ឆ្នាំ ២០២២ មានអ្វីខ្លះធ្វើឱ្យប្រែប្រួលដល់វិស័យពាណិជ្ជកម្មកម្ពុជា ?
- ភ្នំពេញ
រាជធានីភ្នំពេញ ៖ ៣ ថ្ងៃទៀត ឆ្នាំ ២០២២ នឹងចូលមកដល់ ។ ឆ្នាំ ២០២២…
រាជធានីភ្នំពេញ ៖ ៣ ថ្ងៃទៀត ឆ្នាំ ២០២២ នឹងចូលមកដល់ ។ ឆ្នាំ ២០២២…
រាជធានីភ្នំពេញ ៖ ៣ ថ្ងៃទៀត ឆ្នាំ ២០២២ នឹងចូលមកដល់ ។ ឆ្នាំ ២០២២ មន្ត្រី និងពាណិជ្ជករ សង្ឃឹមថា ពាណិជ្ជកម្មកម្ពុជាកាន់តែល្អប្រសើរ ពិសេសការនាំចេញកសិផលទៅកាន់ប្រទេស ចិន និងប្រទេសកូវ៉េខាងត្បូងជាដើម ត្បិតអីចូលឆ្នាំ ២០២២ ភ្លាមកិច្ចព្រមព្រៀងពាណិជ្ជកម្ម សេរីទ្វេភាគី និងពហុភាគីមួយចំនួននឹងចូលជាធរមាន រួមទាំងច្បាប់វិនិយោគថ្មីរបស់កម្ពុជា ទៀតនោះ ។
លោក ប៉ែន សុវិជាតិ អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្មបានឱ្យ ដឹងថា ចូលឆ្នាំ ២០២២ ភ្លាម កិច្ចព្រមព្រៀងពាណិជ្ជកម្មសេរីកម្ពុជា-ចិន និងចូលជាធរមាន មុនគេ ។
លោកថា រាល់ឯកសារផ្សេងៗពាក់ព័ន្ធនិងកិច្ចព្រមព្រៀងពាណិជ្ជកម្មសេរីទ្វេភាគី ជាមួយចិននេះ បានរៀបចំរួចរាល់អស់ហើយ ហើយគេរំពឹងទុកថា កិច្ចព្រមព្រៀងនេះនឹង ចូលជាធរមាននៅថ្ងៃទី ១ ខែមករា ឆ្នាំ ២០២២ តែម្តង ។ តាមមន្ត្រីដដែលចំណែកកិច្ចព្រមព្រៀងពាណិជ្ជកម្មសេរីជាមួយកូរ៉េនៅថ្ងៃទី ២៩ ធ្នូឆ្នាំ ២០២១ ខាងមុខនេះ អាចនឹងត្រូវរដ្ឋសភាអនុម័ត ។ ដោយឡែកកិច្ចព្រមព្រៀងភាពជាដៃគូ សេដ្ឋកិច្ច គ្រប់ជ្រុងជ្រោយតំបន់ (RCEP) ក្នុងក្របខណ្ឌអាស៊ាននោះក៏បានបញ្ចប់នីតិវិធី ហើយដែរ ។
បើតាមមន្ត្រីអ្នកនាំពាក្យក្រសួងពាណិជ្ជកម្ម ស្របពេលកិច្ចព្រមព្រៀងពាណិជ្ជកម្មខាង លើក្រសួងពាណិជ្ជកម្មបាននិងកំពុងរៀបចំនូវឯកសារមួយ ដែលមានសារសំខាន់បំផុត ហៅ ថា ឯកសារជាយុទ្ធសាស្ត្រទាញយកជាអត្ថប្រយោជន៍ជាអតិប្បរមាពីកិច្ចព្រម ព្រៀងពាណិជ្ជ កម្មសេរី ។
ក្រសួងបានព្យាយាមរៀបចំនូវមុខបញ្ជីជាមុខទំនិញ, រៀបចំតារាង លក្ខខណ្ឌតម្រូវ, រៀបចំការបង្ហាញនៅអត្រាពន្ធជាក់ស្តែង និងជាការប្រៀបធៀបជាមួយនិងអត្រាពន្ធដទៃទៀត នៅក្នុងតំបន់ រៀបចំនៅគំរូនៃទំនិញ និងភាពទំនាក់ទំនងរបស់ទំនិញមួយទៅទំនិញមួយទៀត ដែលអាចធ្វើការកែច្នៃបាន ដើម្បីបង្ហាញជូនដល់ធុរជនក៏ដូចជាសាធារណជនទូទៅក្នុងការ អនុវត្តលើកិច្ចព្រមព្រៀងពាណិជ្ជកម្មសេរីជាមួយចិន ក៏ដូចជាកិច្ចព្រមខាងលើនេះឱ្យមាន ប្រសិទ្ធភាព និងទាញយកអត្ថប្រយោជន៍បានជាអតិប្បរមា ។
លោក ប៉ែន សុវិជាតិ សង្កត់ធ្ងន់ថា ឈរលើមូលដ្ឋាននៃការបង្ហាញនៃមុខទំនិញទាំង អស់នេះ យើងពង្រីកបានទំនិញកសិកម្មបន្ថែមទៅកាន់ទីផ្សារចិន ហើយទំនិញកសិកម្ម និង កសិឧស្សាហកម្ម រួមនិងទំនិញកែច្នៃផ្សេងទៀតនេះយើងរំពឹងថា មានការរីកចម្រើនដែរ ។ សម្រាប់ទិនិញជាគ្រឿងបង្គុំ គ្រឿងបន្លាស់ រួមនិងទំនិញកសិកម្មដែលធ្លាប់បាននាំចេញ និង បានកែច្នៃក៏អាចនាំចេញទៅទីផ្សារខាងលើនេះដែរ ។
លោកឧកញ៉ា លឹម ហេង អនុប្រធានសភាពាណិជ្ជកម្ម បានបង្ហាញក្តីសង្ឃឹមថា ការ អនុវត្ត ច្បាប់វិនិយោគថ្មីក៏ដូចជាកិច្ចព្រមព្រៀងពាណិជ្ជកម្មសេរីជាមួយចិន និងកូរ៉េនេះ ជា ឈ្នាន់មួយសម្រាប់ជំរុញកំណើនសេដ្ឋកិច្ចរបស់កម្ពុជាបន្ថែមទៀត និងជាទាក់ទាញអ្នក វិនិ យោគមកកាន់កម្ពុជាឱ្យបានកាន់តែច្រើន ។ លោកឧកញ៉ា ជឿជាក់ថា ចូលដល់ឆ្នាំ ២០២២ ពាណិជ្ជកម្ពុជានឹងបានលើកកម្ពស់តាមយន្តរការច្បាប់ខាងលើនោះ ៕
ចែករំលែកព័តមាននេះ