១១ ខែឆ្នាំនេះ ពាណិជ្ជកម្មក្រៅប្រទេសរបស់កម្ពុជាធ្លាក់ចុះ
- ភ្នំពេញ
រាជធានីភ្នំពេញ ៖ រយៈពេល ១១ ខែកន្លងមកនេះតម្លៃនៃការនាំចេញរបស់កម្ពុជា មានទំហំសាច់ប្រាក់ជាង ១៥ ពាន់លានដុល្លារអាមេរិក គឺធ្លាក់ចុះប្រមាណ ០,១២%…
រាជធានីភ្នំពេញ ៖ រយៈពេល ១១ ខែកន្លងមកនេះតម្លៃនៃការនាំចេញរបស់កម្ពុជា មានទំហំសាច់ប្រាក់ជាង ១៥ ពាន់លានដុល្លារអាមេរិក គឺធ្លាក់ចុះប្រមាណ ០,១២%…
រាជធានីភ្នំពេញ ៖ រយៈពេល ១១ ខែកន្លងមកនេះតម្លៃនៃការនាំចេញរបស់កម្ពុជា មានទំហំសាច់ប្រាក់ជាង ១៥ ពាន់លានដុល្លារអាមេរិក គឺធ្លាក់ចុះប្រមាណ ០,១២% បើប្រៀបធៀបនិងពេលដូចគ្នាឆ្នាំ ២០២០ ។ តែទោះយ៉ាងណា លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ថ្លែងក្នុងសន្និបាតបូកសរុបការងារពាណិជ្ជកម្មឆ្នាំ ២០២១ និងទិសដៅការងារពាណិជ្ជកម្មឆ្នាំ ២០២២ នៅថ្ងៃទី២៣ ខែធ្នូ ឆ្នាំ ២០២១ នេះថា «ថ្វីត្បិតតែតម្លៃនាំចេញក្នុងរយៈពេល ១១ ខែ នៃឆ្នាំ ២០២១ មានចំនួន ១៥. ៧២៩ លានដុល្លារអាមេរិក ដែលមានការធ្លាក់ចុះចំនួន ០.១២% ធៀបនឹងតម្លៃនាំចេញសម្រាប់រយៈពេលដូចគ្នាក្នុងឆ្នាំ ២០២០ ក៏ដោយ តែប៉ុន្តែបើតាមការព្យាករណ៍របស់ក្រសួងសេដ្ឋកិច្ច និងហិរញ្ញវត្ថុ កំណើនសេដ្ឋកិច្ចនៅក្នុងឆ្នាំ ២០២១ នេះ នឹងមានប្រមាណ ២,៤%» ។
រដ្ឋមន្ត្រីអះអាងថា សមាហរណកម្ម និងពាណិជ្ជកម្មអន្តរជាតិកម្ពុជា នៅតែបន្តរក្សាកំណើនក្នុងអត្រាមួយគួរឱ្យកត់សម្គាល់ ក្នុងនោះ តម្លៃនៃការនាំចេញក្នុងឆ្នាំ ២០២០ មានប្រមាណ ១៧.២១៥ លានដុល្លារអាមេរិក ពោលគឺកើនឡើង ១៦,៧% បើប្រៀបធៀបនឹងតម្លៃនាំចេញក្នុងរយៈពេលដូចគ្នា ក្នុងឆ្នាំ ២០១៩ ។
លោកបន្តថា ទន្ទឹមនឹងការនាំចេញមានការថមថយ ក្រសួងពាណិជ្ជកម្មបានធ្វើពិពិធកម្មទីផ្សារ និងបើកច្រកទីផ្សារបន្ថែម តាមរយៈការចរចាបង្កើតកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគីមានកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) កិច្ចព្រមព្រៀងពាណិជ្ជកម្មសេរីកម្ពុជា-ចិន និង កិច្ចព្រមព្រៀងសេរីកម្ពុជា-កូរ៉េ បានឆ្លងគណៈកម្មការជំនាញនៃរដ្ឋសភារួច ហើយគ្រោងដាក់ក្នុងកិច្ចប្រជុំពេញអង្គរដ្ឋសភានៅពេលខាងមុខ ។ ក្រៅពិនោះការកសាងច្បាប់ លិខិតបទដ្ឋានគតិយុត្ត ព្រមទាំងយុទ្ធសាស្ត្រពាណិជ្ជកម្មច្បាប់ស្តីពីការប្រកួតប្រជែង ត្រូវរំពឹងថា នឹងជួយជំរុញកំណើនសេដ្ឋកិច្ច ពាណិជ្ជកម្មរបស់កម្ពុជា ៕
ចែករំលែកព័តមាននេះ