ADផ្ទាំងផ្សព្វផ្សាយពាណិជ្ជកម្ម

Picture

គ្រោះថ្នាក់​ចរាចរណ៍ជិត១ខែ​អត់ទាន់បញ្ចប់ ខណៈ​ជន​រង​គ្រោះ​ទារ​​១.៥០០០ដុល្លារ​មក​នៅ៩០០០​ដុល្លារ​

6 ខែ មុន
  • បន្ទាយមានជ័យ

ខេត្តបន្ទាយមានជ័យ ៖ គ្រោះថ្នាក់​ចរាចរណ៍​មួយបានកើតឡើង​ ដោយ​គិតដល់ថ្ងៃទី២៧​ ធ្នូ នេះ គឺមានរយៈ​​ជិត១ខែ​ទៅ​ហើយ មិន​ទាន់ត្រូវបានបញ្ចប់ទេ ខណៈ​​ភាគី​ជនរងគ្រោះ​ទារសំណង​​១.៥០០០ដុល្លារ​ តែធ្លាក់មក​នៅ៩០០០ដុល្លារ…

ខេត្តបន្ទាយមានជ័យ ៖ គ្រោះថ្នាក់​ចរាចរណ៍​មួយបានកើតឡើង​ ដោយ​គិតដល់ថ្ងៃទី២៧​ ធ្នូ នេះ គឺមានរយៈ​​ជិត១ខែ​ទៅ​ហើយ មិន​ទាន់ត្រូវបានបញ្ចប់ទេ ខណៈ​​ភាគី​ជនរងគ្រោះ​ទារសំណង​​១.៥០០០ដុល្លារ​ តែធ្លាក់មក​នៅ៩០០០ដុល្លារ តែខាងបង្កគ្មានលទ្ធ​ភាព ​។ ហើយភាគីខាងជន​រងគ្រោះនៅតែ​​ដង្ហោយ​រក​យុត្តិ​ធ​ម៌ ​ព្រោះ​រង​របួសធ្ងន់​ថែមទាំងមាន​កូន​ក្នុង​ផ្ទៃ៦ខែ​មិនដឹងជា​យ៉ាង​ណា​នោះ​ទេ រី​ឯ​ម៉ូតូ​ក៏ខ្ទេច​មើល​លែង​យល់ផងដែរ ​។​

Picture

​ហេតុការណ៍បាន​​កើតឡើង​កាលពី​ល្ងាច​ថ្ងៃទី១ ធ្នូ មកម្ល៉េះ នៅក្នុង​ភូមិ​តេជោ​ភ្នំ​ឆត្រ ​ឃុំ​និង​ស្រុក​ស្វាយចេក​ ។ ជនរងគ្រោះ​ក្នុង​ហេតុការណ៍​ខាងលើ ឈ្មោះ​ពន់​ ស្រី​នី​ត ​អាយុ១៨ឆ្នាំ ​មាន​ទីលំនៅ​ក្នុង​ភូមិ​កើតហេតុ ​។​ នាង​របួស​បាក់​ប្រអប់​ជើង​ខាងស្តាំ​ និង​ខាងលើ​ចង្កេះ​ខាងស្តាំ ​មិន​តែប៉ុណ្ណោះ​កូន​ក្នុង​ផ្ទៃ៦ខែ​ ក៏​អាច​ប៉ះពាល់​ធ្ងន់ធ្ងរ​ដែរ ​ព្រោះ​នាង​និង​ម៉ូតូ​ត្រូវ​រថយន្ត​បង្ក​របុក​ប៉ើង​ដូច​សី​ ។ ​នាងរង​គ្រោះ​ប្រាប់​ថា​ ដំបូង​នាង​បើកបរ​ម៉ូតូ​ម៉ាក​វី​នន័រ​អ៊ិ​ច(Winer x) ព​ណ៌​ខ្មៅ ​សេ៊រី​ឆ្នាំ២០២០ ពាក់​ស្លាក​លេខ​បន្ទាយមាន​ជ័យ​១W-៩០៦៣ ដឹក​ក្មួយប្រុស​ឈ្មោះ​សឹម បញ្ញា​ដើម្បី​ទៅ​ទិញ​ញ​ឥវ៉ាន់​នៅផ្ទះ​ជ​នប​ង្ក ព្រោះ​ទីនោះ​មាន​លក់​គ្រឿងទេស​។​

