រាជធានីភ្នំពេញ ៖ បច្ចេកវិទ្យាដែលអាចឲ្យអាជីវកម្មបន្តការលក់ និងការផ្សព្វផ្សាយផលិតផល និងសេវាកម្ម តាមអនឡាញបាន រួមទាំងការទូទាត់ប្រាក់តាមបច្ចេកវិទ្យាដែរនោះ ត្រូវគេមើលឃើញថា បានជួយដល់ការរស់រានអាជីវកម្មខ្នាតតូច និងមធ្យម…
រាជធានីភ្នំពេញ ៖ បច្ចេកវិទ្យាដែលអាចឲ្យអាជីវកម្មបន្តការលក់ និងការផ្សព្វផ្សាយផលិតផល និងសេវាកម្ម តាមអនឡាញបាន រួមទាំងការទូទាត់ប្រាក់តាមបច្ចេកវិទ្យាដែរនោះ ត្រូវគេមើលឃើញថា បានជួយដល់ការរស់រានអាជីវកម្មខ្នាតតូច និងមធ្យម (SME) នៅកម្ពុជាច្រើនពេលកូវីដ ១៩ នេះ ។ មានការលើកឡើងថា ថ្មីៗនេះក្រុមហ៊ុនហ្វេសប៊ុក បានដាក់ចេញការស្រាវជ្រាវថ្មីមួយស្តីអំពីការប្រើប្រាស់ មានប្រហែល ១.០០០ ក្នុងនោះប្រមាណ ៦០% បានប្រើបច្ចេកវិទ្យាដើម្បីដើម្បីដំណើរការអាជីវកម្ម ក្នុងវិបត្តិនៃជំងឺកូវីដ ១៩ បាន ។
លោកបណ្ឌិត តាំង ងូនលី នាយកប្រតិបត្តិមជ្ឈមណ្ឌលបណ្តុះធុរកិច្ចថ្មីតេជោ អះអាងថា ដើម្បីអាចជួយ SME នៅក្នុងបរិបទជំងឺកូវីដ ១៩ នេះបាន គឺមានតែបច្ចេកវិទ្យាទេដែលនឹងអាចជួយឱ្យវិស័យនេះ នៅដំណើរការបាន ។ លោកលើកឡើងថា បច្ចេកវិទ្យាបានធ្វើឲ្យអាជីវកម្មនៅតែអាចធ្វើទំនាក់ទំនងជាមួយអតិថិជន បានដូចជាតាមហ្វេសប៊ុកផេក ដែលអាចបង្ហាញសេវាកម្ម និងផលិតផល ។ ចំណែកប្រព័ន្ធទូទាត់សងប្រាក់ទៀតសោធមួយចំនួនគេផ្ទេរតាមប្រព័ន្ធធនាគារ និងមួយចំនួនទៀតនៅតែផ្ញើរលុយដោយដៃដដែល ។
លោកស្រី ជា សិរី ឧបការីទេសាភិបាល និងជាអគ្គនាយកបច្ចេកទេសនៃធនាគារជាតិនៃកម្ពុជា មានប្រសាសន៍ថា ធនាគារជាតិនៃកម្ពុជា បានខិតខំលើកកម្ពស់ហិរញ្ញប្បទានដល់ SME និងជំរុញទំនើបកម្មប្រព័ន្ធធនាគារ ជាពិសេសប្រព័ន្ធទូទាត់ ដើម្បីសម្រួលដល់ប្រតិបត្តិការដោះដូរ ដែលបានរួមចំណែកទ្រទ្រង់អាជីវកម្មនានា រាប់បញ្ចូលទាំងអាជីវកម្មរបស់ SME នៅក្នុងស្ថានភាពប្រឈមនឹងការបាត់បង់អតិថិជនដោយសារបញ្ហាភ័យខ្លាចនឹងជំងឺឆ្លង ។
លោកស្រីជឿជាក់ថា ការជំរុញបន្ថែមការប្រើប្រាស់បច្ចេកវិទ្យានៅក្នុងសេដ្ឋកិច្ចនឹងក្លាយជាកត្តាស្នូលមួយ ក្នុងការលើកស្ទួយ SME បន្ថែមទៀតនាពេលខាងមុខ ។ ជាមួយការប្រើប្រាស់បច្ចេកវិទ្យាកាន់តែទូលំទូលាយ SME អាចនឹងទទួលបានព័ត៌មានឆាប់រហ័សពីតម្រូវការទីផ្សារ និងលើកកម្ពស់លទ្ធភាពទទួលបានហិរញ្ញវត្ថុផ្លូវការ ។
ទោះយ៉ាងណា លោកស្រីលើកឡើងថា ការជំរុញការប្រើប្រាស់បច្ចេកវិទ្យាមិនមែនជាកិច្ចការងាយស្រួលនោះទេ ដោយទាមទារនូវការអភិវឌ្ឍហេដ្ឋារចនាសម្ព័ន្ធឌីជីថលឱ្យបានទូលំទូលាយ គួបផ្សំនឹងការលើកកម្ពស់ចំណេះដឹងផ្នែកឌីជីថលរបស់ម្ចាស់សហគ្រាសធុនតូចនិងមធ្យម និងជំនឿទុកចិត្តរបស់សាធារណជនទូទៅមកលើប្រព័ន្ធឌីជីថលផងដែរ ដែលទាំងអស់នេះ ទាមទារនូវការចូលរួមពីគ្រប់ស្ថាប័នពាក់ព័ន្ធទាំងអស់ ៕
ចែករំលែកព័តមាននេះ