ខេត្តកណ្តាល ៖ គណៈកម្មការចម្រុះ រួមមានខណ្ឌរដ្ឋបាលជលផលសុរិយោដីរ៉ែ និងថាមពល រួមជាមួយអាជ្ញាធរស្រុក និងកងកម្លាំងប្រដាប់អាវុធ បានចុះទប់ស្កាត់ការជីកដីបឹង គ្មានច្បាប់របស់លោកមេឃុំជាលើកទី២ ដោយចាប់គ្រឿងចក្រ និងរថយន្តបានចំនួន១៣គ្រឿង នៅចំណុចបឹងជន្លេនក្នុងភូមិ ជ្រោយមេត្រី ឃុំប្ញស្សីជ្រោយ ស្រុកមុខកំពូល កាលពីរសៀលថ្ងៃទី៦ មិថុនា។
ខេត្តកណ្តាល ៖ គណៈកម្មការចម្រុះ រួមមានខណ្ឌរដ្ឋបាលជលផលសុរិយោដីរ៉ែ និងថាមពល រួមជាមួយអាជ្ញាធរស្រុក និងកងកម្លាំងប្រដាប់អាវុធ បានចុះទប់ស្កាត់ការជីកដីបឹង គ្មានច្បាប់របស់លោកមេឃុំជាលើកទី២ ដោយចាប់គ្រឿងចក្រ និងរថយន្តបានចំនួន១៣គ្រឿង នៅចំណុចបឹងជន្លេនក្នុងភូមិ ជ្រោយមេត្រី ឃុំប្ញស្សីជ្រោយ ស្រុកមុខកំពូល កាលពីរសៀលថ្ងៃទី៦ មិថុនា។
លោកវ៉ិត ធារិទ្ធ នាយខណ្ឌរដ្ឋបាលជលផលខេត្តកណ្តាល ដឹកនាំកម្លាំងចម្រុះ ចុះបង្ក្រាបទប់ស្កាត់ការជីកកាយដីបឹងជន្លេនជាលើកទី២នេះ បានប្រាប់ឱ្យដឹងថា នេះជាលើកទី២ហើយ ដែលកម្លាំងចម្រុះរបស់ខេត្ត ចុះមកធ្វើការទប់ស្កាត់ និងបង្ក្រាបនេះ ដែលកាលពីលើកដំបូង យើងបានឃាត់ទុកនូវរថយន្តដឹកដីប្រភេទធំចំនួន១៧គ្រឿង អេស្ការវ៉ាទ័រចំនួន៨គ្រឿង និងអាប៊ុលឈូសដីចំនួន៥គ្រឿង និងបានហៅម្ចាស់មកធ្វើកិច្ចសន្យាឱ្យបញ្ឈប់ជាបណ្តោះអាសន្នសិន ដើម្បីឱ្យពួកគាត់សុំច្បាប់ឱ្យបានត្រឹមត្រូវជាមុនសិន។ ក្នុងនោះក្រុមឈ្មួញ ទាំងអស់ក៏បានប្រាប់ ថា បានទទួលការអនុញ្ញាតពីលោកអ៊ុំ ឈុនស្រេង ដែលជាមេឃុំឬស្សីជ្រោយ ទើបបានជា ពួកគាត់ហ៊ានជីកកាយ។
លោកនាយខណ្ឌក៏បានបញ្ជាក់ដែរថា ក្រោយពីធ្វើកិច្ចសន្យា និងឃាត់ទុកក្រុមឈ្មួញទាំងអស់ ដែលមានលោកមេឃុំនៅពីក្រោយនោះ មិនបានផ្អាកសកម្មភាពនោះទេ ផ្ទុយទៅវិញ បានយកគ្រឿងចក្រទាំងនោះ ទៅជីកដឹកដីបឹងជន្លេន ដោយភាពអនាធិតេយ្យកាន់តែគគ្រឹកគគ្រេង ទើបលោកម៉ៅ ភិរុណ អភិបាលខេត្ត បញ្ជាឱ្យលោកដឹកនាំកម្លាំងចម្រុះចុះមកចាប់ម្តងទៀត និងដោយមានការឯកភាពពីរដ្ឋបាលជលផលដែរ ហើយយើងបានចាប់ឃាត់រថយន្តដឹកដីបន្ថែមចំនួន៦គ្រឿង និងអេស្កាវ៉ាទ័រចំនួន៧គ្រឿង
ទៀត។
លោកក៏បានសំណូមពរ ទៅលោកមេឃុំ ឱ្យផ្អាកជាបន្ទាន់ដែរនូវការជីកកាយដីបឹជន្លេននេះ និងត្រូវធ្វើបែបបទសុំច្បាប់ឱ្យបានត្រឹមត្រូវជាមុនសិន ។ ចំណែកឯលោកផាន សុខ ប្រធានសហព័ន្ធសហគមន៍នេសាទបឹងជន្លេន បានលើកឡើងថា លោកមេឃុំគាត់យកលេសស្តារបឹងនេះ និងធ្វើផ្លូវកាត់បឹងនេះ គឺគ្រាន់តែជាលេស ដើម្បីយកអាចម៍ដីលក់ និងធ្វើផ្លូវដើម្បីងាយស្រួលដឹកដីចូលឡអិដ្ឋរបស់គាត់តែប៉ុណ្ណោះ។
លោកថា លោកមេឃុំបានដឹកអាចម៍ដី លក់ ច្រើនខែមកហើយបានប៉ះពាល់ដល់ដី ប្រជាពលរដ្ឋដែលធ្លាប់អាស្រ័យផលដាំត្រកួន ឈូកនៅក្និងបឹងនោះយូរឆ្នាំមកហើយ គ្រាន់ដោះស្រាយជីវភាព ។ ការស្ដារបឹងនេះ ជាលេសយកអាចម៍ដីលក់ប៉ុណ្ណោះ ធ្វើឱ្យប្រជាពលរដ្ឋ ធ្លាប់អាស្រ័យផលក្នុងដដីបឹងនោះ ច្រើននាក់ថ្នាំងថ្នាក់និងលោកមេឃុំ ។
ចែករំលែកព័តមាននេះ