នាង​បន្ត​ថា​ លុះ​នាង​ឆ្លងផ្លូវ​ផុត​ ក៏ចត​ម៉ូតូ​នៅមុខ​ផ្ទះ​ជន​បង្ក ស្រាប់​តែ​ឃើញ​ឈ្មោះ​សន​ ប៊ុ​ន​ថា បើ​ករ​ថ​យន្ត​ថយចេញ​ពី​ផ្ទះ​បន្ទាប់​មកក៏​​បើក​ឡើង​ផ្លូវ​កៅស៊ូ​ទៅ​ទិសខាងលិច​បន្ទាប់​មក​ក៏ឃើញ​រថយន្ត​នោះ​បត់​ត្រឡប់មកវិញ​បុក​នាង​និង​ម៉ូតូ​បង្ក​ ​របួស​ខណៈ​ក្មួយ​ប្រុស​ចុះពី​ម៉ូតូ​មុនឆ្លងផុត​គ្រោះថ្នាក់​។​ ភាគី​រងគ្រោះ​បន្ត​ថា​ ក្រោយ​កើតហេតុ​ភាគី​បង្ក​បា​នដឹ​ក​នាង​ទៅ​មន្ទីរពេទ្យ​(Emergen​cy) នៅ​ឯ​ខេត្តបាត់ដំបង​ដើម្បី​ព្យាបាល​។​

សាច់ញាតិ​ជនរងគ្រោះ​លើកឡើង​ថា​ ក្រោយ​កើតហេតុ​អាជ្ញាធរ​មូលដ្ឋាន​បាន​សុំ​ដោះស្រាយ​នៅ​នឹងកន្លែង​ ប៉ុន្តែ​ជិត​កន្លះ​ខែ​
នៅ​តែ​គ្មាន​ដំណោះស្រាយ​ដដែល ពួក​គា​ត់​ក៏នាំគ្នា​ទៅកាន់​អធិការដ្ឋាន​នគរបាល​ស្រុក​ស្វាយចេក​ ដើម្បីឲ្យ​ជំនាញ​ជួយ​រក​យុត្តិ​ធ​ម៌​ដឹង​អី​អ្វី​ៗ​ដែល​បាន​មកវិញ​ នគរបាល​ប្រាប់​ពួកគាត់​ថា ​សម្ល​ផ្អូម​ហើយ​ពិបាក​ដោះស្រាយ​ណាស់​។ ​ពួកគាត់​ថា ​ពេល​ទៅ​ជួប​សមត្ថ​​កិច្ច​គេ​ឲ្យ​សុំ​ចំណារ​ពី​អាជ្ញាធរ​ហើយ​ពេល​ទៅ​សុំ​ឯក​សា​របញ្ជាក់​ពី​អាជ្ញាធរ​បែ​រជា​រុញ​ដាក់គ្នា​ពី​មួយ​ទៅ​មួយ​។​ ជនរងគ្រោះ​និង​សាច់ញាតិ​ថា​ ករណីនេះ​មិន​អាច​ទទួលយក​សំណង​តិចតួច​បានទេ​ព្រោះ​ជនរងគ្រោះ​អាច​ពិការ​ជើងម្ខាង​មួយ​ជីវិត ​ឯ​កូន​ក្នុង​ផ្ទៃ​ខាង​ពេទ្យ​ប្រាប់​ថា​ អាច​មិន​ប្រក្រតី​។​

សម្រាប់​ភាគី​បង្ក លោក​សន ​ប៊ុ​ន​ថា ​ប្រាប់​តាម​ទូរស័ព្ទ​ថា​ គ្មាន​ចេតនា​បើក​រថ​យន្ត​បង្ក​គ្រោះថ្នាក់​ទេ ​ប៉ុន្តែ​ដោយសា​រពេល​ជាន់​ហ្វ្រាំង​មាន​ដបមួយ​កល​នៅ​ខាងក្រោម​ហ្វ្រាំង​ ទើប​កើតមាន​បញ្ហាបែបនេះ ។ ​លោក​ថា ​ក្រោយ​កើតហេតុ​ លោក​មិនបាន​គេច​វេស​ពី​ការ​ទទួលខុសត្រូវ​នោះ​ដែរ ​ព្រម​មើលថែ​ជំងឺ​ជនរងគ្រោះ ​និង​ដោះស្រាយ​សំណង​ ប៉ុន្តែ​ការ​ដោះស្រាយ​រហូត៣ដង​ក្នុង​មូលដ្ឋាន​ និង​ទៅដល់​អធិការដ្ឋាន​នគរបាល​ស្រុក​មិនបាន​សម្រេច ​ព្រោះ​ភាគី​រងគ្រោះ​ទារសំណង​ថ្លៃ​ពេក​ពី១.៥០០០ដុល្លារ​មក​នៅ៩០០០ដុល្លារ ​ខណៈ​គាត់​សុំ​ត្រឹម៦០០០ដុល្លា​រ និង​ជួយ​បង់ថ្លៃ​ព្យាបាល​ផង​គេ​មិនព្រម​។​

