ពាក្យ«ការណ៍ពិត និងការពិត»មួយណាដែលត្រឹមត្រូវ ?
ដើម្បីកុំឱ្យប្រើពាក្យពេចន៍ខ្មែរខុសតទៅទៀត ព្រះមហាស៊ឹម សានិត បានពន្យល់អំពីពាក្យ «ការណ៍ពិត និងការពិតយ៉ាងដូច្នេះថា៖ ១. ការណ៍ពិត គឺដំណើរពិត, ការណ៍ពិត,…
ដើម្បីកុំឱ្យប្រើពាក្យពេចន៍ខ្មែរខុសតទៅទៀត ព្រះមហាស៊ឹម សានិត បានពន្យល់អំពីពាក្យ «ការណ៍ពិត និងការពិតយ៉ាងដូច្នេះថា៖
១. ការណ៍ពិត គឺដំណើរពិត, ការណ៍ពិត, អ្វីដែលពិត, រឿងពិត, ការណ៍ពិតមិនក្លែងក្លាយ… ឧទាហរណ៍: ខិតខំស្វែងរកនូវការណ៍ពិត, សូមនិយាយការណ៍ពិត, ប្រាប់ការណ៍ពិតជាដើម ។
ពាក្យថា ពិត គឺជានិបាតសព្ទ បើប្រើជាគុណនាមផងក៏បាន ប្រែថា មែន, ប្រាកដ, ទៀង, ពាក្យពិត, សេចក្ដីពិត, និយាយពិត, ថាតាមពិត ។
២. ការពិត ប្រែថា ការនិយាយប្រាប់, ប្រាប់ដំណឹង, ពិតដំណឹង, ពិតទូល, កំណត់យកជាការពិតបាន, សេចក្តីដែលគួររាប់គួរយកជាការពិតបាន, ការកំណត់ ឬស្ទង់ដំណើរ, សាច់ការជាដើម ។
ឧទាហរណ៍: ពួកឯងនិយាយស្តីយកជាការពិត គឺយកជាការឱ្យពិតប្រាកដ ឬយកជាសាច់ការ ជាប្រមាណមិនបាន ។ ឯកសារយោង : វចនានុក្រមខ្មែររបស់សម្តេចព្រះសង្ឃរាជ ជួន ណាត ជោតញ្ញាណោ
ចែករំលែកព័តមាននេះ