោយបរិយាកាសសប្បាយរីករាយក្រៃលែង។

សូមបញ្ជាក់​ថា ប្រជាពលរដ្ឋ ដែលបានចូលរួម​ក្នុងកម្មវិធីឆ្លងឆ្នាំសកល ចាប់ពីថ្ងៃទី៣០ ដល់ថ្ងៃទី៣១ធ្នូ នៅខេត្តកំពង់ឆ្នាំង បានចូលរួមទៅលេងកម្សាន្តនៅទំនប់ឈ្វាំងយ៉ាងច្រើនកុះករ ក្នុងពេលរសៀល និងពេលរាត្រី។ ម្នាក់ៗប្រកប​ដោយទឹកមុខសប្បាយរីករាយ និងមានការពិសាអាហារតាមមាត់បឹង ដែលអមដោយភ្លើងចម្រុះពណ៌ និងទស្សនាការ​បាញ់កាំជ្រួច ដែលមានរយៈពេលប្រមាណជា ២០នាទី។

ដោយឡែក តាមរមណីយដ្ឋាន និងសួនកំសាន្តនានា ក្នុងខេត្តកំពង់ឆ្នាំង រដ្ឋបាលខេត្តកំពង់ឆ្នាំង ក៏បានរៀបចំឲ្យមាន​ការប្រគំតន្ត្រី បាញ់កាំជ្រួច និងងតុបតែង កែលម្អភ្លើងពណ៌ផងដែរ។ ក្នុងនោះ មានសួនសម្ដេចវាំងគង់សំអុល​ សួនកុមារ​មុខសាលាខេត្ត​ សួនវិមានឯករាជ្យ ​និងសួនរង្វង់មូលទូក ជាដើម​ផងដែរ៕ ពៅ សុខហ៊ាន​

Picture
Picture
Picture
Picture
Picture
Picture
Picture
Picture
Picture
Picture
Picture
Picture