ទោះជាយ៉ាងណា ​អ្នកបើកបរ​រថ​យន្ត​បង្ក​​​រូប​នេះ​បញ្ជាក់​ជាចុងក្រោយ​ថា ​លោក​នឹង​​នៅតែ​ទទួលខុសត្រូវ​លើ​កា​របង់​សំណង​ត្រឹម៤.៥០០ដុល្លា​រ និង​សង​ថ្លៃ​ថ្នាំពេទ្យ​បើ​ភាគី​រងគ្រោះ​ព្រម​បញ្ចប់រឿង​។ ​ប្រធាន​មណ្ឌល​អភិវឌ្ឍន៍​យោធិន​ពិការ៣១៧តេជោ​ភ្នំ​ឆត្រ ​លោក​ឧត្តមសេនីយ៍​ អ៊ុត​ សំអាត​ បាន​ប្រាប់​កោះសន្តិភាព​ថា​ បញ្ហា​ខាងលើ​ លោ​កក៏​ដូចជា​អាជ្ញាធរ​ភូមិ​បាន​ធ្វើការ​សម្រប​សម្រួល​ភាគី​ទាំង២អស់​លទ្ធភាព ហើយ​តម្លៃ​ទាមទារ​សំណង​របស់​ភាគី​រងគ្រោះ​ភាគី​បង្ក​រមិន​អាច​ទទួលយក​បាន ​ទើប​រឿង​នេះ​វែងអន្លាយ​ ខណៈ​ភាគី​រងគ្រោះ​ទាមទារ​ប្តឹង​ឡើង​ទៅ​តុលាការ​បន្ត​។​

អធិការរង​ទទួល​ផែន​ចរាចរ​នៃ​អធិការដ្ឋាន​នគរបាល​ស្រុក​ស្វាយចេក​បាន​ប្រាប់​កោះសន្តិភាព​ថា ​ពេល​កើតហេតុ​កម្លាំង​ប៉ុ​ស្តិ៍​រដ្ឋបាល​នគរបាល​ស្វាយចេក​ចំនួន២នាក់​បាន​ទៅដល់​កន្លែង​កើតហេតុ​ដែរ​ តែ​ខាង​មណ្ឌល​អភិវឌ្ឍន៍​នោះ​និង​អាជ្ញាធរ​ភូមិ​សុំ​សម្រុះសម្រួល​ម្យ៉ាង​ភាគី​បង្ក​ក៏​បាន​ជួយ​ដឹក​អ្នករងគ្រោះ​ទៅ​ព្យាបាល​ និង​ព្រម​មើលថែ​អ្នក​ជំងឺ​ទើប​ខាង​សមត្ថកិច្ច​ដក​កម្លាំង​មកវិញ​។​

លោក​អធិការរង​បញ្ជាក់​ថា​ រាល់​ករណី​ដែល​កើតមាន​នៅ​ចំណុច​ភូមិ​ខាងលើ ​សមត្ថកិច្ច​ពិបាកធ្វើ​ការ​ណាស់​ ព្រោះ​អាជ្ញាធរ​នៅ​ទីនោះ ​ហាក់​មិន​សហ​ការ​ជាមួយទេ ​តែងតែ​សុំ​ធ្វើការ​សម្របសម្រួល​ លុះ​ដោះស្រាយ​មិន​ចេញ​ ទើប​ពលរដ្ឋ​រត់រក​ឲ្យ​សមត្ថកិច្ច​ជួយ​ ។ ​ចំពោះ​ករណី​ដែល​សាច់ញាតិ​ជនរងគ្រោះ​លើកឡើង​ថា ​ពេល​ទៅ​សុំ​អន្តរាគមន៍ឲ្យ​សមត្ថកិច្ច​ជួយ​បែរ​ជា​សម​ត្ថ​កិច្ចថា​ សម្លរផ្អូម​ពិបាក​ទទួល​នោះ​លោក​អធិការរង​បដិសេធ​​ថា​ មិនបាន​ដឹង​ទេ​ បើ​ទោះជា​ក្រុម​សាច់ញាតិ​មាន​ទាំង​សម្លេង​សមត្ថ​កិ​ច្ច​ ក៏ដោយ ។

Picture
Picture
Picture